ਮੈਡੀਕਲ ਇਨੋਵੇਸ਼ਨ ਪੇਟੈਂਟ ਮਿੱਤਰਾ, ਸਵਦੇਸ਼ੀ ਬਾਇਓਮੈਡੀਕਲ ਖੋਜ ਨੂੰ ਪ੍ਰਯੋਗਸ਼ਾਲਾਵਾਂ ਤੋਂ ਲੋਕਾਂ ਤੱਕ ਪਹੁੰਚਾਉਣ ਦੀ ਪ੍ਰਕਿਰਿਆ ਨੂੰ ਤੇਜ਼ ਕਰਦਾ ਹੈ: ਡਾ. ਰਾਜੀਵ ਬਹਿਲ, ਡਾਇਰੈਕਟਰ ਜਨਰਲ, ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ

ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਦੇ ਸਿਹਤ ਖੋਜ ਵਿਭਾਗ, ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ (ਆਈਸੀਐੱਮਆਰ) ਨੇ ਅੱਜ ਨਵੀਂ ਦਿੱਲੀ ਦੇ ਮਾਨੇਕਸ਼ੌਅ ਸੈਂਟਰ ਵਿਖੇ ਭਾਰਤ ਦੇ ਸਭ ਤੋਂ ਵੱਡੇ ਬਾਇਓਮੈਡੀਕਲ ਅਤੇ ਤਕਨਾਲੋਜੀ ਟ੍ਰਾਂਸਫਰ ਸਹੂਲਤ ਪ੍ਰੋਗਰਾਮ "ਮੈਡੀਕਲ ਇਨੋਵੇਸ਼ਨ ਪੇਟੈਂਟ ਮਿੱਤਰਾ: ਇਨੋਵੇਟਰਜ਼-ਟੂ-ਇੰਡਸਟਰੀ ਕਨੈਕਟ" ਦਾ ਆਯੋਜਨ ਕੀਤਾ।

ਇਸ ਮੌਕੇ 'ਤੇ ਬਾਇਓਮੈਡੀਕਲ ਨਵੀਨਤਾ ਅਤੇ ਤਕਨਾਲੋਜੀ ਟ੍ਰਾਂਸਫਰ ਨੂੰ ਸਮਰਪਿਤ ਦੇਸ਼ ਦੇ ਪਹਿਲੇ ਢਾਂਚਾਗਤ ਪਲੈਟਫਾਰਮ, ਆਈਸੀਐੱਮਆਰ ਮੈਡੀਕਲ ਇਨੋਵੇਸ਼ਨ ਪੇਟੈਂਟ ਮਿੱਤਰਾ ਪਹਿਲਕਦਮੀ ਦੀ ਸ਼ੁਰੂਆਤ ਵੀ ਕੀਤੀ ਗਈ। ਇਸ ਪਹਿਲਕਦਮੀ ਦਾ ਉਦੇਸ਼ ਮਜ਼ਬੂਤ ਉਦਯੋਗਿਕ ਭਾਈਵਾਲੀ ਰਾਹੀਂ ਸਵਦੇਸ਼ੀ ਬਾਇਓਮੈਡੀਕਲ ਖੋਜ ਨੂੰ ਪਹੁੰਚਯੋਗ, ਅਸਲ-ਸੰਸਾਰ ਸਿਹਤ ਸੰਭਾਲ ਸਮਾਧਾਨਾਂ ਵਿੱਚ ਅਨੁਵਾਦ ਕਰਨਾ ਹੈ।

ਆਯੂਸ਼ ਮੰਤਰਾਲੇ ਦੇ ਕੇਂਦਰੀ ਰਾਜ ਮੰਤਰੀ (ਸੁਤੰਤਰ ਚਾਰਜ) ਅਤੇ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਦੇ ਰਾਜ ਮੰਤਰੀ ਸ਼੍ਰੀ ਪ੍ਰਤਾਪਰਾਓ ਗਣਪਤਰਾਓ ਜਾਧਵ ਨੇ ਇਸ ਸਮਾਗਮ ਦਾ ਉਦਘਾਟਨ ਕੀਤਾ। ਇਸ ਮੌਕੇ ਨੀਤੀ ਆਯੋਗ ਦੇ ਮੈਂਬਰ ਪ੍ਰੋਫੈਸਰ ਗੋਬਰਧਨ ਦਾਸ ਵੀ ਮੌਜੂਦ ਸਨ।

