কেন্দ্রগী কম্মর্স অমসুং ইন্দস্ত্রী মন্ত্রী শ্রী পিয়ুশ গোয়লনা ঙসি নই দিল্লীদা কনফেদরেসন ওফ ইন্দিয়ন ইন্দস্ত্রী (সি.আই.আই.) গী চহিগী মীফমদা ৱা ঙাংখি। মহাক্না হায়খি মদুদি ভারতকী শেন্মিৎলোন অসি মালেমগী জিওপোলিতিকেল অমসুং শেন্মিৎলোনগী শিংনবশিংগী মরক্তা মপাঙ্গল কনবা অমসুং মালেমগী ওইনা ভারতকী থাজবা হেনগৎলক্লিবা অসিগা লোয়ননা লেপ্তনা মপাঙ্গল কনবা উৎলি।

শ্রী গোয়লনা হায়খি মদুদি ভারত অসি য়াম্না থুনা চাউখৎলক্লিবা অচৌবা শেন্মিৎলোন অমা ওইরি অমসুং লৈবাক অসিনা ফোরেন এক্সচেঞ্জ রিজর্বশিংদা থা ১১গী ইম্পোর্ত কভরেজ লৈরে। ভারতকী এক্সপোর্ত পর্ফোমেন্সকী মতাংদা পল্লদুনা মহাক্না হায়খি মদুদি লৈবাক অসিনা চহি অসিদা অমেরিকা দোল্লর বিল্লিয়ন ৮৬৩ রোমগী এক্সপোর্তকী অৱাংবা মশিং অমা ফংলগনি। মহাক্না মখা তারদুনা হায়খি মদুদি ভারতকী পোৎলমশিং অমসুং সর্ভিসশিংগী ত্রেদ দিফিসিৎ অসি লৈবাক অসিগী চহিগী রেমিতেন্সীদগী য়াম্না নেম্না লৈরি, মসিনা মপাঙ্গল লৈবা শেন্মিৎলোনগী থবকশিং উৎলি।

মন্ত্রীনা হায়খি মদুদি ভারতনা মতম পুম্নমক্তা খুদোংচাদবশিংবু খুদোংচাবদা ওন্থোক্লি। মহাক্না হায়খি মদুদি লৈবাক অসিনা মতম পুম্নমক্তা অৱাবা মতমদা হেন্না মপাঙ্গল কনখৎহল্লি। মহাক্না হায়খি মদুদি হৌজিক মালেমগী ওইরিবা ফীভম অসি ভারতপু হেন্না মপাঙ্গল কনবা, পোত্থোক পুথোকপা অমসুং মশা-মরোমদোম লেপচবা ওইহন্নবা ৱেক-অপ কল অমা ওইনা লৌগদবনি।

আত্মানির্ভর ভারতকী মঙলানগী মতাংদা পল্লদুনা শ্রী গোয়ালনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা আত্মনির্ভর অমসুং ভারতকী তৌবা ঙম্বশিংদা থাজবা অসি লেপ্তনা লৈরি। মহাক্না হায়খি ভারতকী গ্রোথ স্তোরি অসি মপাঙ্গল কনখৎহন্নবা সরকার অমসুং ইন্দস্ত্রীনা পুন্না থবক তৌমিন্নগদবনি।

ভারতকী ইন্দস্ত্রীনা অমগা অমগা মতেং পাংনবগী তঙাইফদবা অদু মন্ত্রীনা ফোংদোকখি। ভারতকী ইন্দস্ত্রীগী অপুনবা চাউখৎপা অসিনা লৈবাক অসিগী তুংলমচৎপু মপাঙ্গল কনখৎহল্লগনি হায়না মহাক্না হায়খি। মহাক্না চহি কয়া অসিদা মশা-মরোমদোম লেপচবা, মগুন লৈবা, পোত্থোক পুথোকপা, অনৌবা পুথোকপা অমসুং অপুনবা থবক পায়খৎনবা ঙাংখিবা ৱারোলশিং অদু পনখি। হায়রিবা ৱাখল্লোনশিং অসিনা সরকারগী শেন্মিৎলোনগী ৱাখল্লোনবু মখা তানা লমজিংলি হায়না মহাক্না হায়খি।

