قبائلی امور کے مرکزی وزیر مملکت جناب درگا داس یوکی نے لوک سبھا کو مطلع کیا کہ آدی وانی ایک اے آئی سے چلنے والا ترجمہ پلیٹ فارم ہے جو قبائلی زبانوں کی دستاویزات اور ڈیجیٹلائزیشن کے لیے بھی استعمال ہوتا ہے۔ فی الحال، ایپ اور ویب پورٹل درج ذیل زبانوں کو سپورٹ کرتا ہے:

 

• گونڈی (چھتیس گڑھ)
• منڈاری (جھارکھنڈ)
• بھِلی (مدھیہ پردیش)
• سنتالی (اڈیشہ)

اس کے علاوہ دو زبانیں یعنی کوئی (اڈیشہ) اور گارو (میگھالیہ) ترقی کے مرحلے میں ہیں۔

منصوبے کے دوسرے مرحلے میں آدی-وانی میں درج ذیل سات زبانوں کو شامل کرنے کی تجویز ہے:

• کٹکاری (مہاراشٹر)
• کویا (آندھرا پردیش)
• کوکبورک (تریپورہ)
• بیٹا کوروبا (کرناٹک)
• تھادو کُکی اور تنگخول (منی پور)
• چوڈری (گجرات)

یہ منصوبہ بھارت کی قبائلی زبانوں کے تحفظ اور انہیں ڈیجیٹل طور پر محفوظ بنانے کی ایک اہم کوشش ہے۔

حکومت اس بات سے آگاہ ہے کہ جدیدیت، سماجی و اقتصادی تبدیلیوں اور دیگر عوامل کے باعث قبائلی برادریوں کی لسانی اور ثقافتی روایات میں تبدیلی آ رہی ہے۔

ان زبانوں کوآدی-وانی کے آئندہ مراحل میں شامل کرنے پر غور کیا جا سکتا ہے، جس کا مقصد ملک بھر کی مزید قبائلی زبانوں کو مرحلہ وار شامل کر کے ان کی دستاویز بندی، تحفظ اور ڈیجیٹل رسائی کو وسعت دینا ہے۔

تجویز کردہ برادریوں کی زبانوں کی دستاویز سازی اور ڈیجیٹلائزیشن کا عمل مرحلہ وار انداز میں متعلقہ ریاستی قبائلی تحقیقاتی اداروں (ٹی آر آئیز) کے تعاون سے انجام دیا جائے گا۔ اس عمل کی ٹائم لائن مقامی اسٹیک ہولڈرز کے ساتھ تعاون اور فیلڈ ڈاکیومنٹیشن کے دائرہ کار پر منحصر ہوگی۔

*******

ش ح۔ش ت ۔ رض

U-6901

(ریلیز آئی ڈی: 2259739) وزیٹر کاؤنٹر : 17