শিলোংদা লৈবা নোর্থ-ইস্তর্ন স্পেস এপ্লিকেসন সেন্তর(নেসাক)কী মীফম অসিদা নোর্থ-ইস্তরন রিজন (দোনর)গী কম্যুনিকেসন অমসুং দিবেলপমেন্তকি কেন্দ্রগী মন্ত্রী জ্যোতিরাদিত্য এম. সিন্দিয়ানা শরুক য়াখি। মীফম অদুদা মেঘালয়গী মুখ্য মন্ত্রী কনরাদা কে.সাংমা, দোনরগী রাজ্য মন্ত্রী সুকান্ত মজুমদার, নেসাক সোসাইতিগী ভাইস-চেয়রমেন অমসুং সেক্রেতরি, দিপার্তমেন্ত ওফ স্পেস এন্দ চেয়রমেন, ইসরো, দা.ভি. নরায়নগা কোন্না কেন্দ্র অমসুং অৱাং-নোংপোক রাজ্যগী মথক থোংবা ওফিসরশিংনা শরুক য়াখি।

মীফম অদুদা ৱা ঙাংলদুনা সিন্দিয়ানা নেসাকপু রিজনেল দিবলপমেন্ত, দিজাস্তর প্রিপেয়রেদনেস, ক্লাইমেৎ-স্মার্ত গবরনান্স, শাইন্তিফিক ইনোবেসন অমসুং দেতা-দ্রাইভন পোলিসি মেকিংগীদমক ত্রান্সফোরমেতিব ইন্সতিত্যুসন অমা ওইনা থম্নবা স্ত্রেতেজিক ইনিসিয়েতিব মঙা ফোঙদোকখি। মসিদা হায়-রিজোলুসন ভিলেজ রিসোর্স মেপিং; ইশিং তুংশিনবা মফমশিং, উমংশিং, তুরেলশিং অমসুং লমদমশিং চাং নাইনা য়েংশিনবা; অৱাং নোংপোক্তা জিওস্পেসিএল অমসুং স্পেস-তেক্নোলোজি স্তার্তঅপশিং য়োকখৎপা; ওল-হেজার্দ দিজাস্তর রেজিলিয়েন্স দিজিতেল ত্বিন প্লেৎফোর্ম অমা শেমগৎপা, এন.ই.আর.-সিলদ; অমসুং নোর্থইস্ত গ্রীন ৱেল্থ অমসুং নেচরেল কেপিতেল একাওন্তিং ফ্রেমৱার্ক অমা শেমগৎপা।

মীফম অদুদা নেসাকগী প্রোজেক্তশিংগী খুমাং চাউশিনবা অদু য়েংশিনখি অমসুং অৱাং-নোংপোক লমদম শিনবা থুংনা চাওখৎ-থৌরাং খোঙজেল য়াংসিন্নবা স্পেস তেক্নোলোজি, শেতেলাইৎ এপ্লিকেসনশিং অমসুং জিওস্পেসিএল ইন্তলিজেন্স শিজিন্ননবা তুংগী রোদমেপকি মতাংদা খন্নখি। খন্ন-নৈনবশিং অদুদা প্রধান মন্ত্রী নরেন্দ্র মোদীগী তেক্নোলোজিনা লুচিংবা চাওখৎ-থৌরাংগী মীৎয়েং অদু উৎখি অমসুং কেন্দ্রগী হোম মীনিস্তর অমসুং নেসাক্কী সোসাইতিগী প্রসিদেন্ত অমিত শাহনা ফোঙদোকখিবা অৱাং-নোংপোক্কী তুংগীদমক শেম শাবা থৌরাং অদু মখা চত্থখি।

