نئی دہلی میں این ایس ٹی کانکلیو 2026 میں شرکت کرنے والے 30 سے زیادہ ممالک کے اراکین پارلیمنٹ ، صنعت کے لیڈروں اور مفکرین کے ایک وفد نے آج پارلیمنٹ ہاؤس میں لوک سبھا اسپیکر جناب اوم برلا سے ملاقات کی ۔ اس موقع پر خطاب کرتے ہوئے جناب برلا نے پارلیمنٹ ہاؤس میں مختلف جمہوریتوں کے عوامی نمائندوں اور دیگر معززین کی میزبانی پر خوشی کا اظہار کیا اور عالمی پارلیمانی مکالمے کی اہمیت پر روشنی ڈالی ۔

جناب برلا نے این ایس ٹی 2026 کانکلیو پہل کی قیادت کرنے کے لیے راجیہ سبھا کے رکن پارلیمنٹ جناب کارتیکیہ شرما کی تعریف کی ، جو پالیسی پر بحث ومباحثہ  اختراع اور بین الاقوامی تعاون کے لیے ایک اہم پلیٹ فارم کے طور پر ابھر رہا ہے ۔ جناب برلا نے کہا کہ یہ کانکلیو عصری عالمی چیلنجوں اور مواقع پر غور و فکر کرنے کے لیے دنیا بھر کے پارلیمنٹیرینز ، پالیسی سازوں اور مفکرین کو یکجاکرتا ہے ۔

ہندوستان کے جمہوری ورثے کو اجاگر کرتے ہوئے جناب برلا نے کہا کہ دنیا کی سب سے بڑی جمہوریت کے طور پر ہندوستان کو اکثر ‘‘جمہوریت کی ماں’’ کہا جاتا ہے ، جو بات چیت ، اتفاق رائے اور شراکت دارانہ فیصلہ سازی کی ملک کی طویل روایت کی عکاسی کرتا ہے ۔ جناب برلا نے اس بات پر روشنی ڈالی کہ ہندوستان کی پارلیمنٹ 1.4 ارب شہریوں کی امنگوں اور تنوع کی نمائندگی کرتی ہے ، جہاں پالیسیاں متنوع نقطہ نظر کے درمیان بحث اور بات چیت کے ذریعے تشکیل دی جاتی ہیں ۔

جناب برلا نے پچھلی دہائی کے دوران جامع ترقی ، ڈیجیٹل اختراع اور اچھی حکمرانی میں ہندوستان کی پیش رفت کو بھی اجاگر کیا ۔ انہوں نے کہا کہ ٹیکنالوجی پر مبنی حکمرانی ، براہ راست فائدے کی منتقلی کے طریقہ کار اور ڈیجیٹل پلیٹ فارم نے عوامی انتظامیہ میں شفافیت اور جواب دہی کو نمایاں طور پر مستحکم کیا ہے۔

جناب برلا نے ڈیجیٹل سنسد ، بہتر پارلیمانی تحقیقی نظام اور جدید معلوماتی پلیٹ فارم جیسے اقدامات کے ذریعے پارلیمانی عمل میں شفافیت اور کارکردگی کو بڑھانے کے لیے ابھرتی ہوئی ٹیکنالوجیز اور مصنوعی ذہانت سے فائدہ اٹھانے پر ہندوستان کی توجہ پر روشنی ڈالی ۔

پارلیمانی سفارت کاری کی اہمیت کا اعادہ کرتے ہوئے اسپیکر نے کہا کہ ہندوستانی پارلیمنٹ نے حال ہی میں دنیا بھر کی قانون سازوں کے ساتھ روابط اور تعاون کو مستحکم کرنے کے لیے 60 سے زیادہ پارلیمانی فرینڈشپ گروپ تشکیل دیے ہیں ۔

جناب برلا نے عالمی سطح پر جمہوری اداروں کو مضبوط بنانے کے لیے اراکین پارلیمنٹ کے درمیان علم ، خیالات اور تجربات کے زیادہ سے زیادہ تبادلے کی حوصلہ افزائی کی ۔ انہوں نے اس اعتماد کا اظہار کیا کہ این ایس ٹی کانکلیو 2026 میں ہونے والی بات چیت سے جمہوری تعاون ، باہمی افہام و تفہیم اور ممالک کے درمیان شراکت داری کو مزید تقویت ملے گی ۔

نئی دہلی میں منعقد ہونے والا این ایس ٹی کانکلیو 2026 ،  حکمرانی، ٹیکنالوجی اور بین الاقوامی تعاون میں ابھرتے ہوئے چیلنجوں اور مواقع پر غور و فکر کرنے کے لیے پارلیمنٹیرینز ، پالیسی سازوں ، صنعت کے رہنماؤں اور عالمی مفکرین کو یکجا کرتا ہے۔

*****

 (ش ح ۔اک  ۔م ذ)

U. No.6702