ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿಂದು ನಡೆದ ಕೇಂದ್ರ ಸಚಿವ ಸಂಪುಟ ಸಭೆ, ತೈಲ ಮಾರುಕಟ್ಟೆ ಕಂಪನಿಗಳಿಗೆ (ಒಎಂಸಿ) ದೇಶೀಯ ಮತ್ತು ಅಂತಾರಾಷ್ಟ್ರೀಯ ಕಾರ್ಯಾಚರಣೆಗಳಿಗಾಗಿ ಎಟಿಎಫ್ ಬೆಲೆ ಸ್ಥಿರೀಕರಣ ಬೆಂಬಲವನ್ನು ಒದಗಿಸಲು 10,000 ಕೋಟಿ ರೂ.ಗಳನ್ನು ಮೀರದ ಒಂದು ಬಾರಿಯ ಬಜೆಟ್ ಬೆಂಬಲವನ್ನು ಅನುಮೋದಿಸಿದೆ. ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯದ ಅನುದಾನಗಳ ಬೇಡಿಕೆಗಳ ಮೂಲಕ ತೈಲ ಮಾರುಕಟ್ಟೆ ಕಂಪನಿಗಳಿಗೆ ಬಜೆಟ್ ಬೆಂಬಲವು ಬಡ್ಡಿರಹಿತ ಮುಂಗಡಗಳ ರೂಪದಲ್ಲಿರುತ್ತದೆ. ಪಶ್ಚಿಮ ಏಷ್ಯಾ ಬಿಕ್ಕಟ್ಟಿನಿಂದ ಉಂಟಾಗುವ ಅಸಾಧಾರಣ ಇಂಧನ ಬೆಲೆ ಏರಿಳಿತದ ಅವಧಿಯಲ್ಲಿ ವಿಮಾನಯಾನ ಸಂಸ್ಥೆಗಳಿಗೆ ಸ್ಥಿರವಾದ ಎಟಿಎಫ್ ಬೆಲೆ ನಿಗದಿಯನ್ನು ಸುಗಮಗೊಳಿಸಲು ತೈಲ ಮಾರುಕಟ್ಟೆ ಕಂಪನಿಗಳಿಗೆ ಬೆಂಬಲವನ್ನು ಒದಗಿಸಲಾಗುತ್ತದೆ.

ಬೆಲೆ ಸ್ಥಿರೀಕರಣ ನಿಧಿಯ ಅನುಮೋದಿತ ಪ್ರಮುಖಾಂಶ:

(i) ತೈಲ ಮಾರುಕಟ್ಟೆ ಕಂಪನಿಗಳಿಗೆ ಬಡ್ಡಿರಹಿತ ಮುಂಗಡ

ಶೆಡ್ಯೂಲ್ಡ್ ಭಾರತೀಯ ವಿಮಾನಯಾನ ಸಂಸ್ಥೆಗಳಿಗೆ ಎಟಿಎಫ್ ಬೆಲೆ ಸ್ಥಿರೀಕರಣವನ್ನು ಬೆಂಬಲಿಸಲು ತೈಲ ಮಾರುಕಟ್ಟೆ ಕಂಪನಿಗಳಿಗೆ (OMCs) ಗೆ 10,000 ಕೋಟಿ ರೂ.ಗಳವರೆಗೆ ಒಂದು ಬಾರಿಯ ಬಜೆಟ್ ಬೆಂಬಲವನ್ನು ಬಡ್ಡಿರಹಿತ ಮುಂಗಡವಾಗಿ ಒದಗಿಸಲಾಗುತ್ತದೆ. ಅನುಮೋದಿತ ಕಾರ್ಯವಿಧಾನದ ಅಡಿಯಲ್ಲಿ ನಿರ್ಧರಿಸಲಾದ ಮಾನದಂಡ ಬೆಲೆಯನ್ನು ಚಾಲ್ತಿಯಲ್ಲಿರುವ ಆಮದು ಸಮಾನತೆಯ ಬೆಲೆ ಮೀರಿದಾಗಲೆಲ್ಲಾ, ಅಂತಾರಾಷ್ಟ್ರೀಯ ಎಟಿಎಫ್ ಬೆಲೆಗಳು ಏರಿದಾಗ ಉಂಟಾಗುವ ನಷ್ಟಗಳಿಗೆ ಕಾರ್ಪಸ್ ಓಎಂಸಿಗಳನ್ನು ಸರಿದೂಗಿಸುತ್ತದೆ.