ত্রিপুরাদা পাংথোকখিবা ১২শুবা নেসাকগী মীফমদগী প্রোজেক্ত ৫০ লোয়শিনখ্রে অদুগা প্রোজেক্ত ৭৮না এগ্রীকলচর, দিজাস্তর মেনেজমেন্ত, ৱেদর সর্ভিসেস, কম্যুনিকেসন, নেচরেল রিসোর্স মেপিং, ইনফ্রাস্তরকচর প্লানিং অমসুং রুরেল দিবেলপমেন্ত য়াওনা সেক্তর খুদিংমক্তা পায়খৎলি। এগ্রীকলচরেল প্রদক্তিবিতি ফগৎহন্নবা ক্রোপিং সিস্তেমগী এনালাইসিশ, অসাম অমসুং মেঘালয়দা বেম্বোক অমসুং অগরউদা রিসোর্স মেপিং, ৱেদর অমসুং ক্লাইমেৎ সর্ভিসশিং, সেতলাইত্তা য়ুম্ফম ওইবা কম্যুনিকেসন সপোর্ত, অমসুং এন.ই.-স্পার্কসকুম্বা আউতরিচ প্রোগ্রামশিং য়াওনা নেসাক্না পায়খৎলিবা মরুওইবা ইনিসিয়েতিব কয়া অমুক হন্না য়েংশিনখি, মসিগী খুত্থাংদা অৱাং-নোংপোক রাজ্যশিংদগী মহৈরোয় ৭৮৬না ইসরোগী ফেসিলিতীশিংদা চৎখি।

মীফম অদুদা স্মার্ত এনালাইতিক্সতগী স্মার্ত রিজন অমদা অমসুং অরোয়বদা ওতোনোমস ইকোসিস্তেম অমদা চত্থোক-চৎশিন তৌবা, স্পেস-ইনেবল গবরনান্স অমসুং ইনোবেসনগী খুত্থাংদা লমদম অসিবু ফেজ-ফেজ ত্রান্সফোর্মেসন তৌনবা থৌরাং তৌরিবা ভিজন নেসাক্কী রোদমেপ অদু অমুক হন্না য়েংশিনখি।

মখোয়গী ইন্সেপ্সন অদু হেক তৌখিবদগী দোনর অমসুং নেসাক্কী মরক্তা মতম শাংনা লৈরক্লবা পার্ত্নরসিপ অদু ফোঙদোক্লদুনা সিন্দিয়ানা হায়খি, "নেসাক অমসুং দোনরনা হৌরকপদগী হৌনা অম্বিলিকেল ওইবা মরি অমা শেমগৎলি। হান্নগী প্রধান মন্ত্রী অতল বিহারি বাজপায়ীগী মীৎয়েং শানবা লীচিংখাদা খনখিবা ইন্সতিত্যুসন অনিমক্না চহি ২৬ হেন্না অৱাং-নোংপোক্কী রাজ্য ৮গী চাওখৎ-থৌরাং অমসুং ত্রান্সফোর্মেসনগী খুৎলায় ওইনা লেপ্তনা শেবা তৌদুনা লাক্লি।"

মহাক্না থোইদোক্না ফোংদোকখি মদুদি মমাঙগী সোসাইতি মীফমদগী প্রোজেক্ত ৫০ লোয়শিনখিবা অসিনা লমদম অসিগী মীওই কোতি ৪.৫ হেনবগী চাওখৎ-থৌরাংগী অপাম্বশিংদা মতেং পাংলিবা মমল য়াম্লবা দিজিতেল নোলেজ বেজ অমা শেমগৎপগী মহুৎ শিল্লি।

জিওস্পেসিএল মেপিং অমসুং ত্রেসিবিলিতি সিস্তেমশিংনা অৱাং-নোংপোক্কী লৌমীশিং অমসুং ওন্তরপ্রিনরশিংগীদমক্তা অনৌবা খুদোংচাবশিং হাংদোকপা ঙমগনি হায়না মন্ত্রীনা অগরউদা লৌউবা অমসুং ভেল্যু-চেন দিবেলপমেন্তকি ইকোনোমিক পোতেন্সিয়েলশু ফোঙদোকখি।

