প্রধান মন্ত্রী শ্রী নরেন্দ্র মোদীনা ঙসি নোরৱেগী প্রধান মন্ত্রী ঐচ.ই শ্রী জোনাস গার স্তোরগা লোয়ননা লৈবাক অনিগী ওইবা ৱারী শানখ্রে। ভারত অমসুং নোরৱেগী মরক্তা লৈনরিবা অচেৎপা মরীগী খুদম অমা ওইনা ঙসি অয়ুক ওস্লো এয়রপোর্ত্তা য়ৌরকপদা প্রধান মন্ত্রী স্তোরনা মহাকপু তরাম্না ওকখি।

লুচিংবশিংনা ভারত-নোরৱেগী মরীশিংগী মপুং ফাবা স্পেক্ত্রম, ললোন-ইতিক অমসুং ইনভেস্তমেন্ত, ভারত-ই.এফ.তি.এ. ত্রেদ অমসুং ইকোনোমিক পার্তনরশিপ এগ্রীমেন্ত (তি.ই.পি.এ.), ক্লাইমেৎ এক্সন অমসুং ইনর্জী ত্রান্সিসন, ব্লু ইকোনোমী অমসুং ওসিন গভর্নান্স, রিসর্চ অমসুং হায়র এজুকেসন, আর্কতিক অমসুং পোলর কোওপরেসন, স্পেস অমসুং তেলেন্ত মোবিলিতী য়াওনা য়েংশিনখি। মখোয়না সস্তেনেবিলিতী অমসুং গ্রীন গ্রোথকীদমক মখোয়গী মান্নবা ফিরেপ অদু পল্লদুনা গ্রীন স্ত্রেতেজিক পার্তনরশিপ অমদা মরী হেনগৎহন্নবা য়ানখি।

লুচিংবা অনিনা ইকোনোমিক অমসুং কম্মর্সিএল পার্তনরশিপ হেনগৎহন্নবগী অচৌবা পোতেন্সিএল লৈ হায়না য়ানখি। প্রধান মন্ত্রীনা ভারত্তা নোরৱেগী এন্তরপ্রাইজশিংনা ইনভেস্তমেন্ত হেন্না তৌবা অসিদা নুংঙাইবা ফোংদোকখি। লুচিংবা অনিনা ২০৩০ ফাওবদা ভারত অমসুং নোরৱেগী মরক্তা হৌজিক লৈরিবা ললোন-ইতিক্কী মমল শরুক অনি ওইহন্নবা পান্দম থম্লিবা অদু পনখি। অমসুং তি.ই.পি.এ.গী মখাদা দোল্লর বিল্লিয়ন ১০০গী ইনভেস্তমেন্তগী অচেৎপা ফিরেপ অমসুং ভারত্তা থবক মিলিয়ন অমা শেমগৎনবা সেক্তরশিংগী মরক্তা দাইনামিক তাই-অপকী মায়কৈদা থবক তৌনবা বিজিনেস মীহুৎশিংবু পুক্নিং থৌগৎখি।

লুচিংবশিংনা মখোয়গী তীমশিংদা মেরিন ইকোসিস্তেম ঙাক-শেনবা, শিপ বিল্দিং, গ্রীন শিপ্পিং, তনেলশিং অমসুং ইনফ্রাস্ত্রকচর, স্পেস, এ.আই., রোবোতিক্স, সাইবর সেক্যুরিতী, সিফেয়র ত্রেনিং, ফিসরিজ অমসুং এক্বাকলচর য়াওনা ব্লু ইকোনোমীদা তেংবাং পীনবা হেনগৎহন্নবা মখোয়গী তীমশিংদা থবক পীখি। মখোয়না য়ু.এন.সি.এল.ও.এস.কী প্রিন্সিপলশিং অমুক হন্না ফোংদোকখি অমসুং নোরৱেজনা ইন্দো-পেসিফিক ওসিন ইনিসিএতিবতা য়াওরকপবু তরাম্না ওকখি। প্রধান মন্ত্রী মোদীনা নোরৱেবু ২০২৬গী জুন থাদা ফ্রান্সতা পাংথোক্কদৌরিবা ভারত ইন্নোভেৎ ২০২৬তা শরুক য়ানবা কৌখ্রে। মহাক্না লৈবাক অনিগী মরক্তা স্তার্ত-অপ ইন্নোবেসন হব অমসুং গ্রীন ইন্নোবেসন হেক্কাথোন অমা লিংখৎনবা ৱাফম থমখি।

