પાવર ફાઇનાન્સ કોર્પોરેશન લિમિટેડ (PFC) અને આરઈસી લિમિટેડ (REC) ના બોર્ડ ઓફ ડિરેક્ટર્સે કંપનીઝ એક્ટ, 2013 ની કલમ 230 થી 232 અને અન્ય લાગુ પડતી જોગવાઈઓ હેઠળ, આરઈસી (ટ્રાન્સફરર કંપની)નું પીએફસી (ટ્રાન્સફરી કંપની)માં વિલીનીકરણ કરવા માટેની મર્જર યોજના અને તેમના સંબંધિત શેરધારકો તેમજ લેણદારોને મંજૂરી આપી દીધી છે. પીએફસીમાં આરઈસીના વિલીનીકરણથી કુલ રૂ. 11 લાખ કરોડથી વધુની લોન બુક ધરાવતી એક મોટી ધિરાણ કરતી સંસ્થા અસ્તિત્વમાં આવશે.

આ યોજના અન્ય બાબતોની સાથે સાથે લાગુ કાયદા હેઠળ તમામ જરૂરી મંજૂરીઓ અને સંમતિઓ મેળવવાને આધીન છે, જેમાં બંને કંપનીઓના સંબંધિત શેરધારકો અને લેણદારો તેમજ તમામ સંબંધિત નિયામક અને સરકારી સત્તાવાળાઓ પાસેથી મંજૂરીઓ મેળવવાનો સમાવેશ થાય છે; અને વિલીનીકૃત સંસ્થા કંપનીઝ એક્ટ, 2013 હેઠળ 'સરકારી કંપની' તરીકેની લાયકાત જાળવી રાખે અને ભારત સરકાર વિલીનીકૃત સંસ્થામાં બહુમતી મતદાન અધિકારો અને નિયંત્રણ (પ્રત્યક્ષ કે પરોક્ષ રીતે) જાળવી રાખવાનું ચાલુ રાખે તે જરૂરી છે.

આ યોજના અને મૂલ્યાંકન અહેવાલ મુજબ, પીએફસીમાં આરઈસીના સૂચિત મર્જર માટેનો શેર એક્સચેન્જ રેશિયો આરઈસીના રૂ. 10/- ના પુરેપુરા ચૂકવાયેલા દરેક 100 ઇક્વિટી શેર સામે પીએફસીના રૂ. 10/- ના પુરેપુરા ચૂકવાયેલા 88 ઇક્વિટી શેર રહેશે, જે રેકોર્ડ તારીખે પીએફસી અને આરઈસીના બોર્ડ દ્વારા નક્કી કરવામાં આવનારી રેકોર્ડ ડેટ પર અસ્તિત્વ ધરાવતા આરઈસીના શેરધારકોને ઇશ્યૂ કરવામાં આવશે.

SM/DK/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com