حکومت ہند کی زراعت اور کسانوں کی بہبود کی وزارت 19 مئی 2026 کو بھونیشور ، اڈیشہ میں مشرقی علاقائی زرعی کانفرنس کا انعقاد کرے گی ۔  اس اہم کانفرنس کی صدارت زراعت اور کسانوں کی بہبود اور دیہی ترقی کے مرکزی وزیر جناب شیوراج سنگھ چوہان کریں گے ۔  کانفرنس میں اڈیشہ کے وزیر اعلی جناب موہن چرن ماجھی کے ساتھ ساتھ مختلف ریاستوں کے وزرائے زراعت ، سینئر حکام ، سائنس دان ، کسان نمائندے ، زرعی ماہرین ، فارمر پروڈیوسر آرگنائزیشنز(ایف پی او) اسٹارٹ اپس ، بینک اور دیگر اسٹیک ہولڈرز شرکت کریں گے ۔

کانفرنس کا مقصد زرعی شعبے کی مجموعی ترقی کو فروغ دینا ، کسانوں کی آمدنی میں اضافہ کرنا اور مرکز اور ریاستی حکومتوں کے درمیان تال میل کو مزید مضبوط کرنا ہے ۔  کانفرنس کے دوران زراعت اور کسانوں کی بہبود کی وزارت کی مختلف اسکیموں اور پروگراموں کی پیش رفت کا جائزہ لیا جائے گا اور زراعت کے شعبے سے متعلق مختلف مسائل پر تفصیلی بات چیت کی جائے گی ۔

کانفرنس کے دوران کسانوں کی رجسٹری کی پیش رفت ، باغبانی کے شعبے میں مواقع ، دالوں کی پیداوار میں خود کفالت کے مشن ، خوردنی تیل-بیجوں پر قومی مشن (این ایم ای او-او ایس) پی ایم-آشا (پردھان منتری انادتا آئ سنرکشن ابھیان) ، قدرتی کاشت کاری پر قومی مشن (این ایم این ایف) فارم کریڈٹ اور کسان کریڈٹ کارڈ سے متعلق امور پر خصوصی بات چیت ہوگی ۔اس کے علاوہ جعلی کیڑے مار ادویات اور کھادوں پر کنٹرول ، کھادوں کی بلیک مارکیٹنگ کو روکنے ، کھادوں کے متوازن استعمال کو فروغ دینے اور متبادل کھادوں کی حوصلہ افزائی جیسے اہم موضوعات پر وسیع غور و خوض کیا جائے گا ۔

کانفرنس میں مختلف ریاستوں کی جانب سے زرعی شعبے میں اپنائے گئے کامیاب اقدامات اور اختراعات پر پریزنٹیشن بھی پیش کی جائیں گی ۔  ریاست اڈیشہ اپنے زرعی توسیعی اقدامات پیش کرے گی ، مغربی بنگال بیج کی پیداوار میں بہترین طریقوں کا اشتراک کرے گا ، جھارکھنڈ ایف پی او پر مبنی ویلیو چین اور زرعی اسٹارٹ اپ ماحولیاتی نظام سے متعلق تجربات پیش کرے گا ، جبکہ بہار مکئی کی پیداوار اور مارکیٹنگ میں کامیاب تجربات کا اشتراک کرے گا ۔

توقع ہے کہ یہ کانفرنس کسانوں کے مفاد میں زرعی شعبے میں درپیش چیلنجوں کا حل تلاش کرنے ، اختراعات کا تبادلہ کرنے اور زراعت کی پائیدار ترقی کے لیے مستقبل کی حکمت عملی وضع کرنے کے لیے ایک اہم پلیٹ فارم کے طور پر کام کرے گی ۔  کانفرنس کے بعد زراعت اور کسانوں کی بہبود اور دیہی ترقی کے مرکزی وزیر جناب شیوراج سنگھ چوہان میڈیا سے خطاب کریں گے ۔

****

ش ح۔ ش آ۔م ش

U-7208