ভারতকী প্রধান মন্ত্রী শ্রী নরেন্দ্র মোদী অমসুং নেদরলেন্দসকী প্রধান মন্ত্রী শ্রী রোব জেত্তেননা ২০২৬গী মে ১৬দা দি হেগতা পাংথোকখিবা মীফম অদুদা মীৎয়েং চঙবা, মতম চানা পায়খৎকদবা থবকশিং অমসুং জোইন্ত প্লান ওফ এক্সনগী মখাদা ভারত-নেদরলেন্দস অনিগী ওইবা মরী অসি স্ত্রেতেজিক পার্তনরশিপ অমদা পুখৎনবা য়ানখি। মসিগীদমক, ভারত অমসুং নেদরলেন্দসনা মথংগী চহি ৫ (২০২৬-২০৩০) গীদমক ভারত-নেদরলেন্দস স্ত্রেতেজিক পার্তনরশিপকী রোদমেপ অমা এদোপ্ত তৌখি।

নাকল অনিমক্না মসিদা য়ান্নখি:

I. পোলিতিকেল দাইলোগ

a. মল্তিলেতরেল ইভেন্তশিংগী নাকল পাংথোকপা য়াওনা সরকারগী মকোক থোংবা / রাজ্যগী মকোক থোংবা, মপাল থৌরমগী মন্ত্রীশিং অমসুং অতোপ্পা কেবিনেৎ মন্ত্রীশিংগী মরক্তা মীফমশিং অমসুং রেসিপ্রোকেল ভিজিৎশিং চাং নাইনা পাংথোকপা।

b. স্ত্রেতেজিক পার্তনরশিপ অসিগী রোদমেপকী প্রোগ্রেসকী মতাংদা য়েংশিন্নবা অমসুং তুংগী খোঙথাংশিংগীদমক স্ত্রেতেজিক গাইদলাইনশিং পীবগীদমক মপাল থৌরমশিংগী থাক্তা চহিগী ওইবা মীফমশিং পাংথোক্কদবা মেকানিজম অমা শেম্বা।

c. কমন ইন্তরেস্তকী সেক্তর পুম্নমক্তা মতেং পীনবা হেনগৎহন্নবা মরী লৈনবা মন্ত্রীশিংগী মকোকশিংগী মরক্তা মীফমশিং অমসুং ইন্তরেক্সনশিং মপাঙ্গল কনখৎহনবা।

II. ইকোনোমিক কোওপরেসন অমসুং ইনভেস্তমেন্তশিং

a. মপুং ওইবা জোইন্ত ত্রেদ এন্দ ইনভেস্তমেন্ত কম্মিতী (জে.তি.আই.সি.) গী চহিগী মীফমশিং অসি নাকল অনিগী ত্রেদ, মার্কেত এক্সেস অমসুং ইনভেস্তমেন্ত হেনগৎহন্নবা, মরুওইনা রিন্যুএবল ইনর্জী, তেলিকম্ম্যুনিকেসন, মেরিতাইম, ইনফ্রাস্ত্রকচর অমসুং অর্বান দিবেলপমেন্ত, ইন্নোবেসন, ইলেক্ত্রোনিক্স, সেমিকোন, এগ্রিকলচর, ফার্মাস্যুতিকেল্স অমসুং মেদিকেল তেক্নোলোজী, ওর্গানিক কেমিকেল্স, তেক্সতাইলস, আইরন এন্দ স্তীল, অলুমিনিয়ম, জোইন্ত ভেঞ্চরশিং, ইন্দস্ত্রীএল পার্তনরশিপশিং অমসুং সপ্লাই চেনগী রেসিলিয়েন্স হেনগৎহন্নবগী পান্দমগা লোয়ননা তেক্নোলোজিকেল কোলাবোরেসনগী মরক্তা হেনগৎহন্নবা শীজিন্নবা।

b. ইন্দস্ত্রিএল অমসুং ইকোনোমিক এসোসিএসনশিং অমসুং কম্মর্স চেম্বরশিং শরুক য়াদুনা অমনা অমগী ত্রেদ ফিয়রশিংদা শরুক য়াবা অমসুং বিজিনেস ফোরমশিং পাংথোকপা হেনগৎহনবা।

c. ইনভেস্তমেন্ত ফেসিলিতেৎ তৌনবা অমসুং করিগুম্বা সমস্যা লৈরবদি মদুগী ৱারোইশিন পুরক্নবা বাইলেতরেল ফাস্ত ত্রেক মেকানিজমগী থবক মতম মতমগী ওইনা য়েংশিনবা।

