অৱাং-নোংপোক লমদমগী চাওখৎ-থৌরাংগী কেন্দ্র মন্ত্রী অমসুং নোর্থ ইস্তর্ন কাউন্সিল (এন.ই.সি.)গী ভাইস-চেয়রমেন শ্রী জ্যোতিরাদিত্য এম.সিন্দিয়ানা মন্ত্রালয় অসিগী ত্রান্সফোর্মেতিব ইনিসিয়েতিবশিংগী মতাংদা পনখি অমসুং কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত সাহগী চেয়রমেন্সিপতা ঙসি শিলোংদা পাংথোকখিবা ৭৩শুবা এন.ই.সি.গী প্লেনারি মিফমদা অৱাংবা থাক্কী তাস্ক ফোর্স ৮গী রিকমেন্দেসনশিং য়েংশিনখি।

অৱাং নোংপোক্কী রাজ্য ৮গী রাজ্যপালশিং, মুখ্য মন্ত্রীশিং অমসুং মকোক থোঙবা ওফিসিএলশিংনা শরুক য়াখিবা প্লেনরিদা ৱা ঙাংলদুনা শ্রী সিন্দিয়ানা হায়খি মদুদি দোনর মন্ত্রালয় অসি কনেক্ত, কনভরজ অমসুং কেতালাইজগী থ্রী-সি ফ্রেমৱার্ক্না লমজিংদুনা লমদম অসিগী চাওখৎ-থৌরাংগীদমক ফেসিলিতেতর, কোওর্দিনেতর অমসুং থোঙ অমা ওইনা শেমগৎলে।

মহাক্না খঙহনখি মদুদি ৭২শুবা এন.ই.সি.গী প্লেনরি মীফমগী মতুংদা শেমখিবা হায়-লেবেল তাস্ক ফোর্স ৮না ইনভেস্তমেন্ত প্রমোসন, এগ্রীকলচর অমসুং হোর্তিকলচর, হেন্দিক্রাফ, ইনফ্রান্ত্রকচর অমসুং কনেক্তিবিতি, ইকোনোমিক কোরিদোরশিং, লাইবশ্তোক অমসুং ফিসরিজদা মশানা মশাবু থাজবা থম্বা, শান্ন-খোৎনবা অমসুং তুরিজম য়াওনা এক্সন প্লান অমসুং রিকমেন্দেসনশিং পিশিনখি। মুখ্য মন্ত্রীশিংনা চেয়রমেন ওইবা অমসুং কেন্দ্র অমসুং রাজ্যশিংগী মিহুৎশিংনা শৌগৎপা তাস্ক ফোর্সশিং অসি অৱাং নোংপোক্কী তুংগী চাওখৎ-থৌরাংগীদমক অপুনবা রোদমেপ অমা শেম্নবা অমসুং লমদম অসিনা বিকসিত ভারত ২০৪৭কি মিৎয়েংদা চাওনা মতেং পাংবা ঙম্নবা লিংখৎখিবনি।

শ্রী সিন্দিয়ানা তাস্ক ফোর্সশিংগী রিকমেন্দেসনশিং মখা তানা খন্ননবা অমসুং থবক ওইনা পাঙথোকনবা এন.ই.সি.গী চেয়রমেনদা পিশিনগনি হায়না পাওদমখি। মহাক্না মসিমসু পনখি মদুদি রিকমেন্দেসনশিং ইমপ্লিমেন্ত তৌবা য়েংশিন্নবা মরি লৈনবা মুখ্য মন্ত্রীশিং অমসুং কেন্দ্রগী মন্ত্রীশিং য়াওবা হায়-লেবেল স্তিয়রিং কম্মিতি অমা লিংখৎনবা প্রপোজেল অমা পুথোকখ্রে।

