માનનીય પ્રધાનમંત્રી શ્રી નરેન્દ્ર મોદીએ આજે કોલકાતાથી 12મા આંતરરાષ્ટ્રીય યોગ દિવસની દેશવ્યાપી ઉજવણીનું નેતૃત્વ કર્યું હતું, જેમાં દેશભરના લોકો 'યોગા ફોર હેલ્ધી એજિંગ' (Yoga for Healthy Ageing - સ્વસ્થ વૃદ્ધાવસ્થા માટે યોગ) ની થીમ હેઠળ યોગ સત્રોમાં જોડાયા હતા.

 

আজ সকালে কলকাতার রেড রোডে একটি যোগ দিবসের এক ব্যতিক্রমী কর্মসূচি অনুষ্ঠিত হয়, যেখানে প্রত্যেকের জীবনে যোগাভ্যাসের গুরুত্ব সম্পর্কে একটি গুরুত্বপূর্ণ বার্তা প্রদানের লক্ষ্যে সমাজের সমস্ত স্তরের মানুষ অংশগ্রহণ করেন।

এবারের, মূল ভাবনা ছিল ‘সুস্থ বার্ধক্যের জন্য যোগ’, যা ফিট এবং… pic.twitter.com/95FVBKAfhc

— Narendra Modi (@narendramodi) June 21, 2026

રાષ્ટ્રીય રાજધાનીમાં, યુવા બાબતો અને રમતગમતના કેન્દ્રીય મંત્રી ડૉ. મનસુખ માંડવિયાની સાથે અભિનેતા અને ફિટનેસ આઇકોન અક્ષય કુમાર જવાહરલાલ નેહરુ સ્ટેડિયમ ખાતે ઉજવણીનું નેતૃત્વ કરવામાં જોડાયા હતા.

 

 

स्थिरता। संतुलन। शक्ति।#InternationalYogaDay pic.twitter.com/HWT1hKp1GY

— Dr Mansukh Mandaviya (@mansukhmandviya) June 21, 2026

 

યુવા બાબતો અને રમતગમત મંત્રાલયના નેજા હેઠળ ફિટ ઇન્ડિયા મૂવમેન્ટ દ્વારા આયોજિત આ સામૂહિક યોગ સત્ર માટે સ્ટેડિયમમાં લગભગ 3,000 સહભાગીઓ એકત્રિત થયા હતા. તેની સાથે જ, દેશભરના સ્પોર્ટ્સ ઓથોરિટી ઓફ ઈન્ડિયા (SAI) કેન્દ્રો, નેશનલ સેન્ટર્સ ઓફ એક્સેલન્સ, સાઈ ટ્રેનિંગ સેન્ટર્સ, ખેલો ઈન્ડિયા સંસ્થાઓ અને અન્ય રમતગમત પ્રતિષ્ઠાનોમાં યોગ સત્રો યોજાયા હતા, જેમાં લાખો નાગરિકોએ ભાગ લીધો હતો. સભાને સંબોધતા ડૉ. માંડવિયાએ જણાવ્યું હતું કે, "જો ભારતે એક વિકસિત રાષ્ટ્ર બનવાના તેના વિઝનને સાકાર કરવું હોય, તો યોગ અને ફિટનેસ રોજિંદા જીવનનો હિસ્સો બનવા જોઈએ."