d. মরুওইবা মিনরেলশিং, এক্সপ্লোরেসন, রিসর্চ অমসুং ইনোবেসন, ভেল্যু চেনশিংগী ইন্তিগ্রেসন, সপ্লাই চেনগী রেসিলিয়েন্স, সর্ক্যুলরিতী অমসুং ই.এস.জি. স্তেন্দর্দশিং অমসুং মরী লৈনবা এসেসমেন্তশিংগী লমদা তেংবাং পীননবা মেমোরেন্দম ওফ অন্দরস্তেন্দিংগী মখাদা সপ্লাই চেন দাইভর্সিফিকেসনগীদমক ক্রিতিকেল রো মেতরিএলস ভেল্যু চেনদা বাইলেতরেল স্ত্রেতেজিক জোইন্ত পার্তনরশিপ অমগী লম অমসুং কান্নবা।

e. রিন্যুএবল ইনর্জী, সস্তেনেবল এগ্রিকলচর, মেরিতাইম, ইনফ্রাস্ত্রকচর, ফার্মাস্যুতিকেল্স, মেদতেক অমসুং হাই-তেক অমসুং ইন্নোবেসনগুম্বা অখন্নবা সেক্তরশিংদা ভারত অমসুং নেদরলেন্দসকী মরক্তা মশক খঙদোক্লবা নাকল অনিগী ওইবা ইনভেস্তমেন্তশিং প্রমোৎ তৌবা। মসিগীদমক, নাকল অনিমক্না বিজিনেস-তু-বিজিনেস মেৎচমেকিং, জোইন্ত ভেঞ্চরশিং অমসুং পব্লিক-প্রাইবেৎ পার্তনরশিপশিং শৌগৎকনি অমসুং নোলেজ ইন্সতিত্যুসনশিং অমসুং ইন্দস্ত্রীগী মরক্তা তেংবাং পীনবা পুক্নিং থৌগৎকনি। এস.এম.ই.না শরুক য়াবা য়াহনবা, ইনভেস্তমেন্ত ফেসিলিতেসন হেনগৎহনবা, অমসুং ইন্নোবেসন ইকোসিস্তেম মপাঙ্গল কনখৎহন্দুনা তুং কোইনা চাউখৎপা, থবক ফংহন্নবা অমসুং রেসিলিয়েন্ত ভেল্যু চেনশিংদা মীৎয়েং থমগনি।

III. ঈশিং, লৌউ-শিংউ অমসুং হকশেল

a. মার্চ ২০২২দা খুৎয়েক পীনখিবা অমসুং মার্চ ২০২৭ ফাওবা চৎনগদবা ঈশিংগী মতাংদা স্ত্রেতেজিক পার্তনরশিপ নৌনা শেমগৎনবা অপাম্বা ফোংদোকপা; অমসুং ঈশিংগী মতাংদা মিনিস্তরেল জোইন্ত ৱার্কিং গ্রুপকী খুত্থাংদা মসিগী খোংজেল য়েংশিনবা।

b. ইন্তিগ্রেতেদ ৱাতর রিসোর্স মেনেজমেন্ত, ইন্তিগ্রেতেদ কোস্তেল জোন মেনেজমেন্ত, অর্বান ৱাতর মেনেজমেন্ত, ফ্লোদ রেসিলিয়েন্স, রিভর বেসিন মেনেজমেন্ত অমসুং গঙ্গা বেসিনদা তুং কোইনা চৎকদবা ৱাতর ক্বালিতী অমসুং ফংহনবদা তেংবাং পীনবা হেনগৎহনবা।

c. নেস্নেল মিসন ফোর ক্লিন গঙ্গাগা লোয়ননা ঈশিংগী সেন্তর ওফ এক্সেলেন্স শীজিন্নদুনা লৌশিং অমসুং এক্সপর্সিতী, কেপাসিতী শেমগৎপা অমসুং স্তার্ত-অপশিং প্রমোৎ তৌদুনা মসিগী থবকশিংদা মতেং পাংগনি।

d. ভারতকী য়ানরবা শহরশিংগীদমক অর্বান রিভর মেনেজমেন্ত প্লানশিং শেমগৎপদা মতেং পাংগনি। মসিগী ফ্রেমৱার্ক অসিদা অর্বান রিভর মেনেজমেন্ত প্লানিং অমসুং "ৱাতর এজ লেভরেজ" এপ্রোচপু প্রমোৎ অমসুং ইন্তিগ্রেৎ তৌদুনা অমসুং প্রোজেক্তশিংগী খুত্থাংদা এপ্লিকেসন পুক্নিং থৌগৎতুনা ৱাতর এক্সন এজেন্দাগী জোইন্ত কম্মিৎমেন্ত অদু মপুং ফাহল্লগনি।