(ii) ರಿಕವರಿ ಮತ್ತು ಟ್ರೂ-ಅಪ್ ಕಾರ್ಯವಿಧಾನ

ಅಂತಾರಾಷ್ಟ್ರೀಯ ಎಟಿಎಫ್ ಬೆಲೆಗಳು ಮಾರ್ಡರೇಟ್ ಆಗಿದ್ದಾಗ, ವ್ಯತ್ಯಾಸದ ಮೊತ್ತವನ್ನು ಓಎಂಸಿಗಳಿಂದ ಮರುಪಡೆಯಲಾಗುತ್ತದೆ ಮತ್ತು ಭಾರತದ ಏಕೀಕೃತ ನಿಧಿಗೆ ಹಿಂತಿರುಗಿಸಲಾಗುತ್ತದೆ. ಸಂಪೂರ್ಣ ಬೆಂಬಲ ಮೊತ್ತವನ್ನು ಸಂಪೂರ್ಣವಾಗಿ ರಿಕವರಿ ಮತ್ತು ಇತ್ಯರ್ಥಪಡಿಸುವವರೆಗೆ ಈ ವ್ಯವಸ್ಥೆ ಮುಂದುವರಿಯುತ್ತದೆ.

(iii) ದೇಶೀಯ ಮತ್ತು ಅಂತಾರಾಷ್ಟ್ರೀಯ ಕಾರ್ಯಾಚರಣೆಗಳ ವ್ಯಾಪ್ತಿ

ದೇಶೀಯ ಮತ್ತು ಅಂತಾರಾಷ್ಟ್ರೀಯ ಕಾರ್ಯಾಚರಣೆಗಳಿಗೆ ಈ ಯೋಜನೆಯು ಎಲ್ಲಾ ಇಚ್ಛೆಯ ನಿಗದಿತ ಭಾರತೀಯ ವಾಹಕಗಳಿಗೆ ಲಭ್ಯವಿರುತ್ತದೆ.

(iv) ಸ್ಥಿರ ಎಟಿಎಫ್ ಬೆಲೆ ವ್ಯವಸ್ಥೆ

ದೇಶೀಯ ಮತ್ತು ಅಂತಾರಾಷ್ಟ್ರೀಯ ಕಾರ್ಯಾಚರಣೆಗಳಿಗೆ ಸ್ಥಿರ-ಬೆಲೆ ವ್ಯವಸ್ಥೆಯನ್ನು ಅಳವಡಿಸಿಕೊಳ್ಳುವ ಮೂಲಕ ಈ ಕಾರ್ಯವಿಧಾನವು ಇಂಧನ ವೆಚ್ಚದಲ್ಲಿ ಹೆಚ್ಚಿನ ಮುನ್ಸೂಚನೆಯನ್ನು ಒದಗಿಸುತ್ತದೆ, ಇದರಿಂದಾಗಿ ವಿಮಾನಯಾನ ಸಂಸ್ಥೆಯು ಹಠಾತ್ ಇಂಧನ ಬೆಲೆ ಏರಿಕೆಗಳಿಗೆ ಒಡ್ಡಿಕೊಳ್ಳುವುದನ್ನು ತಗ್ಗಿಸುತ್ತದೆ.