ਰਾਜ ਮੰਤਰੀ ਸ਼੍ਰੀ ਜਾਧਵ ਨੇ ਕਿਹਾ ਕਿ ਇਹ ਪਹਿਲ ਭਾਰਤੀ ਵਿਗਿਆਨ ਨੂੰ ਉਦਯੋਗ ਨਾਲ ਜੋੜਨ ਵੱਲ ਇੱਕ ਫੈਸਲਾਕੁੰਨ ਕਦਮ ਹੈ, ਇਹ ਯਕੀਨੀ ਬਣਾਉਣਾ ਕਿ ਸਾਡੀਆਂ ਪ੍ਰਯੋਗਸ਼ਾਲਾਵਾਂ ਵਿੱਚ ਵਿਕਸਿਤ ਨਵੀਨਤਾਵਾਂ ਨੂੰ ਅਜਿਹੀਆਂ ਤਕਨਾਲੋਜੀਆਂ ਵਿੱਚ ਬਦਲਿਆ ਜਾਵੇ ਜੋ ਜਨਤਕ ਸਿਹਤ ਨੂੰ ਮਜ਼ਬੂਤ ਕਰਦੀਆਂ ਹਨ ਅਤੇ ਇੱਕ ਵਿਕਸਿਤ ਭਾਰਤ ਨੂੰ ਅੱਗੇ ਵਧਾਉਂਦੀਆਂ ਹਨ। ਭਾਰਤ ਸਿਹਤ ਤਕਨਾਲੋਜੀਆਂ ਦਾ ਖਪਤਕਾਰ ਬਣਨ ਤੋਂ ਕਿਫਾਇਤੀ ਅਤੇ ਨਵੀਨਤਾਕਾਰੀ ਸਿਹਤ ਹੱਲਾਂ ਦਾ ਇੱਕ ਵਿਸ਼ਵਵਿਆਪੀ ਸਰੋਤ ਬਣਨ ਵੱਲ ਵਧ ਰਿਹਾ ਹੈ। ਇਸ ਵਿੱਚ ਆਈਸੀਐੱਮਆਰ ਅਤੇ ਉਦਯੋਗ ਵਰਗੀਆਂ ਸੰਸਥਾਵਾਂ ਵਿਚਕਾਰ ਮਜ਼ਬੂਤ ਭਾਈਵਾਲੀ ਸ਼ਾਮਲ ਹੈ।

ਨੀਤੀ ਆਯੋਗ ਦੇ ਮੈਂਬਰ ਡਾ. ਗੋਬਰਧਨ ਦਾਸ ਨੇ ਕਿਹਾ ਕਿ ਭਾਰਤ ਕੋਲ ਸਿਹਤ ਤਕਨਾਲੋਜੀਆਂ ਵਿੱਚ ਇੱਕ ਵਿਸ਼ਵਵਿਆਪੀ ਨੇਤਾ ਵਜੋਂ ਉੱਭਰਨ ਲਈ ਵਿਗਿਆਨਕ ਸਮਰੱਥਾਵਾਂ ਅਤੇ ਨਵੀਨਤਾ ਈਕੋਸਿਸਟਮ ਹੈ। ਮੈਡੀਕਲ ਇਨੋਵੇਸ਼ਨ ਪੇਟੈਂਟ ਮਿੱਤਰਾ ਬੌਧਿਕ ਸੰਪੱਤੀ ਦੀ ਰੱਖਿਆ, ਤਕਨਾਲੋਜੀ ਟ੍ਰਾਂਸਫਰ ਨੂੰ ਸਮਰੱਥ ਬਣਾਉਣ ਅਤੇ ਪ੍ਰਯੋਗਸ਼ਾਲਾਵਾਂ ਤੋਂ ਸਮਾਜ ਤੱਕ ਸਵਦੇਸ਼ੀ ਨਵੀਨਤਾਵਾਂ ਨੂੰ ਲੈ ਜਾਣ ਵਿੱਚ ਮੁੱਖ ਭੂਮਿਕਾ ਨਿਭਾਏਗਾ।

ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ (ਆਈਸੀਐੱਮਆਰ) ਦੇ ਡਾਇਰੈਕਟਰ ਜਨਰਲ ਅਤੇ ਸਿਹਤ ਖੋਜ ਵਿਭਾਗ ਦੇ ਸਕੱਤਰ ਡਾ. ਰਾਜੀਵ ਬਹਿਲ ਨੇ ਕਿਹਾ, “ਮੈਡੀਕਲ ਇਨੋਵੇਸ਼ਨ ਪੇਟੈਂਟ ਮਿੱਤਰਾ ਆਈਸੀਐੱਮਆਰ ਦੀ ਅਤਿ-ਆਧੁਨਿਕ ਖੋਜ ਨੂੰ ਪ੍ਰਯੋਗਸ਼ਾਲਾਵਾਂ ਤੋਂ ਪਰੇ ਲੈ ਜਾਣ ਅਤੇ ਉਦਯੋਗਿਕ ਭਾਈਵਾਲੀ ਅਤੇ ਪ੍ਰਭਾਵਸ਼ਾਲੀ ਤਕਨਾਲੋਜੀ ਟ੍ਰਾਂਸਫਰ ਰਾਹੀਂ ਲੋਕਾਂ ਤੱਕ ਪਹੁੰਚਣ ਦੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ।

ਇਸ ਸਮਾਗਮ ਦੌਰਾਨ, 'ਇੰਡੀਅਨ ਬਾਇਓਮੈਡੀਕਲ ਪੇਟੈਂਟ ਲੈਂਡਸਕੇਪ ਰਿਪੋਰਟ' ਅਤੇ 'ਟੈਕਨੋਲੌਜੀ ਕੰਪੈਂਡੀਅਮ' ਵੀ ਜਾਰੀ ਕੀਤੇ ਗਏ। ਇਹ ਦੇਸ਼ ਦੇ ਬਾਇਓਮੈਡੀਕਲ ਨਵੀਨਤਾ, ਬੌਧਿਕ ਸੰਪਤੀ ਅਤੇ ਤਕਨਾਲੋਜੀ ਟ੍ਰਾਂਸਫਰ ਈਕੋਸਿਸਟਮ ਨੂੰ ਮਜ਼ਬੂਤ ਕਰਨ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ।

ਪ੍ਰੋਗਰਾਮ ਦਾ ਇੱਕ ਮੁੱਖ ਆਕਰਸ਼ਣ ਆਈਸੀਐੱਮਆਰ ਸੰਸਥਾਵਾਂ ਅਤੇ ਨਵੀਨਤਾਕਾਰਾਂ ਤੋਂ 41 ਜਨਤਕ ਸਿਹਤ ਤਕਨਾਲੋਜੀਆਂ ਨੂੰ ਉਦਯੋਗ ਭਾਈਵਾਲਾਂ ਨੂੰ ਸੌਂਪਣਾ ਸੀ। ਇਹ ਉਨ੍ਹਾਂ ਦੇ ਵਿਕਾਸ, ਉਤਪਾਦਨ ਅਤੇ ਵਪਾਰੀਕਰਣ ਨੂੰ ਤੇਜ਼ ਕਰੇਗਾ। ਇਨ੍ਹਾਂ ਤਕਨਾਲੋਜੀਆਂ ਵਿੱਚ ਉੱਨਤ ਡਾਇਗਨੌਸਟਿਕਸ, ਟੀਕੇ, ਮੈਡੀਕਲ ਉਪਕਰਣ ਅਤੇ ਬਾਇਓਮੈਡੀਕਲ ਹੱਲ ਸ਼ਾਮਲ ਹਨ ਜੋ ਮਹੱਤਵਪੂਰਨ ਜਨਤਕ ਸਿਹਤ ਤਰਜੀਹਾਂ ਨੂੰ ਸੰਬੋਧਿਤ ਕਰਦੇ ਹਨ। ਟ੍ਰਾਂਸਫਰ ਕੀਤੀਆਂ ਤਕਨਾਲੋਜੀਆਂ ਵਿੱਚ ਟਾਈਫਾਈਡ ਅਤੇ ਪੈਰਾਟਾਈਫਾਈਡ ਲਈ ਗਲਾਈਕੋਕਨਜੁਗੇਟ ਅਤੇ ਰੀਕੌਂਬੀਨੈਂਟ ਟੀਕੇ, ਨਾਲ ਹੀ ਜਪਾਨੀ ਇਨਸੇਫਲਾਈਟਿਸ, ਟੀਬੀ ਅਤੇ ਚੇਚਕ ਵਰਗੀਆਂ ਬਿਮਾਰੀਆਂ ਲਈ ਡਾਇਗਨੌਸਟਿਕ ਤਕਨਾਲੋਜੀਆਂ ਸ਼ਾਮਲ ਹਨ।