મંત્રીએ સામુદાયિક ભાગીદારી દ્વારા વ્યવહારિક પરિવર્તન અને નિવારક સ્વાસ્થ્ય સંભાળને (પ્રિવેન્ટિવ હેલ્થકેર) પ્રોત્સાહન આપવામાં ફિટ ઇન્ડિયા મૂવમેન્ટની ભૂમિકા પર પ્રકાશ પાડ્યો હતો. સહભાગીઓ સાથેની વાતચીત દરમિયાન, ડૉ. માંડવિયાએ સારું સ્વાસ્થ્ય જાળવવા અને દૈનિક જીવનના ભાગરૂપે યોગ અને સાઇકલિંગ જેવી ફિટનેસ પદ્ધતિઓ અપનાવવાના મહત્વ પર ભાર મૂક્યો હતો. અક્ષય કુમારે શારીરિક અને માનસિક સુખાકારીને પ્રોત્સાહન આપવામાં યોગના મહત્વની રૂપરેખા આપી હતી અને લોકોને ફિટનેસને નિયમિત આદત બનાવવા પ્રોત્સાહિત કર્યા હતા. કાર્યક્રમની શરૂઆત સાંસ્કૃતિક પ્રસ્તુતિઓ સાથે થઈ હતી, ત્યારબાદ કોલકાતાથી માનનીય પ્રધાનમંત્રીના સંબોધનનું જીવંત પ્રસારણ (લાઈવ-સ્ટ્રીમિંગ) કરવામાં આવ્યું હતું અને જાણીતા યોગ અને વેલનેસ પ્રશિક્ષક અંશુકા પરવાનીના નેતૃત્વમાં કોમન યોગ પ્રોટોકોલ સત્ર યોજાયું હતું, જેમનું ફિટ ઈન્ડિયા આઈકોન તરીકે સન્માન કરવામાં આવ્યું હતું. ફિટનેસ અને સ્વસ્થ જીવનશૈલીને પ્રોત્સાહન આપવા બદલ અક્ષય કુમારનું પણ ફિટ ઈન્ડિયા આઈકોન તરીકે સન્માન કરવામાં આવ્યું હતું.

આ પ્રસંગે યોગાસનમાં ભારતની સિદ્ધિઓની પણ પ્રશંસા કરવામાં આવી હતી, જેમાં અમદાવાદમાં તાજેતરમાં સંપન્ન થયેલી વર્લ્ડ યોગાસન સ્પોર્ટ ચેમ્પિયનશિપમાં ઉત્કૃષ્ટ પ્રદર્શન કરનારા એથ્લેટ્સને ફિટ ઇન્ડિયા ચેમ્પિયન્સ તરીકે સન્માનિત કરવામાં આવ્યા હતા.

આ કાર્યક્રમમાં સચિવ (રમતગમત) હરિ રંજન રાવ, સચિવ (યુવા બાબતો) પલ્લવી જૈન ગોવિલ, રમતગમત મંત્રાલય અને સ્પોર્ટ્સ ઓથોરિટી ઓફ ઈન્ડિયાના વરિષ્ઠ અધિકારીઓ તેમજ રમતગમત જગતના સભ્યો ઉપસ્થિત રહ્યા હતા. ઔપચારિક કાર્યક્રમ બાદ, સહભાગીઓએ યોગ સંબંધિત પ્રવૃત્તિઓ, નિષ્ણાતોની આગેવાની હેઠળના કાઉન્સેલિંગ સત્રો અને ભારતની પરંપરાગત ફિટનેસ પદ્ધતિઓનું પ્રદર્શન કરતા મલ્લખંભ પ્રદર્શનમાં ભાગ લીધો હતો.

આ દેશવ્યાપી ઉજવણી સ્વસ્થ જીવનશૈલીને પ્રોત્સાહન આપવા માટે ફિટ ઇન્ડિયા, માય ભારત (MY Bharat) અને યોગાસન ભારત જેવી ફ્લેગશિપ પહેલો વચ્ચે વધતા જતા તાલમેલને પ્રતિબિંબિત કરે છે. આ ઉજવણીએ વેલનેસ મૂવમેન્ટ (સુખાકારી ચળવળ) તરીકે વૈશ્વિક સ્તરે યોગના સતત થઈ રહેલા વિકાસને પણ રેખાંકિત કર્યો છે.

SM/JY/JD

(रिलीज़ आईडी: 2276224) आगंतुक पटल : 8