e. ভারতনা লুচিংবা কোলিসন ফোর দিজাস্তর রেসিলিয়েন্ত ইনফ্রাস্ত্রকচর (সি.দি.আর.আই.) না লুচিংবা কেপাসিতী বিল্দিং ইনিসিয়েতিবশিংগী খুত্থাংদা ভারত অমসুং মালেমগী ওইনা দিজাস্তর রেসিলেন্ত অর্বান ৱাতর ইনফ্রাস্ত্রকচর চাউখৎহনবা অমসুং হেনগৎহনবা।

f. লৌউ-শিংউ অমসুং শা-ষন য়োকপগী লমদা লৈবাক অনিগী মরক্তা তেংবাং পীনবা মপাঙ্গল কনখৎহন্নবা অমসুং প্রমোৎ তৌনবা জোইন্ত এগ্রিকলচর ৱার্কিং গ্রুপ শেমগৎপা। মসিগী মনুংদা ভারত-নেদরলেন্দস সেন্তর ওফ এক্সিলেন্সকী খোংজেল য়েংশিনবা, ফাইতোসানিতরী অমসুং ভেতেরিনরীগী মার্কেত এক্সেস, ক্লাইমেৎ রেসিলেন্ত এগ্রিকলচর, রেস্পোন্সিবল ভেল্যু চেন অমসুং গ্লোবেল ফুদ সেক্যুরিতীগীদমক পুন্না মতেং পীনবা য়াওরি।

g. এগ্রিকলচরেল তেক্নোলোজী অমসুং বাইওতেক্নোলোজী, নোলেজ শেয়রিং অমসুং স্কিল দিবেলপমেন্তকী মতাংদা এক্সচেঞ্জশিং প্রমোৎ তৌবা, অমসুং ক্লিন প্লান্ত সেন্তরশিং শেম্বা অমসুং স্তার্ত-অপশিংদা মতেং পীনবগী খুত্থাংদা অনৌবা এগ্রিকলচরেল তেক্নোলোজীশিং পুন্না শেমগৎপদা মতেং পীবা।

h. হেল্থকেয়র অমসুং পব্লিক হেল্থকী মতাংদা মেমোরেন্দম ওফ অন্দরস্তেন্দিং অমসুং মসিগী জোইন্ত ৱার্কিং গ্রুপকী মখাদা লৈবাক অনিগী মরক্তা মরুওইনা মরুওইবা হিরমশিং হায়বদি ক্রোস-বর্দর ইনফেক্সিয়স দিজিজ অমসুং এন্তি-মিক্রোবিএল রেসিস্তেন্স (এ.এম.আর), নন-কম্ম্যুনিকেবল দিজিজ (এন.সি.দি.), দিজিতেল হেল্থ (এ.আও. অমসুং সাইবর সেক্যুরিতী য়াওনা), ক্লাইমেৎ চেঞ্জ অমসুং হেল্থকী মরক্তা লৈনরিবা মরী অমসুং কেপাসিতী বিল্দিংদা মীৎয়েং থমদুনা মালেমগী ওইবা পব্লিক হেল্থ রিস্কশিং লান্থেংনবা। নেদরলেন্দস নেস্নেল ইন্সতিত্যুৎ ফোর পব্লিক হেল্থ এন্দ ইনভাইরনমেন্ত (আর.আই.ভি.এম.) অমসুং ইন্দিয়ন কাউন্সিল ওফ মেদিকেল রিসর্চ (আই.সি.এম.আর.) গী মরক্তা হন্দক্তা খুৎয়েক পীনহিবা লেতর ওফ ইন্তেন্তকী খুত্থাংদা মতেং অসি মখা তানা মপাঙ্গল কনখৎহল্লগনি। মীৎয়েং চঙগদবা হিরমশিং অদুদি ইনফেক্সিয়স দিজিজ, ভেক্তরনা শন্দোকপা দিজিজ, ৱান হেল্থ অমসুং দিজিজ সর্ভিলেন্স অসিনি।

i. মেমোরেন্দম ওফ অন্দর্স্তেন্দিংগী মখাদা শেমখিবা জোইন্ত ৱার্কিং গ্রুপকী চাং নাইবা মীফমশিংগী খুত্থাংদা জুন ২০২৫দা খুৎয়েক পীনখিবা মেমোরেন্দম ওফ অন্দর্স্তেন্দিংগী মতুং ইন্না ফার্মাস্যুতিকেল্স অমসুং মেদিকেল দিভাইসশিংদা নাকল অনিগী ওইবা কোওপরেসন প্রমোৎ তৌদুনা রেসিলিয়েন্ত গ্লোবেল সপ্লাই চেনশিং শৌগৎপা অমসুং রিসর্চ অমসুং ইন্নোবেসন মপাঙ্গল কনখৎহনবা। মসিদা, অতোপ্পশিংগী মরক্তা, একাদমিক কোওপরেসন, রেগুলেতরী কোওপরেসন, বিজিনেসশিংগী মরক্তা এঙ্গেজমেন্ত, অমসুং মার্কেত এক্সেসকী মতাংদা লৌশিং একচেঞ্জ য়াওরি।