ਇਸ ਸਮਾਗਮ ਦੌਰਾਨ, ਬਾਇਓਮਟੀਰੀਅਲ, ਜਿਸ ਵਿੱਚ ਇਨਐਕਟੀਵੇਟਿਡ ਕੇਐੱਫਡੀ ਅਤੇ ਚਾਂਦੀਪੁਰਾ ਵਾਇਰਸ ਸ਼ਾਮਲ ਹਨ, ਨੂੰ ਉਦਯੋਗ ਭਾਈਵਾਲਾਂ ਨੂੰ ਸੌਂਪਿਆ ਗਿਆ। ਇਹ ਦੇਸ਼ ਦੇ ਬਾਇਓਮੈਡੀਕਲ ਖੋਜ ਅਤੇ ਨਿਰਮਾਣ ਈਕੋਸਿਸਟਮ ਨੂੰ ਮਜ਼ਬੂਤ ਕਰੇਗਾ। ਇਸ ਸਮਾਗਮ ਵਿੱਚ ਆਈਸੀਐੱਮਆਰ ਸੰਸਥਾਵਾਂ, ਖੋਜਕਰਤਾਵਾਂ ਅਤੇ ਸਟਾਰਟਅੱਪਸ ਦੁਆਰਾ ਵਿਕਸਿਤ ਕੀਤੇ ਗਏ ਡਾਇਗਨੌਸਟਿਕਸ, ਥੈਰੇਪੀਉਟਿਕਸ ਅਤੇ ਮੈਡੀਕਲ ਡਿਵਾਈਸਾਂ ਵਿੱਚ 100 ਤੋਂ ਵੱਧ ਤਕਨਾਲੋਜੀਆਂ ਦਾ ਪ੍ਰਦਰਸ਼ਨ ਕੀਤਾ ਗਿਆ ਅਤੇ ਨਵੀਨਤਾਕਾਰਾਂ ਅਤੇ ਉਦਯੋਗ ਦੇ ਹਿੱਸੇਦਾਰਾਂ ਵਿਚਕਾਰ ਸਿੱਧੇ ਆਪਸੀ ਤਾਲਮੇਲ ਦੀ ਸਹੂਲਤ ਦਿੱਤੀ ਗਈ।

"ਇਨੋਵੇਟਰਜ਼-ਟੂ-ਇੰਡਸਟਰੀ ਕਨੈਕਟ" ਪਹਿਲਕਦਮੀ ਮਜ਼ਬੂਤ ਜਨਤਕ-ਨਿਜੀ ਭਾਈਵਾਲੀ ਦੇ ਨਾਲ ਵਿਕਸਿਤ ਭਾਰਤ 2047 ਲਈ ਭਾਰਤ ਦੇ ਬਾਇਓਮੈਡੀਕਲ ਸੈਕਟਰ ਨੂੰ ਮਜ਼ਬੂਤ ਕਰਨ ਵਿੱਚ ਮੁੱਖ ਭੂਮਿਕਾ ਨਿਭਾਏਗੀ।

************

ਐੱਸਆਰ/ਜੀਐੱਸ/ਬਲਜੀਤ ਸਿੰਘ