শ্রী গোয়লনা ২০১৫দা হৌদোকখিবা এল.ই.দি. লাইতিং প্রোগ্রাম য়াওনা ইফিসিএন্সী ফগৎহন্নবা অমসুং ৱেস্তেজ হন্থহন্নবা পান্দম থম্লিবা খোংথাং কয়া পনখি। মহাক্না হায়খি মদুদি ইনর্জী ইফিসিএন্সীগী খোঙথাংশিংনা চহি খুদিংগী ইনর্জীগী শেনফমদা চাউরাক্না দোল্লর বিল্লিয়ন ১০ কনবা ঙমখ্রে। মসিনা তুং কোইনা চৎপা ঙম্নবা অমসুং অকোইবগী ফিভম ঙাক-শেনবদা মতেং পাংলি।

সেক্তর পুম্নমক্তা হেন্না ফবা থবক পায়খৎনবা হায়দুনা শ্রী গোয়লনা ইন্দস্ত্রীদা অপনবা হন্থহন্নবা, প্রদক্তিবিতী ফগৎহন্নবা অমসুং ইম্পোর্ত বিল অসি য়ারিবা মওং খুদিংমক্তা হন্থহন্নবা পুক্নিং চিংশিন্নবা হায়খি। মহাক্না হায়খি মদুদি ইন্দস্ত্রী অমসুং নাগরিকশিংগী কনবা হোৎনবা য়াওনা মেত্রো অমসুং রেপিদ রেল সিস্তেমশিং য়াওনা পব্লিক ত্রান্সপোর্ত ইনফ্রাস্ত্রকচরদা শেন থাদবনা পুন্না শেন্মিৎলোনবু মপাঙ্গল কনখৎহল্লগনি।

ভারতকী ফ্রী ত্রেদ এগ্রীমেন্তশিংগী মতাংদা, শ্রী গোয়ালনা হায়খি মদুদি হৌখিবা চহি অহুম অমসুং মঙাদা লৈবাক ৩৮গা লোয়ননা খুৎয়েক পীনখিবা এফ.তি.এ. মহাক্না হায়খি লৈবাকশিং অসিনা ভারতকা চাংদম্নবগী মহুত্তা মতেং পাংলি অমসুং ইম্পোর্তকী দিমান্দ য়াম্না লৈবা মালেমগী অচৌবা কৈথেলশিংদা খুদোংচাবা ফংহল্লি।

শ্রী গোয়লনা হায়খি মদুদি স্বিৎজর্লেন্দ, য়ুনাইতেদ স্তেৎস অমসুং য়ুরোপিয়ন য়ুনিয়নগী লৈবাকশিং অসি মী অমগী ইনকম অসি য়াম্না ৱাংই অমসুং মখোয়না ভারত্তগী হন্থবা মমলদা পোত্থোক পুথোকপা ঙমদে। শেন্মিৎলোনশিং অসিনা তেক্নোলোজী অমসুং ইন্দস্ত্রীএল কেপাসিতী মপাঙ্গল লৈরি, অদুগা ভারতনা কম্পিতিতিব মেন্যুফেকচরিং অমসুং তেলেন্তকী খুদোংচাবা লৈ, মসিনা লৈবাক অসিনা অচৌবা কৈথেলশিং অসি হেন্না ইফেক্তিব ওইবা মওংদা শিজিন্নবদা মতেং পাংগনি হায়না মহাক্না ফোংদোকখি।

