فضائیہ  کے مارشل ارجن سنگھ ڈی ایف سی کی 107 ویں یوم پیدائش کے ایک حصے کے طور پر مارشل آف دی ایئر فورس ارجن سنگھ میموریل ہاکی ٹورنامنٹ-2026 کے ساتویں ایڈیشن کا انعقاد ایئر فورس اسپورٹس کنٹرول بورڈ کے ذریعے ایئر فورس اسٹیشن جلاہلی میں 23 جون سے 3 جولائی 26 تک کیا جا رہا ہے ۔ اس ٹورنامنٹ میں کل 16 ٹیمیں حصہ لیں گی ۔

افتتاحی تقریب 23 جون 26 کو ہاکی گراؤنڈ ، ایئر فورس اسٹیشن جلاہلی میں منعقد ہوئی ۔ ایئر مارشل ایس شیو کمار ، وی ایس ایم ، ایئر آفیسر انچارج ایڈمنسٹریشن (اے او اے) تقریب کے دوران مہمان خصوصی تھے ، جنہوں نے ٹورنامنٹ کے آغاز کا اعلان کیا ۔

افتتاحی میچ ہندوستانی فضائیہ اور ہندوستانی فوج ، جنوبی کمان بنگلورو کی ٹیموں کے درمیان کھیلا گیا ۔ بھارتی فضائیہ نے میچ 2-0 سے جیت لیا ۔ اگنی ویر ونایک سنتوش ہانڈے کو مین آف دی میچ قرار دیا گیا ۔ مہمان خصوصی نے مین آف دی میچ کو 25,000 روپے کا چیک پیش کیا ۔ ٹورنامنٹ کے افتتاحی موقع پر مختلف ثقافتی پروگرام بھی پیش کیے گئے ۔

اس موقع پر خطاب کرتے ہوئے مہمان خصوصی نے کہا ، ’’ہمیں مارشل آف دی ارجن سنگھ میموریل ہاکی ٹورنامنٹ کے ساتھ واپس آکر خوشی ہو رہی ہے جو ملک کا سب سے باوقار ٹورنامنٹ ہے ۔ یہ ٹورنامنٹ ملک کی بہترین  ہاکی ٹیموں کے لیے ایک پلیٹ فارم فراہم کرے گا ۔ ہندوستانی فضائیہ اس بات کو یقینی بنائے گی کہ ٹورنامنٹ کے ہموار انعقاد میں کوئی کسر نہ چھوڑی جائے ۔

اس ہاکی ٹورنامنٹ کا انعقاد ملک کے لیے ان کی خدمات کے تئیں اظہار تشکر کے قابل تعریف انداز میں فضائیہ کی عظیم ہستی کو ایک مناسب خراج تحسین ہے ۔

***

ش ح ۔ ش ب۔ ر ب

U. No.9076