નેશનલ એકાઉન્ટ્સ ડિવિઝન, નેશનલ સ્ટેટિસ્ટિક્સ ઓફિસ, આંકડા અને કાર્યક્રમ અમલીકરણ મંત્રાલય (MoSPI), ભારત સરકાર દ્વારા દર વર્ષે નેશનલ એકાઉન્ટ્સ ડિવિઝન (NAD) અને રાજ્યો/કેન્દ્રશાસિત પ્રદેશોના અર્થશાસ્ત્ર અને આંકડા નિયામક મંડળો (DESs) ના અધિકારીઓ વચ્ચે રાજ્ય સ્થાનિક ઉત્પાદન (SDP) ના અંદાજોના તુલનાત્મક અંદાજો પર વાર્ષિક સંયુક્ત ચર્ચા-વિચારણાનું આયોજન કરવામાં આવે છે. આ ચર્ચા-વિચારણાનો હેતુ રાજ્યો/કેન્દ્રશાસિત પ્રદેશો અને એનએડી (NAD), એનએસઓ (NSO) દ્વારા સ્વતંત્ર રીતે તૈયાર કરાયેલા એસડીપી (SDP) અંદાજોમાં રહેલા તફાવતોનું સમાધાન કરવાનો છે.

આ વર્ષે, એનએડી (NAD) અને વિવિધ રાજ્યો/કેન્દ્રશાસિત પ્રદેશોના ડીઈએસ (DESs) ના અધિકારીઓ વચ્ચેની સંયુક્ત ચર્ચા-વિચારણા 20 મે 2026 થી 19 જૂન 2026 દરમિયાન ખુર્શીદ લાલ ભવન, મોસ્પી (MoSPI), નવી દિલ્હી ખાતે યોજાનાર છે. આ કવાયત ચાર અઠવાડિયામાં અલગ-અલગ રીતે હાથ ધરવામાં આવશે, જેમાં દરેક અઠવાડિયે ત્રણ દિવસના સમયગાળા માટે રાજ્યો/કેન્દ્રશાસિત પ્રદેશોના એક જૂથને આવરી લેવામાં આવશે.

ચર્ચાનો પ્રથમ રાઉન્ડ 20 થી 22 મે 2026 દરમિયાન, બીજો રાઉન્ડ 03 થી 05 જૂન 2026 દરમિયાન, ત્રીજો રાઉન્ડ 10 થી 12 June 2026 દરમિયાન અને છેલ્લો અથવા ચોથો રાઉન્ડ 17 થી 19 જૂન 2026 દરમિયાન યોજાશે.

આ ચર્ચા-વિચારણા સુધારેલા આધાર વર્ષ 2022-23 ના આધારે વર્ષ 2022-23, 2023-24 અને 2024-25 માટે પ્રવર્તમાન ભાવો પર જીએસડીપી (GSDP) ના અંદાજો પર ધ્યાન કેન્દ્રિત કરશે. સેક્ટરલ ગ્રૂપો (ક્ષેત્રીય જૂથો) સંબંધિત રાજ્ય/કેન્દ્રશાસિત પ્રદેશના અધિકારીઓ સાથે નજીકના સંકલનમાં જીએસડીપી (GSDP) અંદાજોના સંકલન માટે અપનાવવામાં આવેલી સુધારેલી પદ્ધતિઓ અને ડેટા સ્ત્રોતો પર ચર્ચા-વિચારણા કરશે. સૂચિત સુધારાઓ પરના નિર્ણયોને અંતિમ સ્વરૂપ આપવા માટે સંબંધિત ડીઈએસ (DESs) ના વરિષ્ઠ અધિકારીઓ પણ સમાપન સત્રો દરમિયાન ભાગ લેશે.

આ ચર્ચા-વિચારણાઓમાંથી ઉદ્ભવતા તુલનાત્મક એસડીપી (SDP) અંદાજો રાષ્ટ્રીય નાણાકીય આયોજન માટે મહત્વપૂર્ણ ઇનપુટ્સ છે અને નાણાં પંચ (ફાઇનાન્સ કમિશન), ખર્ચ વિભાગ (DoE), નાણાં મંત્રાલય, કમ્પ્ટ્રોલર એન્ડ ઓડિટર જનરલ (CAG) અને અન્ય સંસ્થાઓ દ્વારા અનુક્રમે વ્યાપકપણે ઉપયોગમાં લેવાય છે.

IJ/DK/JD

(રીલીઝ આઈડી: 2262888) મુલાકાતી સંખ્યા : 13