(v) ಓಎಂಸಿಗಳಿಗೆ ಎಟಿಎಫ್ ಪೂರೈಕೆಯ ವಿಶೇಷ ಹಕ್ಕುಗಳು

ಭಾರತೀಯ ವಿಮಾನಯಾನ ಸಂಸ್ಥೆಗಳು ಮತ್ತು ಓಎಂಸಿಗಳ ನಡುವಿನ ಒಪ್ಪಂದದ ಮೂಲಕ ಈ ವ್ಯವಸ್ಥೆಯನ್ನು ಜಾರಿಗೊಳಿಸಲಾಗುತ್ತದೆ, ನಾಗರಿಕ ವಿಮಾನಯಾನ ಸಚಿವಾಲಯ ಮತ್ತು ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯ ಸಹಿ ಹಾಕಿವೆ. ಈ ಒಂದು ಬಾರಿಯ ವ್ಯವಸ್ಥೆಯಡಿಯಲ್ಲಿ, ಭಾಗವಹಿಸುವ ವಿಮಾನಯಾನ ಸಂಸ್ಥೆಗಳು ವಾರ್ಷಿಕ ಪರಿಶೀಲನೆಗೆ ಒಳಪಟ್ಟು ಅಥವಾ ಮುಂಗಡ ಮೊತ್ತವನ್ನು ಸಂಪೂರ್ಣವಾಗಿ ಮರುಪಡೆಯುವವರೆಗೆ ಯಾವುದು ಮೊದಲೋ ಅಲ್ಲಿಯವರೆಗೆ ಒಎಂಸಿ ಗಳಿಂದ ಮಾತ್ರ ಎಟಿಎಫ್ ಅನ್ನು ಖರೀದಿಸುತ್ತವೆ.

(vi) ಮೇಲ್ವಿಚಾರಣೆ ಮತ್ತು ಲೆಕ್ಕಪರಿಶೋಧನೆ

ನಾಗರಿಕ ವಿಮಾನಯಾನ ಸಚಿವಾಲಯ, ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯ ಮತ್ತು ವೆಚ್ಚ ಇಲಾಖೆಯ ಪ್ರತಿನಿಧಿಗಳನ್ನು ಒಳಗೊಂಡ ಮೇಲ್ವಿಚಾರಣಾ ಸಮಿತಿಯು ಅನುಷ್ಠಾನ, ಹಕ್ಕು ಪರಿಶೀಲನೆ, ಸಮನ್ವಯ ಮತ್ತು ಇತ್ಯರ್ಥವನ್ನು ಮೇಲ್ವಿಚಾರಣೆ ಮಾಡುತ್ತದೆ. ಎಲ್ಲಾ ಹಕ್ಕುಗಳು ಮತ್ತು ವಸೂಲಿಗಳು ಲೆಕ್ಕಪರಿಶೋಧನೆಗೆ ಒಳಪಟ್ಟಿರುತ್ತವೆ.

(vii) ಬಹುಮಾನ ಸ್ಥಿರೀಕರಣ ಬೆಂಬಲದ ಅವಧಿ

ಎಟಿಎಫ್ ಬೆಲೆ ಸ್ಥಿರೀಕರಣ ಬೆಂಬಲವು ವಾರ್ಷಿಕ ಪರಿಶೀಲನೆಗೆ ಅವಕಾಶದೊಂದಿಗೆ ಮೂವತ್ತಾರು ತಿಂಗಳ ಅವಧಿಗೆ ಅಥವಾ ಮುಂಗಡ ಮೊತ್ತವನ್ನು ಸಂಪೂರ್ಣವಾಗಿ ಮರುಪಡೆಯುವವರೆಗೆ/ಇತ್ಯರ್ಥಪಡಿಸುವವರೆಗೆ, ಯಾವುದು ಮೊದಲೋ ಅಲ್ಲಿಯವರೆಗೆ ಜಾರಿಯಲ್ಲಿರುತ್ತದೆ. ಈ ಅವಧಿಯೊಳಗೆ ನಿಧಿಯನ್ನು ಸಂಪೂರ್ಣವಾಗಿ ಬಳಸಿಕೊಳ್ಳದಿದ್ದರೆ, ಸಮರ್ಥ ಪ್ರಾಧಿಕಾರದ ಅನುಮೋದನೆಯೊಂದಿಗೆ ಪ್ರಸ್ತಾವನೆಯನ್ನು ಮೂವತ್ತಾರು ತಿಂಗಳುಗಳನ್ನು ಮೀರಿ ವಿಸ್ತರಿಸಬಹುದು.

ನಿರೀಕ್ಷಿತ ಫಲಿತಾಂಶ:

• ಉದ್ದೇಶಿತ ಕಾರ್ಯವಿಧಾನವು ಭಾರತೀಯ ವಿಮಾನಯಾನ ಸಂಸ್ಥೆಗಳಿಗೆ ಎಟಿಎಫ್ ಬೆಲೆಯಲ್ಲಿ ವರ್ಧಿತ ಸ್ಥಿರತೆ ಮತ್ತು ಭವಿಷ್ಯಸೂಚಕತೆಯನ್ನು ಒದಗಿಸುತ್ತದೆ, ಇದು ಉತ್ತಮ ಕಾರ್ಯಾಚರಣೆ ಮತ್ತು ಹಣಕಾಸು ಯೋಜನೆಯನ್ನು ಸಕ್ರಿಯಗೊಳಿಸುತ್ತದೆ.