মন্ত্রালয় অসিনা হন্দক্তাা ফংখিবা মায়পাকাপশিং অদু ফোঙদোক্লদুনা শ্রী সিন্দিয়ানা হায়খি মদুদি দোনর মন্ত্রালয়গী মখাদা চাদিং তৌখিবা অসি ২০২২–২৩দা চাওরাক্না লুপা করোর ১০০০ ওইরম্বদগী হৌখিবা চহি অনিদা চাওরাক্না লুপা করোর ৪,০০০দা হেনগৎলে, অদুগা মন্ত্রালয় অসিনা হৌজিক চত্থরিবা শেনবা চহি অসিগী ওইনা লুপা করোর ৬,৫০০গী বজেৎ এলোকেসন অমা শোয়দনা ফংলে। প্রোজেক্ত এপ্রুবেলশিং লাইথোকহন্নবা, ত্রান্সপরেন্সি ফগৎহন্নবা অমসুং মতম চানা ফন্দা চৎনবা য়ানবা রিফোরম কয়া অমা পুরকখ্রে।

মন্ত্রীনা রাইজিং নোর্থ ইস্ত ইনভেস্তমেন্ত সমিৎকি মায় পাকপা অদু ফোঙদোকখি, মসিদা এম্বাসেদর ১০০ হেনবনা শরুক য়াখি অমসুং মসিনা মরম ওইদুনা চাওরাক্না লুপা করোর লাখ ৪.৫গী ইনভেস্তমেন্ত কমিত্মেন্তশিং পিখি। মহাক্না থোইদোক্না ফোংদোকখি তৌখি মদুদি ২০২৫গী মে থাদা পাংথোকখিবা শমিৎ অসিদাগী চাওরাক্না লুপা করোর ৪০,০০০গী মমল ওইবা ইনভেস্তমেন্তশিং হান্ননা গ্রাওন্দা তৌখ্রে, মসিনা লমদম অসিদা ইনভেস্তরশিংগী থাজবা হেনগৎলক্লিবা অদু উৎলি।

ফাইনান্সিয়েল ইনক্লুজনগী মতাংদা শ্রী সিন্দিয়ানা খঙহনখি মদুদি হৌখিবা থা ১৫গী মনুংদা অৱাং নোংপোক শিনবা থুংনা অনৌবা বেঙ্ক্ ব্রাঞ্চ ১৩১ লিংখৎখ্রে, অদুগা মমাঙদা বেঙ্ক্ তৌদবা খুঙ্গং ৬৫০০ হৌজিক ফোরমেল বেঙ্কিং নেতৱারক্কী মখাদা পুরক্লে। মহাক্না মখা তানা হায়খি মদুদি লমদম অসিদা দিজিতেল পেমেন্ত এদোপ্ত তৌবগী চাং অসি য়ু.পি.আই.গী খুৎথাংদা চাওরাক্না চাদা ৯০ য়ৌরে।

মন্ত্রীনা লৈবাক শিনবা থুংনা অমসুং অৱাং নোংপোক্কী মহৈরোয়শিংদা কলচরেল এক্সচেঞ্জ অমসুং সাইন্তিফিক লরনিংগী খুদোংচাবশিং ফংহল্লিবা অস্তলক্ষ্মী দরসন স্তুদেন্ত এক্সচেঞ্জ প্রোগ্রাম অমসুং ইসরো এক্সপোজর ভিজিৎশিংগী মায়পাকাপশিংসু ফোঙদোকখি।

