انکم ٹیکس محکمہ اور پی ڈبلیوسی انڈیانے 9 جون 2026 کو ’نئے انکم ٹیکس ایکٹ 2025 کی ڈی کوڈنگ: بین الاقوامی ٹیکس اور ٹرانسفر پرائسنگ کے پہلو‘ کے عنوان سے ایک ویبنار کا انعقاد کیا۔ اس ویبنار کا مقصد نئے انکم ٹیکس ایکٹ 2025 اور نئے انکم ٹیکس قواعد 2026 کے نفاذ اور ان کی جانب منتقلی سے متعلق رہنمائی فراہم کرنا تھا۔

اس آن لائن مذاکرے میں 16 بیرونی ممالک اور خطوں، جن میں امریکہ، برطانیہ، آسٹریلیا، چین، سنگاپور، قبرص، جاپان، ماریشس، قطر اور متحدہ عرب امارات سمیت دیگر ممالک سے 1,100 سے زائد افراد نے شرکت کی۔ یہ مذاکرہ بھارت کے ارتقا پذیر محصولاتی نظام کے بارے میں باہمی تبادلۂ خیال اور علمی اشتراک کے لیے ایک اہم پلیٹ فارم ثابت ہوا۔

انکم ٹیکس محکمہ کی جانب سے  پرنسپل چیف کمشنر برائے بین الاقوامی محصولات محترمہ مونیکا بھاٹیہ،چیف کمشنر برائے بین الاقوامی محصولات جناب رمن چوپڑا اور  کمشنر برائے بین الاقوامی محصولات ڈاکٹر انجولا جین (انٹر نیشنل ٹیکشیشن )-2نے نمائندگی کی، جبکہ پرائس واٹر ہاؤس کوپرز بھارت کی جانب سے ادارے کے سینئر شراکت داروں نے شرکت کی۔

شرکاء سے خطاب کرتے ہوئے محترمہ مونیکا بھاٹیہ نے محکمہ اور متعلقہ فریقوں کی مشترکہ کاوشوں کو سراہا، جن کی بدولت نئے انکم ٹیکس ایکٹ2025 کی جانب منتقلی کا عمل نہایت ہموار اور مؤثر انداز میں مکمل ہوا۔ انہوں نے سرحد پار منتقلی کی قیمتوں کے طریقہ کار ، بین الاقوامی تعاون  اور عالمی ٹیکس ماحولیاتی نظام میں ہندوستان کے بڑھتے ہوئے کردار کی بڑھتی ہوئی اہمیت پر بھی روشنی ڈالی ۔ اس کے علاوہ، انہوں نے ایڈوانس پرائسنگ معاہدوں کی کامیابی اور مطابقت کے بارے میں بات کی اور ٹیکس دہندگان کے لیے یقین اور تعمیل میں آسانی کو یقینی بنانے میں سیف ہاربر کی دفعات کی اہمیت پر زور دیا ۔

 اس موقع پر انکم ٹیکس ایکٹ ، 1961 کے ساتھ ساتھ انکم ٹیکس ایکٹ ، 2025 کے اہم تبدیلیوں ، ساختی اصلاحات  اور تقابلی پہلوؤں پر بھی ایک پریزنٹیشن پیش کی گئی ، جس میں نئے متعارف کردہ قواعد ، فارم اور طریقہ کار کی تازہ کاری شامل ہیں ۔ شرکاء نے انٹرایکٹیو سیشن کے دوران متعدد سوالات پوچھے ، جن کا جواب محکمہ انکم ٹیکس کے سینئر افسران نے دیا ۔ مختلف شرکاء نے اس پہل کو سراہا  اور توقع کی کہ محکمہ کے ساتھ اس طرح کی مزید مصروفیات ہوں گی ۔

*****

ش ح۔ ش ت۔ ص ج

U. No-8321