• ಸದ್ಯದ ಪಶ್ಚಿಮ ಏಷ್ಯಾ ಬಿಕ್ಕಟ್ಟಿನ ಸಂದರ್ಭದಲ್ಲಿ ಅಸ್ಥಿರ ಮತ್ತು ಹೆಚ್ಚಿದ ಎಟಿಎಫ್ ಬೆಲೆಗಳಿಂದ ಉಂಟಾಗುವ ನಷ್ಟಗಳಿಂದ ತೈಲ ಮಾರುಕಟ್ಟೆ ಕಂಪನಿಗಳನ್ನು (ಒಎಂಸಿ) ರಕ್ಷಿಸುತ್ತದೆ.

• ಈ ಕ್ರಮವು ದೇಶೀಯ ಮತ್ತು ಅಂತರರಾಷ್ಟ್ರೀಯ ವಾಯು ಸಂಪರ್ಕವನ್ನು ರಕ್ಷಿಸಲು ಮತ್ತು ಉಳಿಸಿಕೊಳ್ಳಲು ಸಹಾಯ ಮಾಡುತ್ತದೆ, ವಾಯು ಸೇವೆಗಳ ನಿರಂತರತೆಯನ್ನು ಖಚಿತಪಡಿಸುತ್ತದೆ.

• ಇದು ಇಂಧನ ಬೆಲೆ ಆಘಾತಗಳ ಮೂಲಕ ಪ್ರಯಾಣಿಕರಿಗೆ ಆಗುವ ನಷ್ಟವನ್ನು ಕಡಿಮೆ ಮಾಡುತ್ತದೆ, ಇದರಿಂದಾಗಿ ದರದ ಏರಿಳಿತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

• ಈ ವ್ಯವಸ್ಥೆಯು ದೂರದ, ಪ್ರಾದೇಶಿಕ, II ನೇ ದರ್ಜೆ ಮತ್ತು III ನೇ ದರ್ಜೆ ನಗರಗಳಿಗೆ ನಿರಂತರ ವಾಯು ಸಂಪರ್ಕವನ್ನು ಬೆಂಬಲಿಸುತ್ತದೆ, ಸಮತೋಲಿತ ಪ್ರಾದೇಶಿಕ ಅಭಿವೃದ್ಧಿ ಮತ್ತು ಅಂತರ್ಗತ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ.

ಪ್ರಮುಖ ಪ್ರಯೋಜನಗಳು:

