భారత వైమానిక దళం (ఐఏఎఫ్‌) సాంకేతిక విభాగం (అధికారి కేడర్‌)లో ఉద్యోగాల భర్తీకి నూతన విధానాన్ని ప్రవేశపెట్టింది. దీని ప్రకారం అర్హులైన అభ్యర్థులు గేట్‌ స్కోర్‌ ఆధారంగా దరఖాస్తు చేసుకోవచ్చు.

ఈ నూతన విధానం ద్వారా చెల్లుబాటయ్యే గేట్‌ స్కోరు ఉన్న అభ్యర్థులు ఎయిర్ ఫోర్స్ సెలక్షన్ బోర్డ్స్ (ఏఎఫ్‌ఎస్‌బీలు) వద్ద జరిగే పరీక్షలకు నేరుగా ఎంపిక చేసేందుకు అర్హులు. మెరిట్ ఆధారంగా ఎంపిక జరుగుతుంది. దీనివల్ల ఈ అభ్యర్థులకు ఎయిర్ ఫోర్స్ కామన్ అడ్మిషన్ టెస్ట్ (ఏఎఫ్‌సీఏటీ) వంటి ప్రాథమిక రాత పరీక్ష నుంచి మినహాయింపు లభిస్తుంది. గేట్‌ స్కోరు విధానం కేవలం సాంకేతిక విభాగంలో ప్రవేశానికి మాత్రమే వర్తిస్తుంది. ఐఏఎఫ్‌లోని సాంకేతిక విభాగంతో సహా అన్ని విభాగాల్లో నియామకాలకు ఏఎఫ్‌సీఏటీ ప్రామాణిక ప్రవేశ పరీక్షగా కొనసాగుతుంది.

గేట్‌ స్కోర్ విధానానికి సంబంధించిన ప్రాథమిక విద్యార్హతలు, ఏఎఫ్‌సీఏటీ ద్వారా సాంకేతిక విభాగంలో చేరటానికి ప్రస్తుతమున్న అర్హత ప్రమాణాల తరహాలోనే ఉంటాయి. దీనికి అర్హత కలిగిన గేట్‌ సబ్జెక్టుల పూర్తి జాబితాను ఐఏఎఫ్‌, ఏఎఫ్‌సీఏటీ నోటిఫికేషన్ 02, 2026లో అధికారికంగా ప్రకటించింది. ఈ వివరాలను https:\\www.afcat.edcil.co.in, www.careeriaf.gov.in. వెబ్‌సైట్లలో చూడవచ్చు. అభ్యర్థులకు అధిక సౌలభ్యం, మెరుగైన అవకాశాలను కల్పించేందుకు అర్హులైన అభ్యర్థుల ఆసక్తిని బట్టి ఏఎఫ్‌సీఏటీ, గేట్‌ స్కోర్ విధానాలు.. రెండింటి ద్వారా సాంకేతిక విభాగానికి దరఖాస్తు చేసుకోవచ్చు.

ఐఏఎఫ్‌లో అధికారుల ప్రవేశ పథకాలకు సంబంధించిన తాజా సమాచారం కోసం, ఆసక్తిగల అభ్యర్థులు దిశ భారత వైమానిక దళ అధికారిక సోషల్ మీడియా ఖాతాలైన @careeriniaf (ఇన్‌స్టాగ్రామ్‌, ఎక్స్‌), భారత వైమానిక దళ @DISHA (ఫేస్‌బుక్‌, యూట్యూబ్‌, లింక్డ్‌ఇన్‌)ను అనుసరించగలరు.

***