سڑک ٹرانسپورٹ اور شاہراہوں کے مرکزی وزیر جناب نتن گڈکری نے آج نئی دلی میں منعقدہ علیحدہ جائزہ میٹنگوں کے دوران جھارکھنڈ میں 3245 کلومیٹر اور اتراکھنڈ میں 4026 کلومیٹر پر محیط قومی شاہراہ پروجیکٹوں کے معیار ، رکھ رکھاؤ اور پیش رفت کا جائزہ لیا ۔

یہ جائزے میڈیا رپورٹس ، سوشل میڈیا پلیٹ فارمز کے ذریعے موصولہ فیڈ بیک کی بنیاد پر کیے گئے تھے ۔  سڑک ٹرانسپورٹ  اور شاہراہوں کے وزیر مملکت جناب اجے ٹمٹا، سڑک ٹرانسپورٹ اور شاہراہوں کی وزارت (ایم او آر ٹی ایچ) ، نیشنل ہائی ویز اتھارٹی آف انڈیا (این ایچ اے آئی) ، نیشنل ہائی ویز اینڈ انفراسٹرکچر ڈیولپمنٹ کارپوریشن لمیٹڈ (این ایچ آئی ڈی سی ایل) اور پروجیکٹ ٹھیکیداروں کے سینئر عہدیداروں کے ساتھ جائزے کے دوران موجود تھے ۔

 

جائزوں کے دوران ، جناب گڈکری نے پائیدار اور موثر شاہراہوں کے بنیادی ڈھانچے کو تیار کرنے کے لیے  رکھ رکھاؤ کے کاموں کو بروقت انجام دینے، اعلیٰ ترین کوالٹی  کے معیار پر سختی سے عمل کرنے اور جدید تعمیراتی ٹیکنالوجیز کو وسیع پیمانے پر اپنانے کی ضرورت پر زور دیا ۔  انہوں نے تمام شراکت داروں  کو ہدایت کی کہ وہ کلیدی کوریڈورز میں ہموار رابطے کو یقینی بنانے کے لیے زمینی سطح پر عمل درآمد میں تیزی لائیں ، معیار پر مبنی نگرانی کو مضبوط کریں اور سفر کے معیار کو بہتر بنائیں ۔

مرکزی وزیر نے عہدیداروں کو ہدایت کی کہ وہ آئندہ مانسون کے لیےپانی کی نکاسی کے موثر  انتظام ، ڈھلانوں پر تحفظ کے اقدامات ، احتیاطی دیکھ بھال اور مضبوط فوری رسپانس میکانزم کے ذریعے جامع تیاری کریں ۔  انہوں نے زور دے کر کہا کہ رکاوٹوں کو کم کرنے ، مسافروں کی حفاظت کو یقینی بنانے اور قومی شاہراہوں کے بنیادی ڈھانچے کے طویل مدتی استحکام اور لچک کو بڑھانے کے لیے بروقت اور مربوط اقدامات ضروری ہیں۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔  ا ع خ۔ج ا)

U.No.9318

(रिलीज़ आईडी: 2279090) आगंतुक पटल : 10