ભારતના રાષ્ટ્રપતિ શ્રીમતી દ્રૌપદી મુર્મુ 18 થી 22 જૂન, 2026 દરમિયાન મધ્યપ્રદેશ અને ઓડિશાની મુલાકાત લેશે.

18 જૂનના રોજ, રાષ્ટ્રપતિ મધ્યપ્રદેશના બેતુલ ખાતે પ્રજાપિતા બ્રહ્માકુમારીઝ ઈશ્વરીય વિશ્વ વિદ્યાલય દ્વારા આયોજિત ‘આધ્યાત્મિક જાગૃતિ દ્વારા આદિવાસી સમાજનું સશક્તિકરણ’ કાર્યક્રમમાં મુખ્ય અતિથિ તરીકે ઉપસ્થિત રહેશે.

19 જૂનના રોજ, રાષ્ટ્રપતિ મધ્યપ્રદેશના ઓમકારેશ્વર ખાતે આંતરરાષ્ટ્રીય સિકલ સેલ દિવસની ઉજવણીમાં હાજરી આપશે. તે જ દિવસે, ઓડિશાના રાઈરંગપુર ખાતે, રાષ્ટ્રપતિ એમ્સ (AIIMS) ભુવનેશ્વર દ્વારા આયોજિત મેડિકલ કેમ્પ, કુસુમી બ્લોક હેઠળના ખાણકામથી પ્રભાવિત ગામો માટે મેગા સંકલિત ગ્રામીણ પાઇપ્ડ વોટર સપ્લાય, બ્રહ્માકુમારીઝના માતૃશક્તિ ભવન, સ્પેશિયલ સર્કિટ હાઉસ અને પોલીસ ડિસ્ટ્રિક્ટ, રાઈરંગપુરનું ઉદ્ઘાટન કરશે.

20 જૂનના રોજ, રાષ્ટ્રપતિ અને પ્રધાનમંત્રી શ્રી નરેન્દ્ર મોદી પહાડપુર ખાતે સ્કૂલ અને સ્કિલ સેન્ટર સહિત વિવિધ સ્થળોની મુલાકાત લેશે અને લાભાર્થીઓ/બાળકો સાથે વાતચીત કરશે. ત્યારબાદ, તેઓ રાઈરંગપુર ખાતે એક જાહેર કાર્યક્રમમાં ઉપસ્થિત રહેશે.

21 જૂનના રોજ, રાષ્ટ્રપતિ મધ્યપ્રદેશના જબલપુર ખાતે આંતરરાષ્ટ્રીય યોગ દિવસની ઉજવણીમાં ભાગ લેશે. તે જ દિવસે, તેઓ રાણી દુર્ગાવતી વિશ્વવિદ્યાલય, જબલપુરના 36મા પદવીદાન સમારોહમાં મુખ્ય અતિથિ તરીકે હાજરી આપશે.

22 જૂનના રોજ, રાષ્ટ્રપતિ મધ્યપ્રદેશના કુનો નેશનલ પાર્ક ખાતે સહરિયા જનજાતિના સભ્યો, ચિત્તા ટ્રેકર્સ, ટૂરિસ્ટ ગાઇડ્સ અને કુનો ફિલ્ડ ટીમ સાથે વાતચીત કરશે.

SM/NP/JD