j. নেদরলেন্দস ফুদ এন্দ কঞ্জুমর প্রদক্ত সেফতী ওথোরিতী (এন.ভি.দবল্যু.এ.) অমসুং ফুদ সেফতী এন্দ স্তেন্দর্দস ওথোরিতী ওফ ইন্দিয়া (এফ.এস.এস.এ.আই.) গী মরক্তা হন্দক্তা খুৎয়েক পীনখিবা মেমোরেন্দম ওফ অন্দর্স্তেন্দিংদা পল্লিবা ইলেক্ত্রোনিক (সর্তিফিকেসন) সিস্তেমশিং শীজিন্ননবা অমসুং ইন্তর্নেস্নেল স্তেন্দর্দশিং, নোতিফিকেসন অমসুং কোওপরেসন মেকানিজমশিংগী মতাংদা ফুদ সেফতী ওথোরিতীশিংগী মরক্তা ইন্তরেক্সনগী খুত্থাংদা লৌশিং একচেঞ্জ তৌনবা।

IV. অনৌবা তেক্নোলোজীশিং, ইন্নোবেসন, সাইন্স অমসুং এজুকেসন

a. ভারত অমসুং নেদরলেন্দসকী নেস্নেল রিসর্চ প্রাইওরিতিশিং য়েংলগা, সাইন্স, তেক্নোলোজী অমসুং ইন্নোবেসনগী মতাংদা লৈরিবা জোইন্ত ৱার্কিং গ্রুপকী খুত্থাংদা, সরকারশিং, একাদেমিয়া অমসুং ইন্দস্ত্রীশিং য়াওনা সেমিকন্দক্তরশিং, এ.আই., সাইবর সেক্যুরিতী, ইনর্জী মেতরিএলশিং অমসুং বাইওমোলিক্যুলর অমসুং সেল তেক্নোলোজীগুম্বা মরুওইবা তেক্নোলোজীশিংদা অখন্নবা মীৎয়েং থমদুনা ইন্নোবেসন অমসুং রিসর্চ কোলাবোরেসন হেনগৎহনবা।

b. সেমিকন্দক্তরশিং অমসুং মসিগা মরী লৈনবা অনৌবা তেক্নোলোজীশিংদা ইন্দিয়া-নেদরলেন্দস পার্তনরশিপকী মতাংদা মেমোরেন্দম ওফ অন্দর্স্তেন্দিং অসি মখাদা পীরিবশিংসি পাংথোক্নবা শীজিন্নবা:

i. ভারত অমসুং নেদরলেন্দস অনিমক্কী সেমিকন্দক্তর ইন্দস্ত্রীগী মরক্তা তেংবাং পীনদুনা থাজবা য়াবা অমসুং রেসিলিয়েন্ত সপ্লাই চেন শেমগৎনবা কোওপরেসনগী অনৌবা লম্বীশিং থিজিনবা।

ii. অনৌবা তেক্নোলোজীশিংদা রিসর্চ অমসুং দিবেলপমেন্তদা তেক্নোলোজী ভেল্যু চেন পার্তনরশিপশিং লৈবাক অনিমক্তা, আর্তিফিসিএল ইন্তেলিজেন্স, ফোতোনিক্স, ক্বান্তম অমসুং সাইবর-সেক্যুরিতীগুম্বা সেক্তরশিংদা পাকথোক চাউথোকহল্লগনি।

iii. কোলাবোরেসন, তেক্নোলোজী অমসুং তেলেন্ত দিবেলপমেন্তগী খুত্থাংদা সেমিকন্দক্তর সেক্তর, মরুওইনা ইন্দস্ত্রীশিং, স্তার্ত অপশিং, স্কেল-অপশিং, এস.এম.ই.শিং অমসুং মখোয়গী সপ্লাইয়রশিংবু মতেং পাংনবা অমসুং মপাঙ্গল কনখৎহন্নবা দৎচ সেমিকন্দক্তর কম্পিতেন্স সেন্তরবু ইন্দিয়ন সেমিকন্দক্তর মিসনগা শম্নহনবা।

