કેન્દ્રીય રેલવે મંત્રી શ્રી અશ્વિની વૈષ્ણવે આજે ભારતીય રેલવેના વરિષ્ઠ અધિકારીઓ સાથે રેલવે રિક્રુટમેન્ટ બોર્ડ (RRB) ની ભરતી પ્રક્રિયા અંગે એક ઉચ્ચ સ્તરીય સમીક્ષા બેઠક યોજી હતી. તેમણે વધુ પારદર્શક, સચોટ અને ટેકનોલોજી-આધારિત પ્રણાલીની જરૂરિયાત પર ભાર મૂક્યો હતો.

ભારતીય રેલવેએ નાણાકીય વર્ષ 2025-26માં 6 મુખ્ય શ્રેણીઓમાં 47,084 ખાલી પદોને આવરી લેતી પૂર્ણ થયેલી ભરતી પ્રક્રિયાઓ દ્વારા 43,781 ઉમેદવારોની ભરતી કરી છે, જે તેની ભરતી પ્રક્રિયામાં સતત થઈ રહેલા પ્રવેગને પ્રતિબિંબિત કરે છે. આમાં આસિસ્ટન્ટ લોકો પાયલોટ માટે 18,799, ટેકનિશિયન માટે 14,298, સબ-ઇન્સ્પેક્ટર માટે 452, કોન્સ્ટેબલ માટે 4,208, જુનિયર એન્જિનિયર (JE)/DMS/CMA માટે 7,951 અને પેરામેડિકલ શ્રેણીઓ માટે 1,376 ખાલી પદોનો સમાવેશ થાય છે.

પૂર્ણ થયેલી ભરતીઓ

ભારતીય રેલવે સતત અને સમયસર ભરતી પહેલો દ્વારા તેના કાર્યબળને મજબૂત કરવા માટે દ્રઢપણે પ્રતિબદ્ધ છે. ભરતી પ્રક્રિયામાં પારદર્શિતા, કાર્યક્ષમતા અને અદ્યતન ટેકનોલોજીના ઉપયોગને વધારવા પર સ્પષ્ટ ધ્યાન કેન્દ્રિત કરીને, સંસ્થાનો ઉદ્દેશ્ય વિવિધ શ્રેણીઓમાં પ્રતિભાશાળી વ્યક્તિઓને આકર્ષવાનો અને સામેલ કરવાનો છે.

યોજાયેલી પરીક્ષાઓ અને જાહેર કરાયેલા પરિણામો

NTPC: નોન ટેકનિકલ પોપ્યુલર કેટેગરીઝ

• નોન-ટાઇપિંગ શ્રેણીઓ માટે DV શરૂ થઈ ગયા છે; ટાઇપિંગ શ્રેણીઓનું પરિણામ ટૂંક સમયમાં અપેક્ષિત છે

નોન-ટીચિંગ શ્રેણીઓ માટે DV શરૂ થઈ ગયા છે; ટીચિંગ શ્રેણીઓનું પરિણામ ટૂંક સમયમાં અપેક્ષિત છે

રેલવે રિક્રુટમેન્ટ બોર્ડની ભરતી પ્રક્રિયા સ્વાભાવિક રીતે જ જટિલ અને મોટા પાયા પરની હોય છે, જેમાં દેશભરમાં બહુવિધ શહેરો અને કેન્દ્રો પર પરીક્ષાઓ લેવામાં આવે છે. આ કમ્પ્યુટર આધારિત કસોટીઓ (CBT) મોટી સંખ્યામાં ઉમેદવારોને સમાવવા માટે બહુવિધ શિફ્ટમાં યોજવામાં આવે છે અને વિવિધ ભાષાકીય પૃષ્ઠભૂમિ ધરાવતા ઉમેદવારો માટે સુલભતા સુનિશ્ચિત કરવા માટે 15 જેટલી ભાષાઓમાં લેવામાં આવે છે. આ મલ્ટિ-સિટી, મલ્ટિ-શિફ્ટ અને બહુભાષી માળખા માટે સમગ્ર ભરતી પ્રક્રિયામાં નિષ્પક્ષતા, માનકીકરણ અને પારદર્શિતા સુનિશ્ચિત કરવા માટે વ્યાપક સંકલન અને મજબૂત તકનીકી પ્રણાલીઓની જરૂર પડે છે.