দিজাস্তর রেজিলিয়েন্স মপাঙ্গল কনখৎহন্নবা, সিন্দিয়ানা তেলিকোম নেতৱার্কশিংগা ইন্তিগ্রেতেদ হায়পর-লোকেল, মল্তিলিঙ্গুএল লাস্ত-মায়ল এলর্ত সিস্তেমশিং শেমগৎনবা কৌখি অমসুং লেন্দশ্লাইদা অমসুং অতোপ্পাা মহৌশাগী খুদোংথিবশিংগীদমক জিওস্পেসিএল রিস্ক-মোনিতরিং তুলশিং পাকথোক চাওথোকহন্নবা রিকমেন্দ তৌখি। লৌউ-শিংউদা, মহাক্না পোত্থোক পুথোকপা, ত্রেসিবিলিতি অমসুং কৈথেলদা য়ৌবা ঙম্নবা অহোঙবা পুরক্নবা অগর উদা য়াওনা অৱাংবা ভেল্যু অমসুং জি.আই. ইনফ্রাস্তরকচর দিবেলপমেন্তকিদমক মহাক্না প্রোজেক্ত প্লানিং, হেজার্দ এসেসমেন্ত অমসুং কনেক্তিবিতি হেঙ্গৎহন্নবগীদমক জিওস্পেসিএল দিসিজন-সপোর্ত সিস্তেমশিং শিজিন্নবদা অকনবা ৱাফম থমখি। মহাক্না দ্রোন তেক্নোলোজিশিংগী পোতেন্সিয়েলশিংশু ফোঙদোকখি অমসুং নমো দ্রোন দিদি ইনিসিয়েতিবকা লোয়ননা কনভরজেন্স য়াওনা নহাশিং অমসুং নুপিশিংগী হিংনবগী লম্বি অমসুং স্কীল-দিবেলপমেন্তকি খুদোংচাবশিং শেমগৎনবা নেসাক্কী য়ু.এ.ভি.এ. কেপেবিল্তীশিং সজেস্ত তৌখি।

নেসাক্কী তৌবা ঙম্বশিং মপাঙ্গল কনখৎহনবদা ইসরোগী থৌদাং মতাংদা পল্লদুনা সিন্দিয়ানা হায়খি, "ইসরোনা শরুক য়াবনা নেসাক্কী হোৎনরিবশিংদা অনৌবা প্রোপলসন অমা পিরে। চন্দ্রয়ান-৩ অমসুং আদিত্য-এল.-১গুম্বা মীসনশিংনা ভারতকি তেক্নোলোজিগী ওইবা হৈথোই-শিংথোইবা অমসুং শিংথানিংঙাই ওইবা ইফিসিএন্সিগা লোয়ননা অচম্বা ফলশিং ফংবা ঙম্বগী ঐখোয়গী তৌবা ঙম্বশিং অদু উৎলি।"

মহাক্কী ৱাফম অদু লোয়শিল্লকপদা মন্ত্রীনা হায়খি, “হোম মীনিস্তর অমীৎ শাহনা খনখিবা মতুং ইন্না ঐখোয়না স্পেস তেক্নোলোজি, জিওস্পেসিএল ইনতিলিজেন্স, কম্যুনিকেসন ইনফ্রাস্তরকচর অমসুং ইনোবেসন শিজিন্নদুনা অৱাং-নোংপোক শিনবা থুংনা লৈঙাক হোংদোক্নবা, রেজিলিয়েন্স মপাঙ্গল কনখৎহন্নবা অমসুং পুন্সিগী মগুন ফগৎহন্নবা তুংগী থৌরাং অমা লৌখৎকদবনি।”

মীফম অদু নেসাক, ইসরো, দোনর অমসুং অৱাং-নোংপোক রাজ্যশিংনা স্পেস তেক্নোলোজি অমসুং ইনোবেসন অসি লমদম শিনবা থুংনা ইনক্লুসিব, সস্তেনেবল অমসুং তুংদা লাক্কদবা চাওখৎ-থৌরাংগী মরুওইবা ইনেবলরশিং ওইনা শিজিন্ননবা ৱাশক অদু অমুক হন্না ফোঙদোক্লদুনা লোয়শিনখি।

***

(रिलीज़ आईडी: 2270221) आगंतुक पटल : 4