c. সি. ইন্দহোভেন য়ুনিভর্সিতী ওফ তেক্নোলোজী অমসুং য়ুনিভর্সিতী ওফ ত্ৱেন্তে অমসুং ভারতকী মকোক থোংবা তেক্নিকেল ইন্সতিত্যুৎ তরুক (আই.আই.এস.সি. বেঙ্গলোর, আই.আই.তি বোম্বে, আই.আই.তি দিল্লী, আই.আই.তি গান্ধীনগর, আই.আই.তি গুৱাহাতি অমসুং আই.আই.তি মাদ্রাস) গী মরক্তা সেমিকন্দক্তর অমসুং মরী লৈনবা তেক্নোলোজীশিংদা ব্রেন ব্রিজ অমা শেমগৎনবা মেমোরেন্দম ওফ কোওপরেসনগীদমক এন.এক্স.পি., এ.এস.এম.এল., টাটা অমসুং সি.জি. সেমি.না সপোর্ত তৌদুনা খুৎয়েক পীনখিবা।

d. হায়র এজুকেসনগী মতাংদা নেদরলেন্দস-ইন্দিয়াগী মরক্তা তেংবাং পীননবা মেমোরেন্দম ওফ অন্দর্স্তেন্দিং ইমপ্লিমেন্ত তৌগনি অমসুং নোলেজ ইন্সতিত্যুসনশিংগী মরক্তা মখা তানা তেংবাং পীননবা জোইন্ত ৱার্কিং প্লান অমা শেম্নবা অমসুং থবক ওইনা পাংথোক্নবা চাং নাইনা ৱারী শানগনি।

e. STEMগী লমদা এজুকেসনেল অমসুং রিসর্চ এঙ্গেজমেন্তশিং হেনগৎহনবা অমসুং মপাঙ্গল কনখৎহনবা অমসুং ইন্সতিত্যুস্নেল পার্তনরশিপকীদমক প্লেৎফোর্ম অমা থিজিনবা।

f. ভারত অমসুং নেদরলেন্দসকী মরক্তা হৌজিক চত্থরিবা স্পেস পার্তনরশিপ অসি শকখঙলদুনা, গভর্নমেন্ত, ইন্দস্ত্রী অমসুং একাদেমিক লেভেলদা মখা তানা মতেং পাংনবগী মতাংদা খন্ন-নৈনবা য়াই। মসিগী মনুংদা ক্লাইমেৎ চেঞ্জ, ঈশিংগী ইসু, ফুদ সেক্যুরিতী অমসুং এয়র ক্বালিতী য়াওনা খুন্নাইগী শিংনবশিং কোকহন্নবা স্পেসতা য়ুম্ফম ওইবা এপ্লিকেসনশিং শীজিন্নবা য়াওরি।

V. ইনর্জী ত্রাঞ্জিসন, সস্তেনেবল দিবেলপমেন্ত অমসুং মেরিতাইম দিবেলপমেন্ত

a. রিন্যুএবল ইনর্জীগী মতাংদা জোইন্ত ৱার্কিং গ্রুপ অমা শেম্বা অমসুং খ্বাইদগী ফবা থৌওংশিং অমসুং এক্সপরিয়েন্সশিং শেয়র তৌনবা, অমনা অমগী ইন্দস্ত্রিএল ইকোসিস্তেমশিংগী মতাংদা খংনবা হেনগৎহন্নবা অমসুং গ্রীন হাইদ্রোজেন, বাইওএনর্জি, বাইও-কেমিকেলস নত্ত্রগা সর্ক্যুলর রীমস্তোক্স, রিন্যুএবল ইনর্জী অমসুং বেতরী স্তোরেজদা ইন্দস্ত্রিএল পার্তনরশিপ কোওপরেসন হেন্না লায়থোকহন্নবা চাং নাইনা মীফম পাংথোকপা।

b. ভারত অমসুং নেদরলেন্দসকী মরক্তা গ্রীন কোরিদোর অমা য়াওনা রিন্যুএবল হাইদ্রোজেনগী লমদা পুন্না থবক পায়খৎনবা এক্সন প্লান অমা শেম্নবা পুন্না হোৎনমিন্নবা।

c. ক্লাইমেৎকী মতাংদা নাকল অনিগী ওইবা মরী হেন্না চেৎশিলহন্নবা জোইন্ত ৱার্কিং গ্রুপ অমা লিংখৎতুনা অকোইবগী মতাংদা মপাঙ্গল কনবা মতেং পীনবগী লম্বী থিজিনবা; ক্লাইমেৎ এদাপ্তেসন অমসুং মিতিগেসনগী মতাংদা খ্বাইদগী ফবা থৌওংশিং, লৌশিং অমসুং তেক্নোলোজীশিং শেয়র তৌবা।

