ہندوستان میں کھاد کی فراہمی کا نظام مضبوط اور مستحکم ہے، کیونکہ حکومت تمام اہم زمروں میں کھاد کی دستیابی کو مسلسل ضروریات سے زیادہ برقرار رکھنے کو یقینی بنا رہی ہے۔ آنے والے خریف 2026 سیزن کے لیے ایک اہم پیش رفت کے طور پر، محکمہ زراعت اور کسانوں کی بہبود (ڈی اے اینڈ ایف ڈبلیو)نے کھاد کی کل ضرورت کا تخمینہ 390.54 لاکھ میٹرک ٹن )ایل ایم ٹی ) لگایا ہے۔ حکومت کے ان اقدامات کا مقصد کسانوں کو سیزن کے دوران کسی بھی قسم کی قلت سے بچانا اور زرعی پیداوار کو بلاتعطل جاری رکھنا ہے۔

آج کی تاریخ تک، ہندوستان کے پاس 199.65 لاکھ میٹرک ٹن کا تسلی بخش اسٹاک موجود ہے، جو سیزن کی طلب کے 51 فیصد سے زیادہ حصے کو پورا کرتا ہے۔ یہ بفر اسٹاک کی معمول کی سطح (تقریباً 33 فیصد) کے مقابلے میں ایک بڑا اضافہ ہے، جو کھادوں کی پیشگی ذخیرہ اندوزی اور بہتر لاجسٹکس مینجمنٹ کی عکاسی کرتا ہے۔

بحران کے بعد بحالی

حالیہ بحرانی دور کے بعد، مقامی پیداوار اور درآمدات میں تیزی سے اضافہ ہوا ہے، جس سے مجموعی دستیابی میں تقریباً 97 لاکھ میٹرک ٹن کا اضافہ ہوا ہے۔ اس میں صرف مقامی پیداوار کا حصہ 76.78 لاکھ میٹرک ٹن رہا، جبکہ ہندوستانی بندرگاہوں پر پہنچنے والی درآمدات کی مقدار 19.94 لاکھ میٹرک ٹن رہی۔

بحران کے بعد کھادوں کی مقامی پیداوار اور درآمدات (لاکھ ٹن میں):

عالمی ٹینڈرز اور مستقبل کی فراہمی

طلب میں اضافے کے دوران کھاد کی صفر قلت کو یقینی بنانے کے لیے، ہندوستان کی فرٹیلائزر کمپنیوں نے 12 لاکھ میٹرک ٹن   ڈی اے پی  ، 4 لاکھ میٹرک ٹن ٹی ایس پی   اور 3 لاکھ میٹرک ٹن امونیم سلفیٹ کے لیے مجموعی عالمی ٹینڈرز شروع کر دیے ہیں۔ مزید برآں، خام مال کے لیے بھی ٹینڈرز جاری ہیں جن میں 5.36 لاکھ میٹرک ٹن امونیا اور 5.94 لاکھ میٹرک ٹن سلفر شامل ہیں۔

حکومت نے اس بات کی بھی تصدیق کی ہے کہ ایس او ایچ   سے باہر سے حاصل کردہ تقریباً 7 لاکھ میٹرک ٹن این پی کے   مئی اور جون کے دوران ہندوستانی بندرگاہوں پر پہنچنے کی توقع ہے۔

قیمتوں میں استحکام اور مانیٹرنگ

کسان برادری کے لیے ایک بڑے ریلیف کے طور پر، حکومت نے اعلان کیا ہے کہ اہم کھادوں کی زیادہ سے زیادہ خوردہ قیمت  میں کوئی تبدیلی نہیں کی گئی ہے۔ محکمہ کھاد  باقاعدگی سے یوریا اور پی اینڈ کے   کی پیداوار کے لیے خام مال کی دستیابی کا جائزہ لے رہا ہے اور سپلائی چین میں سرمائے کی روانی   کو برقرار رکھنے کے لیے ہفتہ وار بنیادوں پر سبسڈی کے بلوں کی ادائیگی کر رہا ہے۔

سکریٹریوں کے بااختیار گروپ  نے دستیابی کے چیلنجوں سے نمٹنے کے لیے اب تک آٹھ میٹنگز منعقد کی ہیں، تاکہ اس بات کو یقینی بنایا جا سکے کہ کسانوں کو بغیر کسی رکاوٹ کے سستی شرحوں پر کھادیں ملتی رہیں۔

************

ش ح ۔   م  د ۔  م  ص

(U : 6929 )