وزیر اعظم جناب نریندر مودی نے آج ورچووَل طریقے سے 19ویں روزگار میلے سے خطاب کیا اور ویڈیو کانفرنسنگ کے ذریعے ملک بھر میں نئے بھرتی ہونے والے 51,000 سے زیادہ تقرری خطوط تقسیم کئے۔ ملک بھر میں 47 مقامات پر بیک وقت منعقد کیا گیا، روزگار میلہ حکومت ہند کی ایک اہم پہل کے طور پر کام کر رہا ہے جس کا مقصد روزگار پیدا کرنے میں تیزی لانا اور شہریوں پر مرکوز حکمرانی کو مضبوط کرنا ہے۔ نومقرر کردہ امیدواروں نے اہم وزارتوں اور محکموں میں شمولیت اختیار کی جن میں ریلوے، اسرو، وزارت داخلہ، صحت اور خاندانی بہبود کی وزارت، مالیاتی خدمات کا محکمہ، اور محکمہ اعلیٰ تعلیم شامل ہیں۔ 19ویں روزگار میلے کے تحت 50 فیصد سے زیادہ تقرریاں بھارتی ریلوے کے توسیع پذیر شعبوں کے لیے وقف تھیں۔

نو مقرر کردہ نوجوانوں سے خطاب کرتے ہوئے وزیراعظم نے انہیں اور ان کے اہل خانہ کو مبارکباد دی اور اس موقع کو ہزاروں گھرانوں کی زندگیوں میں ایک اہم سنگ میل قرار دیا۔ انہوں نے تبصرہ کیا کہ نئے بھرتی ہونے والے نوجوان ملک کی ترقی کے سفر میں ذمہ دار اور اہم شراکت دار بن رہے ہیں اور 2047 تک ’وکست بھارت‘ کے وژن کو عملی جامہ پہنانے میں اہم کردار ادا کریں گے۔ کلی طور پر وقف عوامی خدمت کی اہمیت پر زور دیتے ہوئے، وزیر اعظم نے تقرریوں کو یاد دلایا کہ سرکاری ملازمت کو محض ایک عہدے کے طور پر نہیں بلکہ شہریوں کی زندگیوں کو آسان بنانے اور قومی ترقی میں بامعنی کردار ادا کرنے کے ایک موقع کے طور پر دیکھنا چاہیے۔ انہوں نے ان پر زور دیا کہ وہ "ناگرک دیو بھوا" کے رہنما اصول کو برقرار رکھیں، اس بات پر زور دیتے ہوئے کہ شہریوں کی فلاح و بہبود کو گورننس کے مرکز میں رہنا چاہیے۔

وزیر اعظم نے بھارت کی بڑھتی ہوئی عالمی حیثیت اور بھارتی نوجوانوں کی صلاحیتوں اور ملک کی تکنیکی ترقی میں بڑھتے ہوئے بین الاقوامی اعتماد کو مزید اجاگر کیا۔ نیدرلینڈ، سویڈن، ناروے، یو اے ای اور اٹلی کے اپنے حالیہ پانچ ممالک کے دورے کا حوالہ دیتے ہوئے، انہوں نے نوٹ کیا کہ عالمی رہنما اور کثیر القومی کارپوریشنز ہندوستان کی ترقی کی داستان میں شراکت دار بننے کے خواہشمند ہیں۔ انہوں نے مشاہدہ کیا کہ سیمی کنڈکٹرز جیسے ابھرتے ہوئے شعبوں میں ترقی سمیت ہر نئی سرمایہ کاری اور ٹکنالوجی شراکت داری ہندوستان کے نوجوانوں کے لیے خاطر خواہ مواقع پیدا کر رہی ہے اور ملک کے اختراعی ماحولیاتی نظام کو مضبوط کر رہی ہے۔

بھارت کی کاروباری رفتار کو اجاگر کرتے ہوئے، وزیر اعظم نے کہا کہ آج ملک میں 23.30 لاکھ سے زیادہ تسلیم شدہ اسٹارٹ اپس ہیں، جس میں زمرہ -2 اور زمرہ -3 کے شہروں میں جدت تیزی سے فروغ پا رہی ہے۔ انہوں نے خاص طور پر خواتین کاروباریوں کے تعاون کو سراہا اور مشاہدہ کیا کہ الیکٹرانکس مینوفیکچرنگ، کلین ٹیکنالوجیز، گرین ہائیڈروجن، اور انفراسٹرکچر کی ترقی میں سرمایہ کاری روزگار اور علاقائی اقتصادی ترقی کی نئی راہیں کھول رہی ہے۔ نئے بھرتی ہونے والے اہلکاروں کو اپنی صلاحیتوں کو مسلسل اپ گریڈ کرنے کی ترغیب دیتے ہوئے، انہوں نے ان پر زور دیا کہ وہ آئی جی او ٹی کرمایوگی جیسے پلیٹ فارم کا مؤثر طریقے سے استعمال کریں تاکہ گورننس کی ابھرتی ہوئی ضروریات کے مطابق ڈھال سکیں اور عوامی خدمات کی فراہمی میں بامعنی تعاون کریں۔