d. গ্লোবেল বাইওফ্যুএলস এলাইন্স, ইন্তিগ্রেতেদ বাইওরিফাইনরীজ মিসন, ইন্তর্নেস্নেল সোলর এলাইন্স অমসুং সস্তেনেবল ৱেস্ত মেনেজমেন্তকী কম্বিত্রেক অসিনচিংবা ইনিসিয়েতিবশিংগী খুত্থাংদা বাইওফ্যুএল, সর্ক্যুলর ইকোনোমী অমসুং ৱেস্ত তু ইনর্জীদা নাকল অনিগী ওইবা পার্তনরশিপশিং মপাঙ্গল কনখৎহন্নবা পুন্না থবক তৌমিন্নবা।

e. সেফ, সেক্যুর অমসুং সস্তেনেবল মেরিতাইম সেক্তরদা মতেং পাংনবা, পোর্তশিং, ইন্তর্লেন্দ ৱাতরৱেজশিং অমসুং শিপ্পিংদা ইনোবেতিব গ্রীন ইনর্জী সোলুসনশিং প্রমোৎ তৌনবা অমসুং হন্দক্তা নৌনা শেমদোক্লবা মেরিতাইম কোওপরেসনগী মতাংদা মেমোরেন্দম ওফ অন্দস্তেন্দিং অমসুং ভারত অমসুং নেদরলেন্দসকী মরক্তা 'গ্রীন অমসুং দিজিতেল মেরিতাইম কোরিদোর'গী মতাংদা য়ানখিবা লেতর ওফ ইন্তেন্তকী মতাংদা মখা তানা মতেং পাংনবা। মসিনা য়ুরোপকী কৈথেলশিংগা লোইননা দোমেস্তিক প্রদক্সন কেপাসিতীশিং পুন্সিন্নদুনা ভারতকী গ্রীন হায়দ্রোজেন এক্সপোর্তসু হেনগৎহনগনি।

f. মেরিতাইম কোওপরেসনগী জোইন্ত ৱার্কিং গ্রুপকী ফ্রেমৱার্ক্কী মনুংদা, লৈবাক অনিমক্না ভারত অমসুং নেদরলেন্দসকী মরক্তা অকোইবগী ফিবম ফনা লৈগদবা, দিজিতেল ওইনা ইন্তিগ্রেতেদ অমসুং শেন্মিৎলোনগী ওইনা কান্নগদবা তুংলমচৎকীদমক শেম-শারবা মেরিতাইম কোরিদোর অমগী মায়কৈদা থবক তৌনবা পান্দম থম্লিবা গ্রীন অমসুং দিজিতেল মেরিতাইম কোরিদোর অমগী মতাংদা মপুংফাবা রোদমেপ অমা নৈনগনি।

g. স্পেসিএল প্লান্নিং অমসুং অর্বান দিবেলপমেন্তকী মতাংদা মেমোরেন্দম ওফ অন্দর্স্তেন্দিংগী মখাদা জোইন্ত ৱার্কিং গ্রুপ অমগী খুত্থাংদা সস্তেনেবল অর্বান দিবেলপমেন্তকী মতাংদা কেপাসিতী বিল্দিং, নোলেজ একচেঞ্জ তৌনবা পুন্না থবক তৌমিন্নবা। সোলিদ ৱেস্ত এন্দ ৱাতর মেনেজমেন্ত, সর্ক্যুলর ইকোনোমী, অর্বান এক্তিব মোবিলিতী, জিরো ইমিসন ত্রান্সপোর্তেসন অমসুং চার্জিং ইনফ্রাস্ত্রকচর অমসুং অর্বান সস্তেনেবিলিতী অমসুং গবর্নান্সকী থীমশিংগী মখাদা কোওপরেসনগী নিচ এরিয়াশিং মশক খঙদোকপা।

VI. দিফেন্স কোওপরেসন

a. দিফেন্স ইন্দস্ত্রী অমসুং রিসর্চ সেন্তরশিংগী মরক্তা তেংবাং পীনবা য়াওনা লৈবাক অনিগী ওইবা মিলিতরী কোওপরেসন কোওর্দিনেৎ তৌনবা দিফেন্স মিনিস্ত্রীশিংগী দিরেক্তোরেৎ ওফ ইন্তর্নেস্নেল মিলিতরী কোওপরেসনশিংগী মরক্তা স্ত্রকচর তৌরবা জোইন্ত ত্রাই-সর্ভিসেস ইন্তরেক্সনগী থৌরাং।

