தொடர்ச்சியான கடல்சார் காப்பீட்டுப் பாதுகாப்புகளை எளிதாக்கும் நோக்கில், 1.4 பில்லியன் அமெரிக்க டாலர் / ₹12,980 கோடி உத்தரவாதத்துடன் கூடிய, 1.5 பில்லியன் அமெரிக்க டாலர் மதிப்பிலான 'பாரத கடல்சார் காப்பீட்டுத் தொகுப்பு' (BMIP) என்ற உள்நாட்டுக் காப்பீட்டுத் தொகுப்பை, நிதி அமைச்சகத்தின் நிதிச் சேவைகள் துறைச் செயலாளர் தலைமையில் இன்று தொடங்கி வைக்கும் நிகழ்வு நடைபெற்றது. தற்போதைய மத்திய கிழக்கு பதற்றங்களின் பின்னணியில், இந்தியக் கொடி தாங்கிய அல்லது இந்தியக் கட்டுப்பாட்டில் உள்ள கப்பல்கள் அல்லது இந்தியாவிற்கு வரும் அல்லது இந்தியாவிலிருந்து புறப்படும் கப்பல்களுக்கான கப்பல் மற்றும் இயந்திரங்கள், சரக்கு மற்றும் போர் அபாயம் போன்ற அனைத்து கடல்சார் அபாயங்களையும் இந்தத் தொகுப்பு உள்ளடக்கியுள்ளது.

இந்த நிகழ்ச்சியில், நிதிச் சேவைகள் துறையின் சிறப்புச் செயலாளர் திரு சஞ்சய் லோஹியா, கூடுதல் செயலாளர் திரு தேபாசிஷ் ப்ருஸ்டி, இந்தியப் பொதுக் காப்பீட்டுக் கழகத்தின் தலைவர் மற்றும் நிர்வாக இயக்குநர் திரு ஹிதேஷ் ஜோஷி, நியூ இந்தியா அஷ்யூரன்ஸ் கம்பெனி லிமிடெட்டின் தலைவர் மற்றும் நிர்வாக இயக்குநர் திருமதி கிரிஜா சுப்ரமணியன், பொதுக் காப்பீட்டுக் கவுன்சிலின் பொதுச் செயலாளர் திருமதி கஸ்தூரி சென்குப்தா மற்றும் துறைமுகங்கள், கப்பல் போக்குவரத்து மற்றும் நீர்வழிகள் அமைச்சகத்தின் இயக்குநர் திரு ஓபேஷ் குமார் சர்மா உள்ளிட்ட மூத்த அதிகாரிகள் கலந்துகொண்டனர்.

அதிக அபாயம் நிறைந்த போர் மண்டலங்கள் வழியாகப் பயணிக்கும்போது ஏற்படும் போர் அபாயங்களுக்கு எதிராக நிதிப் பாதுகாப்பை வழங்கும், நியூ இந்தியா அஷ்யூரன்ஸ் லிமிடெட் நிறுவனத்தால் பாரத கடல்சார் காப்பீட்டுத் தொகுப்பின்  கீழ் வழங்கப்பட்ட முதல் கடல்சார் கப்பல் மற்றும் இயந்திரங்கள் போர் காப்பீட்டு ஆவணத்தை மெஸ்ஸர்ஸ் ஹோகர் ஆஃப்ஷோர் அண்ட் மரைன் பிரைவேட் லிமிடெட் நிறுவனத்திடம் திரு எம். நாகராஜு வழங்கினார். மேலும், கேபிள் வயர்களின் இறக்குமதியை உள்ளடக்கிய ஒரு கடல்சார் சரக்குப் போர் காப்பீட்டுத் திட்டம் மெஸ்ஸர்ஸ் வேதாந்தா ஸ்டெர்லைட் காப்பர் லிமிடெட் நிறுவனத்திற்கு வழங்கப்பட்டது.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்: https://www.pib.gov.in/PressReleasePage.aspx?PRID=2260413&reg=3&lang=1

(Release ID: 2260413)

****

TV/BR/SH