ملک بھر کی ریاستوں اور مرکز کے زیرِ انتظام علاقوں میں گرام سبھا میں کم عوامی شرکت کے موضوع پر کئے جانے والے قومی مطالعہ کی رپورٹ 30 جون 2026 کو نئی دہلی میں جاری کی جائے گی۔ اس رپورٹ کا اجرا رکن نیتی آیوگ ڈاکٹر آربالاسبرامنیم کریں گے۔ اس موقع پر جناب  وویک بھاردواج، سکریٹری، وزارتِ پنچایتی راج، کے علاوہ حکومت کے سینئر افسران، نیشنل انسٹی ٹیوٹ آف رورل ڈیولپمنٹ اینڈ پنچایتی راج (این آئی آر ڈی اینڈ پی آر ) کے نمائندے، ماہرینِ تعلیم، محققین اور پنچایتی راج سے وابستہ دیگر اہم شخصیات بھی موجود ہوں گی۔

یہ رپورٹ وزارتِ پنچایتی راج کی جانب سے این آئی آر ڈی اینڈ پی آر نے تیار کی ہے۔ اس کی بنیاد وسیع زمینی سروے پر ہے، جس میں 26 ریاستوں اور مرکز کے زیرِ انتظام علاقوں کی تقریباً 400 گرام پنچایتوں سے 7,790 افراد کے خیالات اور تجربات شامل کیے گئے ہیں۔ اس مطالعے میں پی ای ایس اے علاقوں اور خواتین کی قیادت والی گرام پنچایتوں کو بھی شامل کیا گیا ہے۔

رپورٹ میں ان مختلف عوامل کا تفصیل سے جائزہ لیا گیا ہے جو گرام سبھا میں لوگوں کی شرکت پر اثر انداز ہوتے ہیں۔ ان میں عوامی آگاہی، اطلاعات کی ترسیل کا نظام، سبھی طبقات کی شمولیت، سرکاری اداروں کی جوابدہی، حکمرانی کے طریقۂ کار، بنیادی سہولیات کی دستیابی اور رائے عامہ جیسے اہم پہلو شامل ہیں۔

اس مطالعے کا مقصد ایسے عملی اور قابلِ عمل اقدامات تجویز کرنا ہے جن کے ذریعے عوامی شمولیت پر مبنی جمہوریت اور دیہی سطح پر حکمرانی کو مزید مضبوط بنایا جا سکے۔ اس کے علاوہ رپورٹ میں پالیسی سازی، ادارہ جاتی صلاحیت میں بہتری اور گرام سبھاؤں میں عوام کی زیادہ سے زیادہ شرکت کو فروغ دینے کے لیے تحقیق پر مبنی سفارشات بھی پیش کی گئی ہیں۔

ش ح۔ م ش ع۔ ج

uno-9281