b. মেরিতাইম কোওপরেসন হেঙ্গৎহনবা, নেভেল এক্সরসাইজশিংদা পারস্পরিক্না শরুক য়াবা অমসুং আই.এফ.সি.-আই.ও.আর.দা মশাগী মতুং ইন্না শরুক য়াবা।

c. ইন্দো-পেসিফিক ওসিন ইনিসিএতিব (আই.পি.ও.আই.) অমসুং ইন্দিয়ন ওসিন নেভেল সিম্পোজিয়ম (আই.ও.এন.এস.) গী মতাংদা মতেং পীনবা হেনগৎহন্নবা ইন্দো-পেসিফিক রিজনদা নেদরলেন্দসসকী হেনগৎলক্লিবা ইন্তরেস্ত অদুগী ফ্রেমৱার্ক মনুংদা মরী লৈনবা আর্মদ ফোর্সেসশিংগী মরক্তা ইন্তরেক্সন প্রমোৎ তৌবা।

d. মরী লৈনবা দিফেন্স মন্ত্রীশিংগী মরক্তা তেক্নোলোজী কোলাবোরেসন, প্লেৎফোর্মশিং অমসুং ইক্বিপমেন্তশিংগী মতাংদা খন্ন-নৈনবা।

e. দিফেন্স ইন্দস্ত্রী অমসুং রিসর্চ সেন্তরগী মরক্তা মরী লৈনবা সেক্তরেল ওর্গনাইজেসনশিং, সোসাইতী ওফ ইন্দিয়ন দিফেন্স মেনুফেকচররস (এস.আই.দি.এম.) অমসুং নেদরলেন্দসস ইন্দস্ত্রী ফোর দিফেন্স অমসুং সেক্যুরিতী (এন.আই.দি.ভি.) গী খুত্থাংদা মতেং পীননবা দিফেন্স মিনিস্ত্রী অনিগী মরক্তা দিফেন্স ইন্দস্ত্রীগী রোদমেপ অমগী মায়কৈদা থবক পায়খৎপা।

f. ম্যুচুএল লোজিস্তিক সপোর্ত এগ্রীমেন্ত খুৎয়েক পীনদুনা ত্রেনিং এক্সরসাইজশিংগী মতমদা মিলিতরী য়ুনিৎশিং/ফোর্মেশনশিংদা লোজিস্তিক সপোর্ত পীনবা ইন্সতিত্যুস্নেলাইজ তৌবগী ওইথোকপা য়াবশিং য়েংশিনবা।

VII. সেক্যুরিতী কোওপরেসন

a. দিফেন্স, মেরিতাইম সেক্যুরিতী, ইকোনোমিক সেক্যুরিতী, নোলেজ সেক্যুরিতী, টেরোরিজম থেংনহনবা, ক্রিতিকেল অমসুং ইমেজিং তেক্নোলোজিশিং, সাইবর সেক্যুরিতী অমসুং ইন্টরনেসনেল সেক্যুরিতীগী অতোপ্পা নাকল অনিমক্না য়ানরবা হিরমশিং য়াওনা ত্রেদিস্নেল অমসুং নন-ত্রদিস্নেল সেক্যুরিতীগী হিরমশিংদা চাং নাইনা এক্সচেঞ্জ তৌদুনা মতেং পীনবা হেনগৎহনবা।

b. ম্যুচুএল ইন্তরেস্তকী লমশিংদা সাইবর কোওপরেসন হেঙ্গৎহন্নবা লেতর ওফ ইনটেন্তগী থবক পায়খৎপদা মতেং পাংনবা সাইবর দাইলোগকী বাইলেতরেল এঙ্গেজমেন্তশিং মপাঙ্গল কনখৎহনবা, মসিগী মনুংদা মল্তিলেতরেল ফোরমশিংদা হেন্না নকশিন্নবা অমসুং কেপাসিতী বিল্দিং অমসুং নোলেজ একচেঞ্জগী খুত্থাংদা সাইবর থ্রেৎ অমসুং সাইবর ক্রাইম থেংননবা পুন্না হোৎনমিন্নবা য়াওরি।

c. তেরোরিজম থেংননবা বাইলেতরেল, রিজনেল অমসুং ইন্তর্নেস্নেল ফোরমশিংদা তেংনবা হেনগৎহনবা। মসিগীদমক থিংনবা এসেসমেন্তশিং অমসুং খ্বাইদগী ফবা থৌওংশিংগা মরী লৈনবা ইনফোর্মেসন শেয়র তৌনবা অমসুং য়ু.এন.দা ইন্তর্নেস্নেল তেরোরিজমগী মতাংদা কমপ্রিহেন্সিব কনভেন্সন এদোপ্ত তৌনবগীদমক পুন্না থবক তৌমিন্নবা।

d. ম্যুচুএল লিগেল এসিস্তেন্স ত্রেৎ অমসুং অনৌবা এক্সত্রাদিসন ত্রেৎ অমা লোইশিন্নবা পুন্না থবক তৌমিন্নবা।

e. ইন্দো-পেসিফিক ওসিন্স ইনিসিএতিব (আই.পি.ও.আই.) দা নেদরলেন্দসকী মেম্বরশিপকী মতাংদা মতেং পীনবা হেনগৎহনবা।

