داخلہ اور امداد باہمی کے مرکزی وزیر جناب امت شاہ نے آج نئی دہلی میں جھگی بستیوں کی بازآبادکاری سے متعلق ایک جائزہ اجلاس کی صدارت کی۔ اجلاس میں رہائش و شہری امورکے مرکزی وزیر جناب منوہر لال، دہلی کے لیفٹیننٹ گورنر جناب ترنجیت سنگھ سندھو، دہلی کی وزیرِ اعلیٰ محترمہ ریکھا گپتا، دہلی کے شہری ترقی کے وزیر ، مرکزی داخلہ سکریٹری، دہلی کے چیف سکریٹری اور مرکز و دہلی حکومت کے دیگر اعلیٰ حکام نے شرکت کی۔

اجلاس کے دوران جناب امت شاہ نے کہا کہ دہلی سلم اور جے جے کلسٹر بازآبادکاری و منتقلی پالیسی 2026 کو حتمی شکل دے دی گئی ہے اور دہلی حکومت کو اسے فوری طور پر نافذ العمل بنانا چاہیے۔ انہوں نے ہدایت دی کہ ڈی ڈی اے اور ڈی یو ایس آئی بی 45 دن کے اندر 5 کلسٹروں کے لیے ٹینڈر جاری کریں۔ اس کے علاوہ مزید 50 جے جے کلسٹروں کے لیے منصوبہ جاتی دستاویزات اور ٹینڈر فارم بھی تیار کیے جائیں۔

انہوں نے کہا کہ دہلی حکومت ہر ماہ کم از کم 5 ایسے منصوبوں کے ٹینڈر جاری کرے جو پی پی پی ماڈل کے تحت جھگی بستیوں کی بازآبادکاری کے لیے ہوں۔

وزیر داخلہ نے زور دیا کہ نئی بازآبادکاری کالونیوں میں آنگن واڑی مراکز، اسکولوں، صحت مراکز اور کھیل کے میدانوں جیسی بنیادی سماجی سہولتوں کی وافر فراہمی کو یقینی بنایا جائے۔ انہوں نے کہا کہ آج لیے گئے فیصلوں سے دہلی کی جے جے بستیوں میں رہنے والے تقریباً 4 لاکھ خاندانوں کو فائدہ پہنچے گا۔ مزید برآں، جے جے کلسٹروں کے لیے اہلیت کی آخری تاریخ یکم جنوری 2025 مقرر کی جانی چاہیے۔

جناب امت شاہ نے کہا کہ وزیرِ اعظم نریندر مودی کی قیادت میں حکومتِ ہند معاشرے کے محروم ترین طبقات کی فلاح و بہبود اور غریب عوام کی ترقی کے لیے پوری سنجیدگی اور عزم کے ساتھ کام کر رہی ہے۔

*****

ش  ح۔ ع ح– ف ر

Uno-8732