অকোয়বগী ফিভম অমসুং রিন্যুএবল ইনর্জীদা মতেং পীনবগী মতাংদা লুচিংবশিংনা কার্বন কেপচর, য়ুতিলাইজেসন অমসুং স্তোরেজ (সি.সি.য়ু.এস.), ওফশোর ৱিন্দ অমসুং ভারত্তা ক্লিন ইনর্জী প্রোজেক্তশিংদা নোরৱেজনা ইনভেস্তমেন্ত হেন্না তৌবা অসিনচিংবা নিচ তেক্নোলোজীশিংদা মতেং পীননবা হায়খি।

লুচিংবশিংনা অকোয়বগী ফিভমদা মরী লৈনবা থৌওংশিং অমুক হন্না ফোংদোক্লদুনা আর্কতিক্তা পোলর রিসর্চ অমসুং লোজিস্তিক্স মপাঙ্গল কনখৎহন্নবা য়ানখি। রিন্যুএবল ইনর্জী, মহাসাগর, ক্লাইমেৎ, হকশেল, ক্রিতিকেল মিনরেলশিং, অনৌবা তেক্নোলোজীশিং অমসুং আই.তি. য়াওনা রিসর্চ অমসুং ইন্নোবেসনদা পুন্না থবক তৌমিন্ননবা ৱাফম থমখি। অৱাংবা থাক্কী মহৈ-মশিং তম্বদা, মখোয়না জোইন্ত দিগ্রী প্রোগ্রামশিং, ক্বালিফিকেসনশিংগী ম্যুচুএল রিকোগনিসন, অমসুং মহৈরোইশিং অমসুং ফেকল্তীগী মোবিলিতী নৈননবা য়ানখি।

মখোয়না মল্তিলেতরেল ফোরমশিংদা তেংবাং পীনবগী মতাংদসু খন্নখি অমসুং ম্যুচুএল ইন্তরেস্তকী মরুওইবা রিজনেল অমসুং গ্লোবেল ইসুশিংদা ৱাখল্লোনশিং ফোংদোক্নখি। নোরৱেগী প্রধান মন্ত্রীনা য়ু.এন. সেক্যুরিতী কাউন্সিলগী শেমদোক্লবা কাংলুপ অমদা ভারতনা পর্মিনেন্ত মেম্বর ওইরকপদা নোরৱেগী মতেং পাংনবা অমুক হন্না ফোংদোকখি।

লুচিংবশিংনা ঙমখৈ লান্না চত্থবা তেরোরিজম য়াওনা তেরোরিজমবু অকনবা মওংদা য়ানিংদবা ফোংদোকখি অমসুং মসিগী খুদোংথীবশিং অসি থেংননবা মালেমগী ওইনা পুন্না থবক পায়খৎনবা তকশিনখি।

মখোয়না দিফেন্স কোওপরেসন অমসুং দিফেন্স ইন্দস্ত্রীএল কোলাবোরেসনগী ওইথোকপা য়াবশিং অদু পনখি। দিজিতেল পব্লিক গুদসতা অহুমশুবা লৈবাকশিংগী কোওপরেসন এক্সপ্লোর তৌনবা য়ানখি। অমসুং দিজিতেল ত্রান্সিসন চৎনহন্নবা দিজিতেলাইজেসনগী জোইন্ত ৱার্কিং গ্রুপ অমা লিংখৎনবা মন্ত্রালয়শিংদা থৌদাংশিং পীখি।

প্রধান মন্ত্রী মোদীনা প্রধান মন্ত্রী স্তোর অমসুং নোরৱেগী মীয়ামদা মখোয়গী মীয়োক মীচান ফাবা মতৌগীদমক থাগৎপা ফোংদোকখি। মহাক্না প্রধান মন্ত্রী স্তোরবু ভারত্তা লাক্নবা কৌখি। লুচিংবা অনিমক্না অৱাংবা থাক্কী এক্সচেঞ্জশিং লেপ্তনা চৎথনবা য়ানখি।

***