প্রধান মন্ত্রী শ্রী নরেন্দ্র মোদীগা য়ুনাইতেদ কিংদমগী প্রাইম মিনিস্তর ঐচ.ই. সর কীর স্তার্মরগা ফ্রান্সকী ইভিয়ন্দা পাঙথোকদা জি৭ সম্মিত্তা নাকল অনিগী ওইবা মীফম অমা ঙসি পাঙথোকখ্রে।

লুচিংবা অনিনা মমাঙ চহিদা প্রধান মন্ত্রীনা চৎখিবা খোঙচৎ মতুংদগী ইন্দিয়া-য়ু.কে. মরীদা অকনবা খোঙজেল অমা লাক্লিবা অসিবু য়েংশিনখি, অমসুং লল্লোন ইতিক অমসুং শেন্মিৎলোন চাওখৎপা, দিফেন্স অমসুং সিক্যুরিতী, ক্লাইমেত এক্সন অমসুং গ্রীন ইনর্জী, তেক্নোলোজী অমসুং ইনোভেসন, মহৈ মশিং অমসুং মীগা মীগগী মরক্তা লৈনরিবা মরী য়াওনা ভিজন ২০৩৫ গী য়ুম্বী পুম্নমক্তা লৈরিবা খোঙজেলবু তরাম্না ওকখি। লুচিংবশিং অদুনা কম্প্রিহেন্সিব ইকনমিক এন্দ ত্রেদ এগ্রীমেন্ত থুনা থবক ওইনা পায়খৎপদা মীৎয়েঙ থমখি। বেঙ্গলুরুদা য়ুনিভর্সিতী ওফ লিভর্পুলগী কেম্পস লিংখৎপা, অমদি মুম্বাইদা য়ুনিভর্সিতী ওফ য়োর্ক অমসুং য়ুনিভর্সিতী ওফ ব্রিস্তোলগী কেম্পসশিং লিংখৎপগী খোঙজেলবু শিংথারদুনা পাক চাউরবা মহৈ মশিংগী খোঙবু ওইবগী মরীদা মখোয়না অপেনবা ফোঙদোক্নখি।

প্রধান মন্ত্রী মোদীনা প্রাইম মিনিস্তর স্তার্মরবু চহি অসিগী অঙনবা শরুক্তা দিল্লীদা পাঙথোকখিবা এ.আই. ইম্পেক্ত সম্মিত্তা য়ু.কে.না মশিং য়াম্না শরুক য়াখিবগীদমক থাগৎপা ফোঙদোকখি অমদি হন্দক্তা হৌদোকখিবা ইন্দিয়া-য়ু.কে. ক্রিতিকেল মিনরেল্স গ্লোবেল সপ্লাই চেন ওপজর্বেতরী য়াওনা তেক্নোলোজী সিক্যুরিতী ইনিসিএতিবকী মখাদা লৈরিবা মরা চেৎপা খোঙজেলবু তরাম্না ওকখি।

লুচিংবশিং অদুনা ৱেস্ত এসিয়া অমসুং য়ুক্রেন য়াওনা নাকল অনিদা নুংনাংনিংঙাই ওইবা রিজনেল অমসুং গ্লোবেলগী ওইরক্লিবা ফীভমশিংগী মতাঙদসু ৱাখল্লোন ফোঙদোক্নখি। ইন্দিয়া-য়ু.কে. কম্প্রিহেন্সিব স্ত্রেতেজিক পার্ত্নরসিপ্পু মখা তানা মপাঙ্গল কনখৎহন্নবা মখোয় অনিগী খোঙফম নৌহৌননা চেৎশিনমিন্নহনখি।

***