ہنرمندی ترقیات اور صنعت کاری کے وزیر مملکت (آزادار چارج)، اور وزیر مملکت برائے تعلیم، حکومت ہند،  جناب جینت چودھری کی صدارت میں، ہنرمندی ترقیات اور صنعت کاری کی وزارت (ایم ایس ڈی ای) نے  نئی دہلی کے وگیان بھون میں آئی ٹی آئی کے کلی تغیر کے لیے کلیدی مشاورتی اور اصلاحاتی ٹاسک فورس (سارتھی) کی اولین میٹنگ طلب کی۔ یہ میٹنگ  صنعتی تربیتی اداروں (آئی ٹی آئیز) میں بھارت کے پیشہ وارانہ تربیتی ماحولیاتی نظام کو مضبوط بنانے اور طویل المدت اصلاحات کو ادارہ جاتی شکل دینے کی ایک اہم کوشش ہے۔

 

اس تبادلہ خیال میں مختلف ریاستوں کے وزراء نے حصہ لیا، جن میں کرنل راجیہ وردھن سنگھ راٹھور، راجستھان حکومت میں صنعت و تجارت، اطلاعاتی تکنالوجی اور مواصلات، نوجوانوں کے امور اور کھیل کود، ہنرمندی، روزگار اور صنعت کاری  اور سپاہیوں کی فلاح و بہبود کے محکمے وزیر؛ جناب کنواری جی بھائی بوالیا، مزوری، ہنرمندی ترقیات اور روزگار  اور دیہی ترقی کے وزیر، حکومت گجرات؛ ڈاکٹر جی وویک وینکٹ سوامی، مزدوری، روزگار، تربیت، کارخانوں اور کانکنی اور جیولاجی کے وزیر، حکومت تلنگانہ؛ اور جناب کپل دیو اگروال، وزیر مملکت (آزادانہ چارج)، پیشہ وارانہ تعلیم، ہنرمندی ترقیات اور صنعت کاری کا محکمہ، حکومت اترپردیش،  کے ساتھ ساتھ کئی سینئر سرکاری افسران اور ہنرمندی ایکوسسٹم کے دیگر متعلقہ فریقوں نے بھی شامل تھے۔

سارتھی کو صناعتی تربیتی اسکیم(سی ٹی ایس) کے تحت ایک اعلیٰ مشاورتی پلیٹ فارم کے طور پر قائم کیا گیا ہے تاکہ متعلقہ فریقوں کے درمیان منظم شمولیت کو ممکن بنایا جا سکے اور ملک بھر میں صنعتی تربیتی اداروں (آئی ٹی آئی) کو مضبوط بنانے کے لیے ثبوت پر مبنی پالیسی پر بحث کی حمایت کی جا سکے۔

میٹنگ سے خطاب کرتے ہوئے، جناب جینت چودھری، وزیر مملکت (آزادانہ چارج) ہنر مندی ترقیات اور صنعت کاری، اور وزیر مملکت برائے تعلیم، حکومت ہند نے کہا، ’’سارتھی پیشہ ورانہ تعلیم کا از سر نو تصور کرنے اور ایک آئی ٹی آئی ماحولیاتی نظام کی تعمیر کے لیے ہماری اجتماعی عزم کی عکاسی کرتی ہے جو کہ زیادہ متحرک، خواہش مند اور ہم ہندوستان کے بدلتے ہوئے ملک کے ساتھ ہم آہنگ مواقع پیدا کر رہے ہیں۔ جدت اور اصلاحات کی امید افزا مثالوں کا مشاہدہ کرنا، مشترکہ سیکھنے کو قابل بنانا اور پورے ہندوستان میں کامیاب ماڈلز کی مدد کرنا ہے، اس بات کو تقویت ملتی ہے کہ ہنر مندی کی اصلاحات کو ابھرتے ہوئے شعبوں، صنعت کی طلب اور سیکھنے والوں کی خواہشات کے ساتھ جڑا رہنا چاہیے۔ اب جبکہ بھارت وکست بھارت کی تصوریت کی جانب آگے بڑھ رہا ہے، ایسے میں ہماری توجہ  پالیسی پر وسیع پیمانے پر عمل آوری پر مرکوز ہونی چاہئے۔ اس کے علاوہ ہمیں شراکت داری کو مضبوط بنانے اور اس امر کو یقینی بنانے پر بھی توجہ دینی ہوگی کہ ہر نوجوان شخص کو اعلیٰ معیاری، مستقبل کی چنوتیوں سے نمٹنے کے لیے تیار مواقع تک رسائی حاصل ہو۔‘‘

میٹنگ کے دوران، اراکین نے ابھرتی ہوئی افرادی قوت اور صنعت کی ضروریات کے لیے آئی ٹی آئی ماحولیاتی نظام کے معیار، رسائی اور ردعمل کو مضبوط بنانے کے لیے موضوعات کی ایک وسیع رینج پر غور کیا۔ بات چیت میں ادارہ جاتی کارکردگی اور معیار کی یقین دہانی کو بہتر بنانے، عمدگی اور سیکھنے والوں کی مصروفیت کو فروغ دینے، تشخیص کے عمل کو مضبوط بنانے اور کارکردگی اور شفافیت کو بہتر بنانے کے لیے تکنالوجی سے فائدہ اٹھانے کے طریقوں کا احاطہ کیا گیا۔

اراکین نے پیشہ ورانہ تعلیم میں خواتین کی شرکت بڑھانے، اختراعی ڈیلیوری ماڈلز کے ذریعے رسائی کو بڑھانے اور تعلیم، ہنر مندی اور روزگار کے درمیان مضبوط راستے پیدا کرنے پر بھی خیالات کا تبادلہ کیا۔ مزید غور و خوض میں عملی سیکھنے کو بڑھانے، اختراعات اور انٹرپرینیورشپ کو فروغ دینے، صنعت کی شمولیت کو مضبوط بنانے اور آئی ٹی آئی کے اندر ادارہ جاتی حکمرانی کے طریقہ کار کو بہتر بنانے پر توجہ مرکوز کی گئی۔

مجموعی طور پر، بات چیت مرکز، ریاستوں اور دیگر متعلقہ فریقوں کے درمیان مسلسل تعاون کے ذریعے ایک زیادہ جامع، مستقبل کے لیے تیار اور نتیجہ پر مبنی پیشہ ورانہ تربیتی ماحولیاتی نظام کی تعمیر کے لیے مشترکہ عزم کی عکاسی کرتی ہے۔

اس موقع پر ایم ایس ڈی ای کی سکریٹری محترمہ دیباشری مکھرجی؛ ڈائرکٹوریٹ جنرل آف ٹریننگ (ڈی جی ٹی)، ڈائرکٹر جنرل (ٹریننگ)، جناب دلیپ کمار؛ ایم ایس ڈی ای کی اقتصادی مشیر محترمہ ارچنا میارام؛ ایم ایس ڈی ای کی جوائنٹ سکریٹری محترمہ ایم سبرامنین؛ این سی وی ای ٹی کے اگزیکیوٹیو ڈائرکٹر پروفیسر (ڈاکٹر) اشوک کمار گابا؛ اور ان کے علاوہ ایم ایس ڈی ای، محنت و روزگار کی وزارت، حکومت ہند ، ریاستی حکومتوں، ڈی جی ٹی، این سی وی ای ٹی، این ایس ڈی سی، یو جی سی، اور اسکل یونیورسٹیوں  کے سینئر افسران بھی موجود تھے۔

**********

 

 

 (ش ح –ا ب ن)

U.No:8551

(रिलीज़ आईडी: 2272322) आगंतुक पटल : 8