• ಸ್ಥಿರವಾದ ವಿಮಾನಯಾನ ಕಾರ್ಯಾಚರಣೆಗಳು ವಿಮಾನಯಾನ ಸಂಸ್ಥೆಗಳು, ವಿಮಾನ ನಿಲ್ದಾಣಗಳು, ಗ್ರೌಂಡ್ ನಿರ್ವಹಣಾ ಸಂಸ್ಥೆಗಳು, ಎಂಆರ್ ಒ ಗಳು, ಪ್ರಯಾಣ ಏಜೆನ್ಸಿಗಳು, ಆತಿಥ್ಯ ಮತ್ತು ಲಾಜಿಸ್ಟಿಕ್ಸ್ ವಲಯಗಳಲ್ಲಿ ಉದ್ಯೋಗವನ್ನು ಉಳಿಸಿಕೊಳ್ಳಲು ಸಹಾಯ ಮಾಡುತ್ತದೆ.
• ನಿರಂತರ ವಾಯು ಸಂಪರ್ಕವು ಪ್ರಯಾಣಿಕರು, ಹೆಚ್ಚಿನ ಮೌಲ್ಯದ ಸರಕು, ವ್ಯಾಪಾರ ಪ್ರಯಾಣಿಕರು ಮತ್ತು ಪ್ರವಾಸಿಗರ ಚಲನೆಯನ್ನು ಸುಗಮಗೊಳಿಸುತ್ತದೆ, ಇದರಿಂದಾಗಿ ವಲಯಗಳಲ್ಲಿ ಆರ್ಥಿಕ ಚಟುವಟಿಕೆಯನ್ನು ಬೆಂಬಲಿಸುತ್ತದೆ.
• ಈ ಕ್ರಮವು ಪ್ರವಾಸೋದ್ಯಮ, ಆತಿಥ್ಯ, ವ್ಯಾಪಾರ, ರಫ್ತು, ಪ್ರಾದೇಶಿಕ ಅಭಿವೃದ್ಧಿ ಮತ್ತು ಹೂಡಿಕೆಯ ಮೇಲೆ ಸಕಾರಾತ್ಮಕ ಪರಿಣಾಮಗಳನ್ನು ಬೀರುತ್ತದೆ.
• ಉಡಾನ್ ಯೋಜನೆಯಡಿಯಲ್ಲಿ ಕಾರ್ಯನಿರ್ವಹಿಸುವ ವಿಮಾನ ನಿಲ್ದಾಣಗಳು ಸೇರಿದಂತೆ ದೇಶಾದ್ಯಂತ ಅಭಿವೃದ್ಧಿಪಡಿಸಲಾದ ವಿಮಾನ ನಿಲ್ದಾಣ ಮೂಲಸೌಕರ್ಯದ ಅತ್ಯುತ್ತಮ ಬಳಕೆಯನ್ನು ಖಾತ್ರಿಪಡಿಸಿಕೊಳ್ಳಲು ಇದು ಸಹಾಯ ಮಾಡುತ್ತದೆ.
• ದೇಶೀಯ ಮತ್ತು ಅಂತಾರಾಷ್ಟ್ರೀಯ ಸಂಪರ್ಕವನ್ನು ಸಂರಕ್ಷಿಸುವ ಮೂಲಕ, ಈ ಉಪಕ್ರಮವು ಜಾಗತಿಕ ಮಾರುಕಟ್ಟೆಗಳೊಂದಿಗೆ ಭಾರತದ ಏಕೀಕರಣವನ್ನು ಬಲಪಡಿಸುತ್ತದೆ ಮತ್ತು ದೀರ್ಘಕಾಲೀನ ಆರ್ಥಿಕ ಬೆಳವಣಿಗೆಯನ್ನು ಬೆಂಬಲಿಸುತ್ತದೆ.

ಹಿನ್ನೆಲೆ:

ಪಶ್ಚಿಮ ಏಷ್ಯಾ ಬಿಕ್ಕಟ್ಟಿನ ನಂತರ ಜಾಗತಿಕ ಎಟಿಎಫ್ ಬೆಲೆಗಳಲ್ಲಿನ ಅಭೂತಪೂರ್ವ ಏರಿಳಿತವು ವಿಮಾನಯಾನ ವಲಯದ ಮೇಲೆ ಪರಿಣಾಮ ಬೀರಿದೆ.

