প্রধানমন্ত্রীগী লোইশঙ
ভেনেজুএলাগী এক্তিং প্রসিদেন্তনা প্রধান মন্ত্রীগা উনখ্রে
प्रविष्टि तिथि:
04 JUN 2026 9:35PM by PIB Imphal
ভেনেজুএলাগী এক্তিং প্রসিদেন্ত, শ্রীমতি দেলসি রোদ্রিগেজনা ঙসি প্রধান মন্ত্রী শ্রী নরেন্দ্র মোদীগা উনখ্রে।
প্রধান মন্ত্রীনা মীফম অদুদা নুংঙাইবা ফোংদোকখি অমসুং লুচিংবা অনিমক্না ইনর্জী, ক্রিতিকেল মিনরেলশিং, তেক্নোলোজী, লৌউ-শিংউ, হকশেল অমসুং মীয়ামগা মীয়ামগা লৈনরিবা মরীদা মতেং পীনবা হেনগৎহন্নবা কুপ্না খন্নখি হায়না ফোংদোকখি।
শ্রী মোদীনা হায়খি মদুদি ভেনেজুএলা অসি লেতিন অমেরিকাগী মমল য়াম্লবা পার্তনর অমনি, লৈবাক অসিগা লোয়ননা অনকপা মরী থম্বা অসি গ্লোবেল সাউথকীদমক য়াম্না মরু ওই। প্রধান মন্ত্রীনা লৈবাক অনিগী মীয়ামগী অপুনবা কান্ননবগীদমক লৈবাক অনিমক্না মখা তানা পুন্না থবক তৌমিন্নবা ফোংদোকখি।
প্রধান মন্ত্রীনা এক্সতা পোস্ত তৌখি:
“ভেনেজুএলাগী এক্তিং প্রসিদেন্ত, শ্রীমতি দেলসি রোদ্রিগেজকা উনবদা নুংঙাইবা ফাওই। ঐখোয়না ইনর্জী, ক্রিতিকেল মিনরেলশিং, তেক্নোলোজী, লৌউ-শিংউ, হকশেল অমসুং মীয়ামগা মীয়ামগা লৈনরিবা মরীশিংদা ঐখোয়গী কোওপরেসন পাকথোক চাউথোকহন্নবগী মতাংদা কুপ্না খন্ন-নৈনখি।
লেতিন অমেরিকাদা মমল য়াম্লবা পার্তনর অমা ওইনা, ভেনেজুএলাগা লোয়ননা অনকপা মরী থম্বা অসি গ্লোবেল সাউথকীদমক য়াম্না মরু ওই। ঐখোয়গী লৈবাকশিংগী মীয়ামগীদমক ঐখোয়না মখা তানা পুন্না থবক তৌমিন্নখিগনি। @delcyrodriguezv"
***
(रिलीज़ आईडी: 2269279)
आगंतुक पटल : 11
इस विज्ञप्ति को इन भाषाओं में पढ़ें:
Telugu
,
English
,
Urdu
,
हिन्दी
,
Marathi
,
Bengali
,
Punjabi
,
Gujarati
,
Tamil
,
Kannada
,
Malayalam