ہندوستان کی برکس صدارت کے تحت برکس ایمپلائمنٹ ورکنگ گروپ (ای ڈبلیو جی) کی دوسری میٹنگ آج ترواننت پورم میں کامیابی کے ساتھ اختتام پذیر ہوئی ۔ یہ میٹنگ ہندوستان کی 2026 کی برکس صدارت کے موضوع-استحکام ، اختراع ، تعاون اور پائیداری کی تعمیر پر مبنی تھی ۔

اس میٹنگ میں دو دن کی گہری اور نتیجہ خیز بات چیت ہوئی اور اس میں برکس کے رکن ممالک کے ممتاز مندوبین ، بین الاقوامی لیبر آرگنائزیشن (آئی ایل او) انٹرنیشنل سوشل سکیورٹی ایسوسی ایشن (آئی ایس ایس اے) اور اقوام متحدہ کے ہندوستان سمیت علمی شراکت داروں کے ساتھ ساتھ ہندوستان کی وزارت خارجہ اور ہنر مندی کے فروغ اور صنعت کاری کی وزارت کے نمائندے بھی شامل ہوئے ۔

میٹنگ کے پہلے دن تین ترجیحی شعبوں: سماجی تحفظ اور رسمی شکل کو آگے بڑھانے، خواتین کی لیبر فورس کی شرکت  میں اضافہ کرنے اور روزگار اور مہارت  کے فروغ سے متعلق تعاون کو مضبوط کرنے  پر توجہ مرکوز کی گئی ۔ ممبر ممالک شراکت دار اور غیر شراکت دار میکانزم کے ذریعے ہر طرح کے کام میں سماجی تحفظ کی کوریج کو بتدریج بڑھانے کے مشترکہ وژن کے سلسلے میں یکجا ہوئے ۔ خواتین کی شرکت پر ، اراکین نے اس بات پر زور دیا کہ خواتین لیبر فورس کی شرکت کی شرح (ایف ایل ایف پی آر) ترقی کا ایک اہم پیمانہ ہے ، جو پیداواریت ، معاشی استحکام اور جامع لیبر مارکیٹوں میں براہ راست تعاون دیتی ہے ۔ روزگار اور مہارت کی نقشہ سازی کے تحت ، زندگی بھر سیکھنے ، پیشہ ورانہ تربیت ، اور بہتر مہارت  اور  ملازمت کے ملاپ کی اہمیت پر اتفاق رائے پایا گیا ۔ پیشہ کی حوالہ جاتی درجہ بندی پر ہندوستان کی جاری فزیبلٹی اسٹڈی  کو، جو آئی ایل او کے تعاون سے کی گئی ہے ،  مہارتوں اور قابلیت کی مشترکہ زبان تیار کرنے کے لیے ایک نیک پہل کے طور پر خوب پذیرائی ملی ۔

وفود نے تعاون کے جذبے اور جنوب-جنوب تعاون کو سراہا جو پہلے دن کی سرگرمیوں کی خاصیت ہے ۔ شام کو ، مندوبین کے لیے ایک ثقافتی پروگرام کا انعقاد کیا گیا ، جس میں بھرت ناٹیم ، موہنی اٹم ، کلاریپائیٹو ، میورا نرتھم ، مارگمکلی اور اوپانا جیسے متحرک لوک اور کلاسیکی فن کے ذریعے کیرالہ کے بھرپور ورثے کی نمائش کی گئی ، جس میں شرکاء کو ’’خدا کے اپنے ملک‘‘ کے موضوع کے تحت ایک ثقافتی تجربہ پیش کیا گیا ۔

میٹنگ کے دوسرے دن مسلسل بات چیت ہوئی ، جس میں مندوبین نے برکس ممالک کے درمیان ترجیحات کی ہم آہنگی پر زور دیا ۔ غیر رسمی اور کام کرنے والے کارکنوں کو سماجی تحفظ فراہم کرنے ، لیبر مارکیٹوں میں صنفی فرق کو ختم کرنے اور تیزی سے ابھرتی ہوئی مہارت کی ضروریات کا جواب دینے جیسے مشترکہ چیلنجوں سے نمٹنے کے لیے گہرے تعاون ، معلومات کے اشتراک کے مضبوط طریقہ کار اور مربوط کارروائی کی ضرورت کو مشترکہ طور پر تسلیم کیا گیا ۔

اس کے بعد چوتھے ترجیحی شعبے پر غور و خوض کیا گیا: گیگ اور پلیٹ فارم ورکرز سمیت تمام کارکنوں کے لیے ڈیجیٹل ٹیکنالوجی سے فائدہ اٹھانے کے بارے میں  رکن ممالک نے تسلیم کیا کہ ڈیجیٹلائزیشن کا عمل پر کام کی نوعیت کو نئی شکل دے رہا ہے اور رسائی کو بہتر بنانے ، شفافیت کو بڑھانے اور سماجی تحفظ اور روزگار سے متعلق خدمات کی بھرپور فراہمی کے لیے اہم موقعے دیتی ہے ۔ اس کے ساتھ ہی ، ممالک نے ابھرتے ہوئے خطرات سے نمٹنے اور اس بات کو یقینی بنانے کی ضرورت پر زور دیا کہ ڈیجیٹل تبدیلی جامع ، مساوی اور کارکنوں پر مرکوز رہے ۔ بات چیت رجسٹریشن سسٹم ، فائدے کی فراہمی کے طریقہ کار ، ڈیٹا پر مبنی حکمرانی  اور ٹیکنالوجی پر مبنی حل سے متعلق بہترین طریقوں کے تبادلے پر مرکوز تھی ۔

میٹنگ میں  ایک دوسرے کو معلومات فراہم کرنے کا ایک خصوصی اجلاس بھی منعقد کیا گیا ، جس کے دوران برکس ممالک نے اپنے متعلقہ قومی سیاق و سباق سے متعلق اختراعی اقدامات اور تجربات پیش کیے ، جن میں ہندوستان کا این سی ایس اور ای-شرم ، مصر کے موبائل ٹریننگ یونٹ ، متحدہ عرب امارات کا ویج پروٹیکشن سسٹم اور بے روزگاری انشورنس اسکیم ، اور برازیل کا مساوی تنخواہ کا قانون شامل ہیں ۔ ان تبادلوں نے مشترکہ لیبر مارکیٹ کے چیلنجوں سے نمٹنے میں ہم مرتبہ سیکھنے اور باہمی تعاون کی اہمیت کو تقویت دی ۔

اجلاس کا اختتام تعاون ، اتفاق رائے اور مشترکہ تعلیم پر مبنی جامع ، لچکدار اور مستقبل کے لیے تیار لیبر مارکیٹوں کی تعمیر کی غرض سے مل کر کام کرنے کے لیے برکس کے رکن ممالک کے اجتماعی عزم کے اعادہ کے ساتھ ہوا ۔

…………………

(ش ح۔ ا س ۔ ت ح)

U.No.: 6785

(ریلیز آئی ڈی: 2258920) وزیٹر کاؤنٹر : 8