মন্ত্রীনা হায়খি মদুদি এফ.তি.এ.শিং অসি ভারতকী এক্সপোর্ত তৌবা ঙম্বশিং মপাঙ্গল কনখৎহন্নবা, ইনভেস্তমেন্তশিং হেনগৎহন্নবা অমসুং মালেমগী কৈথেলশিংদা ভারতকী বিজিনেসশিংগীদমক অনৌবা খুদোংচাবশিং শেমগৎনবা পান্দম থম্লি। মহাক্না ইন্দস্ত্রীদা মখোয়গী ইন্তর্নেস্নেল প্রসিদেন্স পাকথোক চাউথোকহন্নবা অমসুং এক্সপোর্ত গ্রোথ খুমাং চাউশিলহন্নবা এগ্রীমেন্তশিং অসি শিজিন্ননবা হায়খি।

মালেমগী ওইবা ললোন-ইতিক্কী হোংলক্লিবা মওং-মতৌগী মতাংদা পল্লদুনা শ্রী গোয়লনা হায়খি মদুদি অনৌবা ললোন-ইতিক্কী এগ্রীমেন্তশিংদা মপাঙ্গল কনবা মোবিলিতী পার্তনরশিপ কম্পোনেন্তশিং য়াওরক্লি। মসিনা মালেমগী ওইবা ললোন-ইতিক্তা স্কিল লৈরবা প্রোফেস্নেলশিং অমসুং সর্বিসশিংগী খোঙচৎকী মরুওইবা হেনগৎলক্লিবা অদু উৎলি। মহাক্না ফোংদোকখি মদুদি হৌজিক্তি ভারত মচা মিল্লিয়ন ১০ হেনবনা গল্ফ লৈবাকশিংদা থবক তৌরি। হৌখিবা চহি ১২-১৩ অসিদা য়ু.এ.ই.দা থবক তৌরিবা ভারত মচাশিংগী মশীং অসি চাউরাক্না মিল্লিয়ন ১.৮দগী মিল্লিয়ন ৪.৫দা হেনগৎলে। মসিনা মালেমগী সর্ভিস ইকোনোমীদা ভারতকী চাওখৎলক্লিবা থৌদাং অদু উৎলি।

মন্ত্রীনা ইন্দস্ত্রীদা আর্তিফিসিএল ইন্তেলিজেন্স, রোবোতিক্স অমসুং ক্বান্তম কম্প্যুতিংবু গ্রোথ অমসুং কম্পিতিতিবনেসকীদমক ফোর্স মলতিপ্লাইয়রশিং ওইনা শিজিন্ননবা তকশিনখি। মহাক্না হায়খি এ.আই. অসি শেনফম হন্থহন্নবা খুৎলাই অমা ওইনা খক উরোইদবনি অদুবু বিজিনেস পাকথোক চাউথোকহনবা, ইফিসিএন্সী অমসুং মার্কেত গ্রোথকী খুৎলাই অমা ওইনা উগদবনি। শ্রী গোয়লনা সি.আই.আই.গুম্বা ইন্দস্ত্রী বোদীশিংদা আর্তিফিসিএল ইন্তেলিজেন্সকী ত্রান্সফোর্মেতিব পোতেন্সিএলগী মতাংদা কুপ্না খন্ননবা অমসুং আর্তিফিসিএল ইন্তেলিজেন্সনা বিজিনেসশিংবু হেন্না স্মার্ত, হেন্না প্রদক্তিব অমসুং মালেমগী থাক্তা চাংদম্নবা ঙম্নবা লমশিং থিজিনবা হায়খি।

