રેલવે સુરક્ષા વધારવા તરફ એક મહત્વપૂર્ણ પગલામાં, ભારતીય રેલવેએ ગુજરાતમાં પશ્ચિમ રેલવેના અમદાવાદ ડિવિઝનના 48 બ્લોક સેક્શનોને આવરી લેતા 598 રૂટ કિલોમીટર પર કવચ (Kavach)વર્ઝન 4.0 ની સ્થાપનાને મંજૂરી આપી દીધી છે. આ પ્રોજેક્ટને ₹140 કરોડના ખર્ચે મંજૂર કરવામાં આવ્યો છે. ભારતીય રેલવેના બાકીના રૂટો પર એલટીઇ (LTE)-આધારિત કોમ્યુનિકેશન બેકબોન સાથે કવચની જોગવાઈ માટેના છત્ર કાર્યક્રમ હેઠળ આ કામને મંજૂરી આપવામાં આવી છે.

આ અગાઉ, અમદાવાદ ડિવિઝનના આશરે 702 રૂટ કિલોમીટર પર કવચનું કામ પહેલેથી જ મંજૂર કરવામાં આવ્યું હતું. વર્તમાન પ્રોજેક્ટની મંજૂરી સાથે, ડિવિઝનના બાકીના સેક્શનોને પણ કવચ હેઠળ લાવવામાં આવશે, જે સમગ્ર ડિવિઝનમાં દેશી ટ્રેન પ્રોટેક્શન સિસ્ટમના વ્યાપક ઉપયોગ માટેનો માર્ગ મોકળો કરશે.

કવચ એ ઓપરેશનલ સુરક્ષા વધારવા માટે ડિઝાઇન કરાયેલી દેશી રીતે વિકસિત ઓટોમેટિક ટ્રેન પ્રોટેક્શન (ATP) સિસ્ટમ છે. તે સિગ્નલ પાસિંગ એટ ડેન્જર (SPAD) ને રોકવામાં મદદ કરે છે, અસુરક્ષિત પરિસ્થિતિઓને ટાળવા માટે જ્યારે જરૂર પડે ત્યારે આપમેળે બ્રેક લગાવે છે, કટોકટીની પરિસ્થિતિઓમાં ટ્રેનની ગતિને નિયંત્રિત કરે છે અને અથડામણ (કોલિઝન) ના જોખમને નોંધપાત્ર રીતે ઘટાડે છે.

ભારતીય રેલવે સુરક્ષાને મજબૂત કરવા અને ટ્રેન કામગીરીને આધુનિક બનાવવાના તેના સતત પ્રયાસોના ભાગરૂપે તેના સમગ્ર નેટવર્ક પર પ્રગતિશીલ રીતે કવચનો વિસ્તાર કરી રહી છે.

SM/DK/JD