প্রধানমন্ত্রীগী লোইশঙ
প্রধান মন্ত্রীনা ম্যান্মারগী রাস্ত্রপতি য়ু মিন ওং হ্লাংগা ৱারী শাখ্রে
থাগৎখিবা:
01 JUN 2026 8:09PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ম্যান্মারগী রাস্ত্রপতি, য়ু মিন ওং হ্লাংগা লোয়ননা কান্নরবা ৱারী শানখ্রে।
প্রধান মন্ত্রীনা হায়খি মদুদি রাস্ত্রপতি য়ু মিন ওং হ্লাংনা রাস্ত্রপতি ওইনা মহাক্কী অহানবা মপান লমগী খোংচৎকীদমক ভারতপু খনখিবদা ভারতনা ইকায় খুম্নবা উৎলি। প্রধান মন্ত্রীনা ভগবান বুদ্ধগী য়াইফ-মঙ্গোলগা লোয়ননা বোধগয়াদগী রাস্ত্রপতিগী ভারতকী খোঙচৎ হৌরকপদা নুংঙাইবা ফোংদোকখি।
ৱারী শানবগী মনুংদা লুচিংবা অনিমক্না ভারত-ম্যান্মারগী মরীশিংগী মপুং ফাবা ফিভমশিং য়েংশিনখি অমসুং নাকল অনিগী ওইবা মতেং পীনবা মখা তানা মপাঙ্গল কনখৎহন্নবগী লম্বীশিং খন্নখি।
ৱারী শানবদা ললোন-ইতিক, রিয়র আর্থশিং, হকশেল, কনেক্তিবিতী, হেরিতেজ রিস্তোরেসন অমসুং কেপাসিতী বিল্দিংদা তেংবাং পীনবা হেনগৎহন্নবগী লম্বীশিং খন্নখি। নাকল অনিমক্না মেরিতাইম সেক্যুরিতী, সাইবর সেক্যুরিতী অমসুং ম্যুচ্যুএল ইন্তরেস্তকী অতোপ্পা সেক্তরশিংদা নক্না থবক তৌমিন্ননবা য়ানখি।
প্রধান মন্ত্রীনা হায়খি মদুদি ম্যান্মার অসি ভারতকী "নেবরহুদ ফর্স্ত", "এক্ত ইস্ত" অমসুং ইন্দো-পেসিফিক পোলিসীশিংদা মরু ওই। মহাক্না ম্যান্মারগা লৈনরিবা মরীদা ভারতনা মরুওইবা পীরি হায়না অমুক হন্না ফোংদোকখি।
প্রধান মন্ত্রীনা এক্সতা ইখি;
“ম্যান্মারগী রাস্ত্রপতি য়ু মিন ওং হ্লাংগা লোয়ননা কান্নরবা মীফম অমা পাংথোকখি। রাস্ত্রপতি ওইনা মহাক্কী অহানবা মপান লমগী খোঙচৎকীদমক মহাক্না ভারতপু খনখিবদা ভারত্তা লৈরিবা ঐখোয়না ইকায় খুম্নবা উৎলি । ভগবান বুদ্ধগী য়াইফ-মঙ্গোলগা লোয়ননা মহাক্না বোধ গয়াদগী খোঙচৎ হৌরকখিবা অসিসু নুংঙাইবা অমনি। ঐখোয়না ভারত-ম্যান্মারগী মরীশিং মপুং ফানা য়েংশিনখি। ভারতকী "নেবরহুদ ফর্স্ত", "এক্ত ইস্ত" অমসুং ইন্দো-পেসিফিককী পোলিসীশিংদা ম্যান্মার অসি য়াম্না মরু ওই।”
“ঐখোয়গী ৱারী-ৱাতাইশিং অসিদা ললোন-ইতিক, রিয়র আর্থশিং, হকশেল, কনেক্তিবিতী, হেরিতেজ রিস্তোরেসন অমসুং কেপাসিতী বিল্দিংদা তেংবাং পীনবা হেনগৎহন্নবা পাম্বৈশিং খন্নখি। ঐখোয়না মেরিতাইম সেক্যুরিতী, সাইবর সেক্যুরিতী অমসুং অতোপ্পা হিরমশিংদা নক্না থবক তৌমিন্ননবা য়ানখি।”
******
(রিলিজ আই.দি.: 2267873)
ভিজিতর কাউন্তর : 4
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam