تقریباً 25 کروڑ سال پہلے قدیم 'گونڈوانا' کے جنگلات میں لگنے والی شدید ترین آگ کے مالیکیولر (سالماتی) شواہد دریافت ہوئے ہیں، جس نے زمین کی آب و ہوا، نباتات اور کوئلہ بننے کے ماحول کو شکل دی تھی۔

ہندوستان کے 'پرمیان' دور کی تلچھٹ میں بڑے چارکول پر مبنی قدیم آگ  کی تحقیقات نے وسیع پیمانے پر قدیم دور میں آگ لگنے کی سرگرمیوں کے پہلے ٹھوس شواہد فراہم کیے ہیں۔ ان نتائج کی بنیاد پر، محققین نے پرمیان دور کی تلچھٹ کے سلسلوں کے اندر مائیکرو چارکول کے ذرات کی مختلف اقسام کے درمیان فرق کی شناخت کرنا شروع کر دی ہے، جس سے مزید تفصیلی اور اعلیٰ درجے کی آگ کی تشکیلِ نو کے امکانات واضح ہو گئے ہیں۔

تاہم، یہ بات نوٹ کی گئی کہ قدیم آگ کی تحقیق میں مالیکیولر طریقوں کی کمی ایک بڑا چیلنج تھی، خاص طور پر مائیکرو چارکول ذرات کی مختلف اقسام بالخصوص او ایکس-سی ایچ (آکسیڈائزڈ اوپیک فائٹوکلاسٹس) اور پی اے ایل- سی ایچ (آگ کی وجہ سے بننے والے اوپیک فائٹوکلاسٹس) کے درمیان فرق کرنا مشکل تھا۔ پچھلی تحقیقوں میں زیادہ تر انحصار مائیکرواسکوپک مشاہدات پر کیا گیا تھا، جو کہ معلومات فراہم کرنے کے باوجود، چارکول کے ذرات کی اصل اور نوعیت کی تشریح میں کافی ابہام پیدا کرتے تھے۔

اس خلا کو محسوس کرتے ہوئے، سائنس اور ٹیکنالوجی  کے محکمے (ڈی ایس ٹی) کے ایک خود مختار ادارے، 'بیربل ساہنی انسٹی ٹیوٹ آف پیلیوسائنسز' (بی ایس آئی پی) کے محققین نے ایک نیا ملٹی پراکسی طریقہ کار استعمال کیا۔ انہوں نے 'پالینوفیسس تجزیہ'  (چٹانوں میں محفوظ باریک نامیاتی مادے کا مطالعہ) نامی تکنیک کو رمن اسپیکٹرواسکوپی اور فوریئر ٹرانسفارم انفرا ریڈ (ایف ٹی آئی آر) اسپیکٹرواسکوپی جیسے جدید مالیکیولر طریقوں کے ساتھ یکجا کیا، تاکہ ہندوستان کی گوداوری ویلی کول فیلڈ کے گونڈوانا کوئلہ دار تلچھٹ سے پرمیان دور کی قدیم آگ کے واقعات کی تشکیلِ نو کی جا سکے۔

تصویر: گرافیکل خلاصہ رمن اور ایف ٹی آئی آر اسپیکٹرواسکوپی کا استعمال کرتے ہوئے گوداوری ویلی کول فیلڈ میں پرمیان پیلیو فائر کی سرگرمی کو سمجھنے کے لئے ایک مربوط پیلینولوجیکل اور سالماتی نقطہ نظر کی وضاحت کرتا ہے

خوردبینی اور مالیکیولر پیمانے کے مشاہدات کو یکجا کرکے، نیہا اگروال، شیوالی سریواستو اور رنسی پال میتھیوز پر مشتمل ٹیم نے پیلیو فائر کے باقیات کی بصری شناخت اور ان کی جیو کیمیکل خصوصیات کے درمیان ایک اہم فرق کو ختم کیا۔ کام کا بنیادی نتیجہ ہائی انٹینسٹیٹی (ایچ-پی اے ایل-سی ایچ) اور کم شدت (آئی-پی اے ایل-سی ایچ) پیلیو فائر سے ماخوذ مائیکرو چارکول ذرات کے درمیان شناخت اور فرق ہے جو ان کی مورفولوجیکل خصوصیات، تحفظ کی حالت اور نظری خصوصیات پر انحصار کرتے ہیں۔

ان نتائج کو جلن کے مالیکیولر دستخطوں سے بھی مدد ملی جیسے کہ اچھی طرح سے تیار شدہ سیکنڈ آرڈر رمن اسپیکٹرل خصوصیات کا وجود جو کاربوناسیئس مواد میں ساختی ترتیب (پولی ارومیٹک ہائیڈرو کاربن: پی اے ایچ) اور تھرمل تبدیلی کے راستوں کے تشخیصی ایف ٹی آئی آر فنکشنل گروپس کا ثبوت ہے۔ پالینولوجیکل ڈیٹا اور اسپیکٹرواسکوپک دستخطوں کا امتزاج آگ سے پیدا ہونے والے نامیاتی مادے کی مضبوط اور زیادہ درست شناخت میں سہولت فراہم کرتا ہے اور پرمیان دور کے دوران جنگل کی آگ کی قدیم نظام کی سمجھ میں اضافہ کرتا ہے۔

'جیولوجیکل جرنل (وائلی)' میں شائع ہونے والی یہ تحقیق گونڈوانا طاس  کے قدیم ماحول کی تشکیلِ نو کر کے طویل مدتی آب و ہوا کی تبدیلی کے زیادہ درست ماڈل تیار کرنے میں مدد کر سکتی ہے اور یہ ماحول میں مستقبل میں ہونے والی تبدیلیوں اور قدیم جنگلاتی آگ  جیسے شدید واقعات کے تئیں ماحولیاتی نظام  کے رویے کی پیشن گوئی کرنے میں اہم ثابت ہو سکتی ہے، جو بدلتی ہوئی آب و ہوا میں تیزی سے اہم ہوتے جا رہے ہیں۔

اشاعت کا لنک: https://doi.org/10.1002/gj.70295

۔۔۔۔۔۔۔۔۔۔۔

ش ح۔ا ک۔ن م۔

U-7511                         

(ریلیز آئی ڈی: 2265025) وزیٹر کاؤنٹر : 8