VIII. মাইগ্রেসন, মোবিলিতী অমসুং কনসুলরগী ৱাফমশিং

a. ভারত অমসুং নেদরলেন্দসকী মরক্তা মতম শাংনা লৈরক্লবা অমসুং পুৱারী ওইরক্লবা মরুপ মপাং ওইবগী মরীশিং অদু খঙজিনবা অমসুং মখোয়বু অনৌবা থৌনা অমা পীনবা পামজবা।

b. অমনা অমগী লৈবাকশিংদা অচুম্বা মাইগ্রেসন অমসুং মোবিলিতী লাইথোক্নবা ৱারেপ লৌখি।

c. অরোনবা মাইগ্রেসন থিংনবা অমসুং থেংননবা পুন্না চুনবা খোঙথাং লৌখৎনবা ৱারেপ লৌখি।

d. নহা ওইরিবা প্রোফেস্নেলশিং য়াওনা মহৈরোইশিং, একাদেমিকশিং, দোক্তরেল মহৈরোইশিং, রিসর্চ তৌবশিং অমসুং অৱাংবা থাক্কী স্কিল লৈবা প্রোফেস্নেলশিংগী অচুম্বা চৎথোক-চৎশিন তৌবদা মতেং পীননবা তেংবাং পীনবা।

e. মোবিলিতী অমসুং মাইগ্রেসনগী মতাংদা মেমোরেন্দম ওফ অন্দর্স্তেন্দিং ইমপ্লিমেন্ত তৌগদবনি।

f. ইন্দিয়া-নেদরলেন্দস কনসুলর দাইলোগকী খুত্থাংদা লেপ্পা কনসুলরগী ৱাফমশিংদা চাং নাইনা ৱারী শানগনি।

IX. নাৎ অমসুং পিপল-তু-পিপল একচেঞ্জশিং

a. হেরিতেজ সাইতশিং অমসুং বিল্দিংশিং ঙাক-শেন্দুনা থম্নবা অমসুং নৌনা শেমগৎ-শাগৎপদা লৌশিং পীথোক-পীশিন তৌনবগী থবক য়াওনা লেপ্পা লৈতনা ৱারী শানবগী, এক্সচেঞ্জ প্রোগ্রামশিং অমসুং জোইন্ত ইনিসিয়েতিবশিংগী খুত্থাংদা লৈবাক অনিগী ওইবা কলচরেল কোওপরেসন হেনগৎহনবা।

b. দিজাইন, ভিজুএল আর্তশিং, কলচরেল হেরিতেজ, পর্ফোমিং আর্তশিং অমসুং ম্যুজিয়ম সেক্তরশিংদা তেংবাং পীনবা হেনগৎহনবদা মীৎয়েং থমদুনা কলচরেল কোওপরেসনগী মতাংদা মেমোরেন্দম ওফ অন্দর্স্তেন্দিং ইমপ্লিমেন্ত তৌনবা হৌজিক পায়খৎলিবা থবকশিংবু তরাম্না ওকচরি।

c. কলচরেল আর্তিফেক্তশিং হল্লকপা অমসুং রিস্তিত্যুসন তৌনবগী হায়জরকপশিং য়েংশিন্নবদা মখা তানা মতেং পাংগনি।

d. ম্যুজিয়মশিংগী মরক্তা পার্তনরশিপশিং লিংখৎতুনা, অমনা অমবু হেন্না চেৎশিলহন্নবা এক্সিবিশনশিং অমসুং কলচরেল ইনিসিএতিবশিং পুক্নিং থৌগৎকনি।

e. মায়কৈ অনিমক্তা কনেক্সনশিং অমসুং তুরিস্ত ফ্লোশিং ফগৎহনবা।

f. ভারত অমসুং নেদরলেন্দসদা লৈরিবা ভারত মচাশিং অমসুং নেদরলেন্দসদা লৈরিবা ভারত মচাশিংনা নাকল অনিগী ওইবা অমসুং নাৎকী ওইবা মরীশিং অমসুং মতম শাংনা লৈরক্লবা মরুপ মপাং ওইবগী মরীশিং হেনগৎহনবদা লৌরিবা থৌদাংশিং অদু শকখঙবা।

***