આગામી 6 મહિનાથી 1 વર્ષમાં અંતિમ પસંદગી અપેક્ષિત હોય તેવી પરીક્ષાઓ

• પરીક્ષાઓની કામચલાઉ (ટેન્ટેટિવ) તારીખો

રેલવે મંત્રીએ નોંધ્યું હતું કે વાર્ષિક ભરતી કેલેન્ડર અને ખાલી પદોની ત્રિમાસિક સૂચનાઓને ઉમેદવારો દ્વારા સારી રીતે આવકારવામાં આવી છે. તેમણે જણાવ્યું હતું કે કેલેન્ડર-આધારિત ભરતી માળખાએ ઉમેદવારોને તેમની તૈયારીઓ વધુ અસરકારક રીતે આયોજિત કરવા સક્ષમ બનાવ્યા છે. તે ભરતી પ્રક્રિયામાં વધુ અગમચેતી (પ્રિડિક્ટેબિલિટી) લાવે છે. સતત સુધારણાની જરૂરિયાત પર ભાર મૂકતા શ્રી અશ્વિની વૈષ્ણવે જણાવ્યું હતું કે રેલવે ભરતી પ્રણાલી ટેકનોલોજીના ઉપયોગ, ઝડપી પ્રક્રિયાઓ અને વધુ જવાબદારી દ્વારા સતત વિકસિત થવી જોઈએ.

શ્રી વૈષ્ણવે વિભાગીય પરીક્ષાઓને કમ્પ્યુટર આધારિત કસોટી (CBT) મોડમાં સ્થાનાંતરિત કરવા માટે થયેલી પ્રગતિની વધુ સમીક્ષા કરી હતી અને ભારપૂર્વક જણાવ્યું હતું કે જ્યાં પણ શક્ય હોય ત્યાં વધુને વધુ ટેબ્લેટ-આધારિત પરીક્ષાઓ શરૂ કરવી જોઈએ, જેથી ભરતી ઝડપી, વધુ કાર્યક્ષમ અને ઉપયોગકર્તા માટે અનુકૂળ બને.

પરીક્ષાઓમાં બહુભાષી સમર્થન પર પણ પ્રકાશ પાડવામાં આવ્યો હતો, જેમાં પરીક્ષાઓ પહેલેથી જ વિવિધ શહેરો અને બહુવિધ શિફ્ટમાં બહુવિધ ભાષાઓમાં લેવામાં આવી રહી છે, જે દેશભરની વિવિધ ભાષાકીય પૃષ્ઠભૂમિ ધરાવતા ઉમેદવારો માટે વ્યાપક સુલભતા સુનિશ્ચિત કરે છે અને ભાષા અવરોધ બન્યા વિના ભરતી પ્રક્રિયામાં ન્યાયી અને સમાન ભાગીદારી સક્ષમ બનાવે છે.

કેન્દ્રીય મંત્રીએ રેલવે રિક્રુટમેન્ટ બોર્ડને ઉમેદવારો અને હિતધારકો સાથે સંચાર મજબૂત કરવા પણ નિર્દેશ આપ્યો હતો. તેમણે વધુમાં રેખાંકિત કર્યું હતું કે ખોટી માહિતીનો તાત્કાલિક સાચી માહિતી સાથે પ્રતિકાર કરવો જોઈએ, જેથી ઉમેદવારોને સચોટ અપડેટ્સ મળે અને ભરતી પ્રક્રિયામાં વિશ્વાસ મજબૂત રહે.

ભારતીય રેલવે દેશભરના યુવા ઉમેદવારોના લાભ માટે ટેકનોલોજી, માળખાગત આયોજન અને સતત સુધારાઓ દ્વારા સમર્થિત ન્યાયી, પારદર્શક અને ગુણવત્તા-આધારિત (મેરિટ-બેઝ્ડ) ભરતી પ્રણાલી માટે પ્રતિબદ્ધ છે.

SM/NP/JD