শ্রী গোয়লনা ইন্দস্ত্রীদা এ.আই.বু হেন্না হৈথোই-শিংথোইনা শীজিন্ননবা মখোয়দা ত্রেনিং পীনবগীদমক্তা অখন্নবা প্রোগ্রামশিং পায়খৎনবা খঙহনখি। মহাক্না হায়খি মদুদি কম্পেনীশিংনা এ.আই.বু মেনপাৱর হন্থবগী মহুত্তা প্রদক্তিবিতী হেনগৎনবা, পাক-চাউবা মার্কেৎশিং লৌশিনবা অমসুং বিজিনেসশিং চাউখৎহন্নবা শীজিন্নগদবনি। সেক্তর খরদা তেক্নোলোজিকেল দিসরপ্তি মায়োক্নবসু, ভারতনা কোল সেন্তরশিংদগী বি.পি.ও.শিং, সোফৱেয়র সর্ভিসশিং অমসুং অৱাংবা থাক্কী বিজিনেস সোলুসনশিংদা চৎতুনা তেক্নোলোজীশিং হোংদোকপদা লেপ্পা লৈতনা খুমাং চাউশিল্লি হায়না মহাক্না মখা তাখি।

মহাক্না মখা তারদুনা হায়খি হোস্পিতালিতী, জুৱেলরী অমসুং মীওইবদা মরুওইবা ইন্দস্ত্রী কয়া অসি আর্তিফিসিএল ইন্তেলিজেন্সকী মতম অসিদসু মীওইবগী ক্রিএতিবিতী অমসুং স্কিলশিংদা মখা তানা য়ুম্ফম ওইগনি।

গ্লোবেল কেপবিলিতী সেন্তরশিং (জি.সি.সি.শিং) য়াম্না থুনা হেনগৎলক্লিবা অসিগী মতাংদা পল্লদুনা শ্রী গোয়লনা হায়খি মদুদি ভারত্তা জি.সি.সি. ১৮০০ রোম হৌজিক মথৌ তৌরি অমসুং লাক্কদৌরিবা চহিশিংদা অতোপ্পা ৫০০ হেন্না মথৌ তৌরগনি। মহাক্না হায়খি মদুদি জি.সি.সি.গী এক্সপোর্ত অসি চহি খুদিংগী চাউরাক্না ৪০-৫০% হেনগৎলক্লি অমসুং হৌজিক্তি চাউরাক্না দোল্লর বিল্লিয়ন ৫০ য়ৌরে অমসুং মীওই মিলিয়ন অনিরোম হকথেংননা থবক ফংহল্লি।

শ্রী গোয়লনা লেব-গ্রোথ দাইমন্দশিং, রিন্যুএবল ইনর্জীদা য়ুম্ফম ওইবা মেনুফেকচরিং অমসুং আর্তিফিসিএল জুৱেলরীগুম্বা সেক্তরশিংদা থোরক্লিবা খুদোংচাবশিং অদুসু পনখি। মহাক্না হায়খি মদুদি সেক্তরশিং অসিনা অচৌবা থবক পীবা অমসুং অনৌবা এক্সপোর্তকী খুদোংচাবশিং শেম্বা ঙম্মি।

লাক্কদৌরিবা চহি মঙাদগী তরুক ফাওবদা য়ু.এস.দোল্লর ত্রিলিয়ন ২গী এক্সপোর্তকী পান্দম ফংনবা হোৎননবা ইন্দস্ত্রীদা হায়জদুনা শ্রী গোয়লনা হায়খি মদুদি পান্দম অসি চহিগী ওইনা এক্সপোর্ত গ্রোথ চাদা ১৫গী চাংদা ফংহনবা ঙম্মি। মহাক্না ভারতকী ইন্দস্ত্রীগী তৌবা ঙম্বশিংদা থাজবা ফোংদোকখি অমসুং ওতোমোবাইল, স্তীল অমসুং স্তার্ত-অপশিং য়াওনা শেন্মিৎলোনগী সেক্তরশিংদা ইনোবেসন, কম্পিতিতিবনেস অমসুং গ্লোবেল মার্কেৎশিংদা পাকথোক চাউথোকপগী খুত্থাংদা চাউখৎপা অসি পুরকপগী ওইথোকপা লৈ হায়না মহাক্না হায়খি।