احمد آباد میں منعقدہ پروگرام میں نوجوانوں کے امور اور کھیل کود کی وزیر مملکت ، حکومت ہند، محترمہ  رکشا کھڈسے؛ حکومت گجرات میں آبی سپلائی، آبی وسائل، خوراک، شہری سپلائی، امورِ صارفین، مویشی پروری اور دیہی ہاؤسنگ کے وزیر جناب کنور بوالیہ؛ اور حکومت گجرات میں دیہی ترقی اور ہاؤسنگ کی وزیر مملکت محترمہ درشنا واگھیلا نے شرکت کی۔

اس تقریب میں مختلف اراکین پارلیمنٹ کی شرکت بھی ملاحظہ کی گئی، جن میں جناب نرہری امین (راجیہ سھا)، جناب دنیش مکوانا (لوک سبھا)، اور جناب ہس مکھ پٹیل (لوک سبھا) کے ساتھ ساتھ، گجرات کی قانون ساز اسمبلی کے اراکین خصوصاً محترمہ کنچن بین ردادیا، ڈاکٹر ہرشد بھائی پٹیل، جناب ہاردِک پٹیل، جناب بابو سنگھ جادَو، جناب کریت سنگھ دابھی، جناب کانو بھائی پٹیل، جناب الپیش ٹھاکر، جناب بابو بھائی پٹیل، جناب کوشک بھائی جین، جناب دنیش سنگھ کشواہ، جناب امول بھٹ، جناب جگدیش وشوکرما، جناب امت شاہ، جناب جتیندر کمار پٹیل، اور جناب امت ٹھاکر شامل بھی تھے۔ احمد آباد ڈویژن کے ڈویژنل ریلوے منیجر (ڈی آر ایم) کے علاوہ سینئر انتظامی افسران بھی اس پروگرام کے دوران موجود تھے۔

نومنتخب امیدواروں کے ساتھ بات چیت کرتے ہوئے، محترمہ رکشا کھڈسے نے انہیں مبارکباد دی اور نئے بھرتی ہونے والے نوجوانوں کے لیے اپنی نیک خواہشات کا اظہار کیا۔ اس موقع پر اظہار خیال کرتے ہوئے، انہوں نے کہا کہ ہندوستان کے نوجوان ملک کی سب سے بڑی طاقت ہیں اور انہیں صحیح مواقع، ہنر اور پلیٹ فارم فراہم کرنا ان کی مکمل صلاحیتوں کو کھولنے کے لیے ضروری ہے۔ انہوں نے کہا کہ روزگار میلہ محض بھرتی کا اقدام نہیں ہے، بلکہ ہنر مند نوجوانوں کو بامعنی مواقع سے جوڑنے والا ایک اہم پلیٹ فارم ہے اور ہنر اور روزگار کے درمیان پل کو مضبوط کرتا ہے۔

محترمہ کھڈسے نے روزگار کے بدلتے ہوئے منظر نامے میں، خاص طور پر ابھرتے ہوئے اور تکنالوجی سے چلنے والے شعبوں میں مسلسل سیکھنے اور ہنر کی ترقی کی اہمیت پر مزید زور دیا۔ انہوں نے نئے تعینات ہونے والے امیدواروں کی حوصلہ افزائی کی کہ وہ اپنی ذمہ داریوں کو اعتماد، لگن اور عمدگی کے ساتھ انجام دیں، اور اس اعتماد کا اظہار کیا کہ عوامی خدمت میں ان کی شراکت وکست بھارت 2047 کے اجتماعی وژن کو مزید تقویت دے گی۔

اکتوبر 2022 میں اپنے آغاز کے بعد سے، روزگار میلہ پہل قدمی نے ملک بھر کے نوجوانوں کو لاکھوں تقرری ناموں کی تقسیم میں سہولت فراہم کی ہے، جس سے روزگار پیدا کرنے اور نوجوانوں کو بااختیار بنانے کے لیے حکومت کے عزم کی تصدیق ہوتی ہے۔ یہ 19 واں روزگار میلہ نوجوان خواہشمندوں کے لیے عوامی خدمت میں تعاون دینے اور بھارت کی ترقی کے سفر میں حصہ لینے کے مواقع کو بڑھانے کے لیے ایک اور اہم قدم ہے۔

**********

 (ش ح –ا ب ن)

U.No:7463