শ্রী সিন্দিয়ানা মখা তানা লমদম অসিগী ইনাক খুল্লবা মহৌশাগী ফজবা, কলচরেল হেরিতেজ, বাইওদাইবর্সিতি অমসুং এদভেঞ্চর তুরিজমগী পোতেন্সিয়েল উৎনবা অৱাং নোংপোক রাজ্য ৮ পুম্নমক্তা মমিং লৈরবা তুরিজম সর্ক্যুতশিং শেমগৎনবা মন্ত্রালয়না হোৎনরিবশিংগী মতাংদা ৱা ঙাংখি। তুরিজমগী ইনফ্রান্ত্রকচর মপাঙ্গল কনখৎহন্নবা, ভিজিতরশিংগী খুদোংচাবশিং ফগৎহন্নবা, কনেক্তিবিতি হেঙ্গৎহন্নবা অমসুং মফম অদুগী মিয়ামদা তুং কোয়না চৎকদবা হিংনবগী খুদোংচাবশিং শেমগৎনবা শেমগৎলিবা ত্রিপুরাগী মতাবারি তুরিজম সর্ক্যুত অমসুং মেঘালয়গী সোহরা তুরিজম সর্ক্যুতকুম্বা মরুওইবা প্রোজেক্তশিং মহাক্না ফোঙদোকখি। মহাক্না থোইদোক্না ফোংদোকখি তৌখি মদুদি থৌরাংশিং অসিনা দোমেস্তিক অমসুং ইনতরনেশ্নেল তুরিস্তশিংগী খোঙচৎ হেন্না পুক্নিং চিংশিনগনি, থবক ফংহনগনি অমসুং লমদম অসিগী শেনমিৎলোন্দাা চাওনা মতেং পাংগনি হায়না থাজরি।

মন্ত্রীনা ৱান স্তেত ৱান প্রদক্তকী ইনিসিয়েতিবকি মতাংদসু শন্দোক্না তাকখি, মসিগী মখাদা অৱাং নোংপোক রাজ্য খুদিংমক্না মখোয়গী চাংদম্নবা য়াবা খুদোংচাবা অমসুং কলচরেল আইদেন্তিতিদা য়ুম্ফম ওইরগা অখন্নবা পোত্থোক নত্রগা সেক্তর অমা মশক খঙদোক্লে। ইনিসিয়েতিব অসিগী মখাদা মশক খঙদোক্লবা পোত্থোকশিংগী মনুংদা মেঘালয়দগী লাকাদোং হৱাই, অসামদগী মুগা শিল্ক, অরুনাচল প্রদেশকি কিৱি, ত্রিপুরাদগী ক্বীন পাইনএপল(কীহোম) অমসুং সিক্কীমদগী ওর্গানিক ফার্মিং অসিনচিংবা য়াওরি। খোঙথাং অসিনা ভেল্যু চেনশিং মপাঙ্গল কনখৎহন্নবা, ব্রান্দিং অমসুং পেকেজিং ফগৎহন্নবা, কৈথেলদা য়ৌহনবদা লাইথোকহন্নবা, মপান্দা থাদোকপা হেনগৎহন্নবা অমসুং লৌমীশিং, আর্তিসানশিং অমসুং ওন্তরপ্রিনরশিংগী শেন্থোক হেনগৎহন্নবা হোৎনরি। শ্রী সিন্দিয়ানা হায়খি মদুদি রাজ্য খুদিংমক্কী তোপ তোপ্পা পাঙ্গলশিং লৌশিন্দুনা খোঙথাং অসিনা অৱাং নোংপোক্তগী মালেমগী ওইনা শকখঙলবা ব্রান্দশিং শেমগৎপদা মতেং পাংগনি অমসুং লমদম পুম্বদা ইনক্লুসিব অমসুং সস্তেনেবল ইকোনোমিক গ্রোথ য়োকখৎকনি

মন্ত্রীনা হায়খি মদুদি ইনভেস্তমেন্ত প্রমোসন, ইনফ্রান্ত্রকচর দিবলপমেন্ত, বেঙ্কিং এক্সপান্সন, তুরিজম, লোজিস্তিক্স অমসুং হ্যুমেন কেপিতেল দিবলপমেন্তকি লমদা লেপ্তনা হোৎনরিবা অসিনা খুঞ্জাও-লৈচাওবা অমদি মশা-মরোমদোম লেপচবা ঙম্বা অৱাং নোংপোক অমগী য়ুম্ফম থোনরি। লমদম অসিনা ভারতকি অচৌবা গ্রোথ ইঞ্জিন অমা ওইনা থোরক্কনি অমসুং বিকসিত ভারত ২০৪৭কি মঙলান অদু মংফাওনহনবদা মরু ওইবা থৌদাং লৌগনি হায়না মহাক্না থাজবা ফোঙদোকখি।

***

(रिलीज़ आईडी: 2270218) आगंतुक पटल : 5