মন্ত্রীনা ইন্দস্ত্রীগীদমক পোইন্ত মরিগী ওইবা খোংথাং অমা লোইশিনখি অমসুং বিজিনেসশিংবু "ভারত্তা পুন্সিনবা"দগী "ভারত্তা দিজাইন তৌবা, ইঞ্জিনীয়র তৌবা অমসুং মেন্যুফেকচর তৌবা"দা ওন্থোক্নবা তকশিনখি। মহাক্না ইন্দস্ত্রীদা ভেল্যু চেনদা খুমাং চাউশিলহন্নবা, ভেল্যু চেন হেন্না চেৎশিলহন্নবা, হেন্না ৱাংবা ভেল্যু এদিসনদা মীৎয়েং থম্নবা অমসুং মরুওইবা কম্পোনেন্তশিংদা মশা-মরোমদোম লেপচিনবা হায়খি। শ্রী গোয়লনা ইন্দস্ত্রীগী বোদীশিং অমসুং কম্পেনীশিংনা লাক্কদৌরিবা চহিশিংদা ইন্দিজেনাইজেসন, লোকেলাইজেসন, ইম্পোর্তকী মথক্তা এক্সপোর্ত তৌবা অমসুং নেৎ ফোরেন এক্সচেঞ্জকী শেন্দোয় অসিগুম্বা লমশিংদা মাংজিল থানা চংশিনবা ঙম্নবা স্কোরকার্দশিং শেম্বা য়াই হায়না ফোংদোকখি।

ক্বালিতী অসি খন্ন-নৈনবা য়াদবা ওইগদবনি হায়না মরুওইনা পল্লদুনা শ্রী গোয়ালনা "জিরো দিফেক্ত, জিরো ইফেক্ত" মেনুফেকচরিংদা মীৎয়েং চংনবা হায়খি অমসুং ভারতকী মেনুফেকচরিং গ্রোথ স্তোরিদা সস্তেনেবিলিতী অমসুং ক্লাইমেৎ এৱারনেস অসি ইন্তিগ্রেন্ত ওইগদবনি হায়না মহাক্না হায়খি। মহাক্না হায়খি মদুদি ব্রেন্দ ইন্দিয়ানা অৱাংবা থাক্কী থাকশিং উৎকদবনি অমসুং তুংলমচৎতা মালেমগী বেঞ্চমার্ক অমা ওইগদবনি।

মন্ত্রীনা রিসর্স অমসুং দিবেলপমেন্ত অমসুং ইন্নোবেসনদা ইনবেস্তমেন্ত হেনগৎহনবগী মরুওইবা অদুসু পনখি অমসুং আর.এন্দ.দি.দা মালেমগী ইনবেস্তমেন্তশিং ভারত্তা লাকহন্নবা হায়খি। মহাক্না ভারতকী ইন্দস্ত্রীদা গ্লোবেল স্তেন্দর্দশিংগা মান্নবা দোমেস্তিক স্তেন্দর্দশিং পুরক্নবা অমসুং মালেমগী থাক্তা হেন্না কম্পিতিতিব ওইবা মীৎয়েং অমা লৌনবা হায়খি।

শ্রী গোয়লনা ইন্দস্ত্রীদা আর্তিফিসিএল ইন্তেলিজেন্স, মেছিন লর্নিং অমসুং ক্বান্তম কম্প্যুতিংগুম্বা অনৌবা তেক্নোলোজীশিংদা লুচিংদুনা চৎনবা তকশিনখি। মহাক্না হায়খি মদুদি ভারতনা আই.তি.গী রিভোলুসনগী মতমদা মালেমগী লুচিংবা ওইখিবগুম্না, ভারতকী তেলেন্তনা অনৌবা মতমগী তেক্নোলোজীগী মতমদা মালেমগী লুচিংবা ওইবগী মপাঙ্গল লৈ।

 ***