• ಪಶ್ಚಿಮ ಏಷ್ಯಾ ಬಿಕ್ಕಟ್ಟಿನಿಂದಾಗಿ ಅಂತಾರಾಷ್ಟ್ರೀಯ ಎಟಿಎಫ್ ಬೆಲೆಗಳು ಮಾರ್ಚ್ 2026 ರಲ್ಲಿ ರೂ.60.50/ಲೀಟರ್‌ನಿಂದ ಮೇ 2026 ರಲ್ಲಿ ರೂ.142/ಲೀಟರ್‌ಗೆ ಸುಮಾರು 2.5 ಪಟ್ಟು ಹೆಚ್ಚಾಗಿದೆ. ಎಟಿಎಫ್ ವಿಮಾನಯಾನ ಸಂಸ್ಥೆಯ ನಿರ್ವಹಣಾ ವೆಚ್ಚದ ಸುಮಾರು ಶೇ.40 ರಷ್ಟಿದೆ. ಆದ್ದರಿಂದ ಎಟಿಎಫ್ ಬೆಲೆಗಳಲ್ಲಿನ ಈ ಏರಿಳಿತವು ವಿಮಾನಯಾನ ಹಣಕಾಸಿನ ಮೇಲೆ ಹೆಚ್ಚಿನ ವೆಚ್ಚದ ಒತ್ತಡಕ್ಕೆ ಕಾರಣವಾಗಿದೆ.  
• ಎಟಿಎಫ್ ವಿಮಾನಯಾನ ನಿರ್ವಹಣಾ ವೆಚ್ಚಗಳಲ್ಲಿ ಸುಮಾರು ಶೇ.40 ರಷ್ಟಿದೆ ಮತ್ತು ತೀವ್ರ ಇಂಧನ ಏರಿಳಿತದ ಅವಧಿಯಲ್ಲಿ, ಒಟ್ಟು ನಿರ್ವಹಣಾ ವೆಚ್ಚದ ಶೇ.60 ವರೆಗೆ ಇರಬಹುದು.
• ದೇಶೀಯ ಕಾರ್ಯಾಚರಣೆಗಳಿಗೆ ಎಟಿಎಫ್ ಬೆಲೆಯನ್ನು ಮಿತಿಗೊಳಿಸಲಾಗಿದ್ದರೂ, ಭಾರತೀಯ ವಾಹಕಗಳು ಅಂತಾರಾಷ್ಟ್ರೀಯ ಕಾರ್ಯಾಚರಣೆಗಳಿಗಾಗಿ ಆಮದು ಸಮಾನತೆ ಬೆಲೆಗಳಲ್ಲಿ (ಐಪಿಪಿ) ಎಟಿಎಫ್ ಅನ್ನು ಖರೀದಿಸುವುದನ್ನು ಮುಂದುವರೆಸುತ್ತವೆ, ಇದು ಅವುಗಳನ್ನು ಹೆಚ್ಚಿನ ಇಂಧನ ವೆಚ್ಚಗಳಿಗೆ ಒಡ್ಡುತ್ತದೆ.
• ಆದರೂ ಎಟಿಎಫ್ ಬೆಲೆಗಳ ಮಿತಿಗೊಳಿಸುವಿಕೆಯು ತಾತ್ಕಾಲಿಕ ಕ್ರಮವಾಗಿದೆ ಮತ್ತು ಒಎಂಸಿಗಳಿಗೆ ದೀರ್ಘಾವಧಿಯಲ್ಲಿ ಸಮರ್ಥನೀಯವಲ್ಲ. ಎಟಿಎಫ್ ಬೆಲೆಗಳ ಮಿತಿಯಿಂದಾಗಿ  ಒಎಂಸಿಗಳು ವಿಶೇಷವಾಗಿ ಪಶ್ಚಿಮ ಏಷ್ಯಾ ಬಿಕ್ಕಟ್ಟಿನ ಸಂದರ್ಭದಲ್ಲಿ ಅಸ್ಥಿರ ಮತ್ತು ಏರುತ್ತಿರುವ ಎಟಿಎಫ್ ಬೆಲೆಗಳೊಂದಿಗೆ ಸಹ ನಷ್ಟವನ್ನು ಅನುಭವಿಸುತ್ತಿವೆ.
• ಭಾರತೀಯ ವಿಮಾನಯಾನ ಸಂಸ್ಥೆಗಳಿಗೆ ಪಾಕಿಸ್ತಾನದ ವಾಯುಪ್ರದೇಶವನ್ನು ಮುಚ್ಚುವುದರಿಂದ ಯುರೋಪ್, ಉತ್ತರ ಅಮೆರಿಕಾ ಮತ್ತು ಮಧ್ಯ ಏಷ್ಯಾಕ್ಕೆ ದೀರ್ಘ ವಿಮಾನ ಮಾರ್ಗಗಳು ಉಂಟಾಗಿವೆ, ಇಂಧನ ಬಳಕೆ ಮತ್ತು ಕಾರ್ಯಾಚರಣೆಯ ವೆಚ್ಚಗಳು ಹೆಚ್ಚುತ್ತಿವೆ.
• ಸುದೀರ್ಘ ಪ್ರಯಾಣದ ಪ್ರಯಾಣಿಕ ದರಗಳು ಗಣನೀಯವಾಗಿ ಹೆಚ್ಚಾಗಿದೆ, ಅಂತಾರಾಷ್ಟ್ರೀಯ ಬೇಡಿಕೆ ಕಡಿಮೆಯಾಗಿದೆ ಮತ್ತು ವಿಮಾನಯಾನ ಸಂಸ್ಥೆಗಳು ಹಲವು ಅಂತಾರಾಷ್ಟ್ರೀಯ ಮಾರ್ಗಗಳಲ್ಲಿ ಸೇವೆಗಳನ್ನು ಕಡಿಮೆ ಮಾಡಿವೆ ಅಥವಾ ಸ್ಥಗಿತಗೊಳಿಸಿವೆ.

*****