વહીવટી સુધારણા અને જાહેર ફરિયાદ વિભાગ (DARPG) દ્વારા રાજ્યો/કેન્દ્રશાસિત પ્રદેશો માટે એપ્રિલ, 2026 નો સેન્ટ્રલાઈઝ્ડ પબ્લિક ગ્રીવન્સ રિડ્રેસ એન્ડ મોનિટરિંગ સિસ્ટમ (CPGRAMS) નો 45મો માસિક અહેવાલ જાહેર કરાયો છે. ઉક્ત અહેવાલ જાહેર ફરિયાદોના પ્રકારો અને શ્રેણીઓ તેમજ રાજ્યો/કેન્દ્રશાસિત પ્રદેશો દ્વારા તેના નિકાલની પ્રકૃતિનું વિગતવાર વિશ્લેષણ પ્રદાન કરે છે.

એપ્રિલ, 2026 માં, રાજ્યો/કેન્દ્રશાસિત પ્રદેશો માટે 88,057 પીજી કેસ પ્રાપ્ત થયા હતા અને 77,445 પીજી કેસોનું નિવારણ કરવામાં આવ્યું હતું. ઉત્તર પ્રદેશે એપ્રિલ, 2026 માં 34,959 પીજી કેસો સાથે સૌથી વધુ નિકાલ નોંધાવ્યો છે, ત્યારબાદ ગુજરાત 5,829 પીજી કેસો સાથે બીજા ક્રમે છે. 30 એપ્રિલ, 2026 સુધીમાં, તમામ રાજ્યો અને કેન્દ્રશાસિત પ્રદેશોમાં CPGRAMS પોર્ટલ પર પીજી કેસોની કુલ પડતર સંખ્યા 2,11,701 છે. વધુમાં, 22 રાજ્યો/કેન્દ્રશાસિત પ્રદેશોમાં પ્રત્યેક પાસે 1,000 થી વધુ પડતર પીજી કેસ છે.

આ અહેવાલ એપ્રિલ, 2026 દરમિયાન CPGRAMS પોર્ટલ દ્વારા CPGRAMS પર નોંધાયેલા નવા વપરાશકર્તાઓ (યુઝર્સ) નો ડેટા પ્રદાન કરે છે. એપ્રિલ, 2026 માં વિવિધ માધ્યમો દ્વારા CPGRAMS પર કુલ 76,643 નવા વપરાશકર્તાઓએ નોંધણી કરાવી છે, જેમાંથી 13,379 નોંધણી ઉત્તર પ્રદેશમાંથી છે. ફીડબેક કોલ સેન્ટરે એપ્રિલ, 2026 માં કુલ 73,601 ફીડબેક એકત્રિત કર્યા હતા, જેમાં રાજ્યો/કેન્દ્રશાસિત પ્રદેશોમાંથી 30,621 ફીડબેક એકત્રિત કરવામાં આવ્યા હતા.

ઉક્ત અહેવાલ એપ્રિલ, 2026 માં કોમન સર્વિસ સેન્ટર્સ (CSCs) દ્વારા નોંધાયેલી ફરિયાદો પર રાજ્યવાર વિશ્લેષણ પણ પ્રદાન કરે છે. CPGRAMS ને કોમન સર્વિસ સેન્ટર (CSC) પોર્ટલ સાથે સંકલિત કરવામાં આવ્યું છે અને તે 5 લાખથી વધુ CSCs પર ઉપલબ્ધ છે, જે 2.5 લાખ વિલેજ લેવલ એન્ટરપ્રિન્યોર્સ (VLEs) સાથે સંકળાયેલું છે. એપ્રિલ, 2026 ના મહિનામાં કોમન સર્વિસ સેન્ટર્સ દ્વારા કુલ 8,001 ફરિયાદો નોંધવામાં આવી છે.

આ અહેવાલ સેવોત્તમ યોજના હેઠળ છેલ્લા પાંચ નાણાકીય વર્ષોમાં યોજાયેલા તાલીમ કાર્યક્રમોની કુલ સંખ્યા અને તાલીમ પામેલા અધિકારીઓની વિગતો પણ પ્રદાન કરે છે. નાણાકીય વર્ષ 2022-23 અને નાણાકીય વર્ષ 2026-27 વચ્ચે, કુલ 1,159 તાલીમ અભ્યાસક્રમો યોજવામાં આવ્યા હતા, જેમાં આશરે 38,270 અધિકારીઓને તાલીમ આપવામાં આવી હતી.

ક્રમ	નાણાકીય વર્ષ	યોજાયેલ તાલીમ	તાલીમ પામેલા અધિકારીઓ
1	2022-23	280	8,496
2	2023-24	236	8,477
3	2024-25	319	10,881
4	2025-26	313	10,033
5	2026-27 (30 એપ્રિલ સુધી)	11	383
કુલ	કુલ	1,159	38,270

એપ્રિલ, 2026 ના મહિના માટેની મુખ્ય લાક્ષણિકતાઓ નીચે મુજબ છે:

સામાન્ય લાક્ષણિકતાઓ

• રાજ્યો/કેન્દ્રશાસિત પ્રદેશોમાં પીજી કેસોની ઉચ્ચ સ્તરીય સમીક્ષાની સુવિધા માટે, 6 જૂન 2025 થી એક સમર્પિત રિવ્યૂ મોડ્યુલ કાર્યરત કરવામાં આવ્યું છે.
• સેવોત્તમ યોજના હેઠળ, છેલ્લા પાંચ નાણાકીય વર્ષોમાં (નાણાકીય વર્ષ 2022-23 થી નાણાકીય વર્ષ 2026-27), 1,159 તાલીમ અભ્યાસક્રમો પૂર્ણ કરવામાં આવ્યા છે, જેમાં આશરે 38,270 અધિકારીઓને તાલીમ આપવામાં આવી છે.
• ફીડબેક કોલ સેન્ટરે એપ્રિલ, 2026 માં કુલ 73,601 ફીડબેક એકત્રિત કર્યા હતા, જેમાં રાજ્યો/કેન્દ્રશાસિત પ્રદેશોમાંથી 30,621 ફીડબેક એકત્રિત કરવામાં આવ્યા હતા.

CPGRAMS પર જાહેર ફરિયાદોની સ્થિતિ

• એપ્રિલ, 2026 માં, રાજ્યો/કેન્દ્રશાસિત પ્રદેશો માટે 88,057 પીજી કેસ પ્રાપ્ત થયા હતા અને 77,445 પીજી કેસોનું નિવારણ કરવામાં આવ્યું હતું.
• ઉત્તર પ્રદેશે એપ્રિલ, 2026 માં 34,959 પીજી કેસો સાથે સૌથી વધુ નિકાલ નોંધાવ્યો છે, ત્યારબાદ ગુજરાત 5,829 પીજી કેસો સાથે બીજા ક્રમે છે.

CPGRAMS પર જાહેર ફરિયાદોની પડતર સ્થિતિ

• 30 એપ્રિલ, 2026 ના રોજ 22 રાજ્યો/કેન્દ્રશાસિત પ્રદેશોમાં 1000 થી વધુ ફરિયાદો પડતર છે.
• રાજ્યો/કેન્દ્રશાસિત પ્રદેશો માટે, 30 એપ્રિલ, 2026 ના રોજ 2,11,701 પીજી કેસોની પડતર સંખ્યા અસ્તિત્વમાં છે.

પીડીએફ (pdf) ફાઇલ માટે અહીં ક્લિક કરો:

IJ/DK/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(રીલીઝ આઈડી: 2264059) મુલાકાતી સંખ્યા : 22