প্রধানমন্ত্রীগী লোইশঙ
ইমর্জেন্সি মনুংদা গনতন্ত্র ঙাক-শেনখিবা মীওইশিং প্রধান মন্ত্রীনা ইকায়খুম্নবা উৎখ্রে
গনতন্ত্র, সংবিধান অমসুং মীয়ামগী হকশিংগী ঙাক্নবা অমুক হন্না ৱারেপ লৌবা সংস্কৃত সুভাসিতম প্রধান মন্ত্রীনা সিয়ার তৌখ্রে
प्रविष्टि तिथि:
25 JUN 2026 10:53AM by PIB Imphal
ঙসি প্রধান মন্ত্রী শ্রী নরেন্দ্র মোদীনা ইমর্জেন্সি মনুংদা গনতন্ত্র ঙাক-শেনখিবা মীওইশিং ইকায়খুম্নবা উৎখ্রে, মসি ভারতকী পুৱারিদা খ্বাইদগী মম্বা তাঙ্কক্নি হায়না ফোঙদোকখ্রে। মহাক্না হায়খি মদুদি মতম অদুদা তুমিন্না লৈয়ু য়াদবা মশিং থিঙমদ্রবা মীয়াম্না তোপ-তোপ্পা থৌনা অমসুং খাংবা কনবা উৎখি অমসুং সংবিধান্না পীরিবা অচুম্বা ফিদমশিং য়োকখৎখি।
সংবিধানগী গুনশিংদা লৈবাক অসিনা থম্লিবা থাজবশিং অমুক হন্না পল্লদুনা, প্রধান মন্ত্রীনা হায়খি মদুদি সংবিধান্দা লৈবাক অসিদা মীওই করোর ১৪০ গী অপাম্বশিং, হকশিং অমসুং থৌদাংশিং য়াওরি। সংবিধানগী অচুম্বনা লমজিংদুনা, ভারতনা মখা তানা লৈবাক অসিগী গনতন্ত্রগী য়ুম্ফমশিং মপাঙ্গল কনখৎহনগনি অমসুং অচুম্বা, নিংতম্বা, মান্নবা অমসুং মচিন-মনাও ওইবগী অচুম্বা ফিদমশিং মখা তানা ইনগনি।
গনতন্ত্র, সংবিধান অমসুং মীয়ামগী হকশিংগী ঙাক্নবা অমুক হন্না ৱারেপ লৌবা সংস্কৃত সুভাসিতম প্রধান মন্ত্রীনা সিয়ার তৌখ্রে;
স্বাতন্ত্র্যাত্ সুখমাপ্নোতি স্বাতন্ত্র্যাল্লভতে পরম্।
স্বাতন্ত্র্যান্নির্বৃত্তিং গচ্ছেত্ স্বাতন্ত্র্যাত্ পরমং পদম্।।
প্রধান মন্ত্রীনা এক্সতা হায়খি;
ঙসি, ভারতকী পুৱারিদা খ্বাইদগী মম্বা তাঙ্কক অমা ওইখিবা ইমর্জেন্সি মনুংদা গনতন্ত্র ঙাক-শেনখিবা মীওইশিংদা ইকায়খুম্নবা উৎলি।
ইমর্জেন্সি অদু ঐখোয়গী সংবিধান্দা হকথেংননা খুৎ থাবা অমনি। মদুদা মীয়ামগী নিংতম্বা মৎপা, নিংতম্নবা ফোঙদোকপা থিংবা, রাজনিতিগী লুচিংবশিং, পাউমীশিং অমসুং খুন্নাইগী থবক তৌবা মীওইশিং ফাজিনবা উখি অমসুং ঐখোয়গী গনতন্ত্রগী য়ুম্ফম ওইরিব লোয়শঙশিংদা লান্দাবা অমনি।
মতম অদুদা, তুমিন্না লৈয়ু য়াদবা মশিং থিঙমদ্রবা মীয়াম্না তোপ-তোপ্পা থৌনা অমসুং খাংবা কনবা উৎখি অমসুং ঐখোয়গী সংবিধান্না পীরিবা অচুম্বা ফিদমশিং য়োকখৎখি।
ঐখোয় পুম্নমক্কী ওইনা, ঐখোয়গী সংবিধান্দা লৈবাক অসিদা মীওই করোর ১৪০ গী অপাম্বশিং, হকশিং অমসুং থৌদাংশিং য়াওরি। সংবিধানগী গুনশিং ঙাক্নবা ঐখোয়না অমুক হন্না ৱারেপ লৌরে। ঐখোয়গী সংবিধানগী অচুম্বনা লমজিংদুনা, মতম পুম্নমক্ত অচুম্বা, নিংতম্বা, মান্নবা অমসুং মচিন-মনাও ওইবগী অচুম্বা ফিদমশিংদা থাজবা লৈবা ভারত অমা ঐখোয়না শেমগৎকনি।
#SamvidhanHatyaDiwas
ঙসি সংবিধান হত্য দিবসনা ভারতকী গনতন্ত্র নমশিনখিবা খ্বাইদগী মম্বা তাঙ্কক অমা ঐখোয়দা নিংশিংহল্লে। মতম পুম্নমক্ত গনতন্ত্র ঙাক-শেন্নবা মসিনা ঐখোয়দা পুক্নিং থৌগৎলে। ইমর্জেন্সিগী মায়োক্ত লেপখিবা অথৌবশিংদা ইকায়খুম্নবা উৎচরি।
স্বাতন্ত্র্যাত্ সুখমাপ্নোতি স্বাতন্ত্র্যাল্লভতে পরম্।
স্বাতন্ত্র্যান্নির্বৃত্তিং গচ্ছেত্ স্বাতন্ত্র্যাত্ পরমং পদম্।।
#SamvidhanHatyaDiwas
***
(रिलीज़ आईडी: 2277708)
आगंतुक पटल : 27
इस विज्ञप्ति को इन भाषाओं में पढ़ें:
Malayalam
,
English
,
Urdu
,
Marathi
,
हिन्दी
,
Bengali
,
Bengali-TR
,
Assamese
,
Gujarati
,
Tamil
,
Telugu
,
Kannada