قومی شاہراہ کے آپریشنل اثاثوں سے قیمت حاصل کرنے کے مقصد کے ساتھ، نیشنل ہائی ویز اتھارٹی آف انڈیا (این ایچ اے آئی ) نے مالی سال 2026-27 کے دوران منیٹائزیشن کے لیے تجویز کردہ قومی شاہراہ کے حصوں کی ایک عارضی فہرست کو حتمی شکل دی ہے۔ یہ فہرست ٹول-آپریٹ-ٹرانسفر اور انفراسٹرکچر انویسٹمنٹ ٹرسٹ طریقوں کے تحت منیٹائزیشن کے لیے تیار کی گئی ہے۔ تاہم، اس فہرست میں مالی سال 2026-27 کے لیے ہائی وے انفرا انویسٹمنٹ ٹرسٹ کے ذریعے منیٹائز کیے جانے کے لیے تجویز کردہ اثاثے شامل نہیں ہیں۔

یہ اقدام حکومت ہند کی ’اثاثہ منیٹائزیشن حکمت عملی‘ کا حصہ ہے۔ اس حکمت عملی کا بنیادی مقصد آپریشنل نیشنل ہائی وے کے اثاثوں سے فائدہ اٹھانا ہے تاکہ مستقبل کے بنیادی ڈھانچے کی ترقی کے لیے سرمایہ کو متحرک کیا جا سکے، نجی شعبے کی شراکت کو فروغ دیا جا سکے اور قومی شاہراہوں کے نیٹ ورک کی توسیع اور جدید کاری کو تیز کیا جا سکے۔ اس سے سرمایہ کاروں/بولی دہندگان کو اپنی سرمایہ کاری کی زیادہ مؤثر طریقے سے منصوبہ بندی کرنے میں مدد ملے گی۔

ان شناخت شدہ قومی شاہراہوں کے اثاثوں کی کل لمبائی 1692.5 کلومیٹر ہے، جس میں نو ریاستوں—ہریانہ، جھارکھنڈ، کرناٹک، راجستھان، تمل ناڈو، تلنگانہ، اتر پردیش، بہار، اور مہاراشٹر کے مختلف حصوں کا احاطہ کیا گیا ہے۔ ہائی وے کے یہ اثاثے اجتماعی طور پر اقتصادی اور لاجسٹک راہداریوں کی نمائندگی کرتے ہیں جن میں ٹریفک کی نمایاں صلاحیت ہے اور یہ رابطے کے نقطہ نظر سے اہم ہیں۔ ان 17 پروجیکٹوں کی فہرست این ایچ اے آئی  کی ویب سائٹ پر اس لنک پر دستیاب ہے: https://nhai.gov.in/nhai/sites/default/files/mix_file/Tentative_list_of_assets_for_monetization_in_FY-2026-27.pdf

منیٹائزیشن کا یہ عمل ٹی او ٹی  اور آئی این وی آئی ٹی  فریم ورک کے تحت شفاف اور منظم طریقہ کار کے ذریعے مکمل کیا جائے گا۔ یہ فریم ورک قومی شاہراہ کے بنیادی ڈھانچے کی توسیع کے لیے طویل مدتی ادارہ جاتی سرمایہ کاری کو راغب کرنے کے لیے کامیاب ماڈل ثابت ہوئے ہیں۔ یہ فریم ورک، پائیدار انفراسٹرکچر کی ترقی کے لیے جدید فنانسنگ میکانزم کو اپناتے ہوئے، موثر اثاثہ جات کے انتظام اور آپریشنل فضیلت کو بھی یقینی بناتے ہیں۔

ش ح ۔ ال ۔ ع ر

UR-7656