প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা ইন্দিয়া সেমিকন্দক্তর মিসন (আই.এস.এম.) গী মখাদা সেমিকন্দক্তর প্রোজেক্ত অনিগী অয়াবা পীখ্রে, মসিগী মনুংদা জি.এ.এন.(গেলিয়ম নাইত্রাইদ) তেক্নোলোজীদা য়ুম্ফম ওইবা লৈবাক অসিগী অহানবা কম্মর্সিএল মিনি/মাইক্রো-এল.ই.দি. দিস্প্লে ফেসিলিতী অমসুং সেমিকন্দক্তর পেকেজিং ফেসিলিতী অমা য়াওরি।

অয়াবা পীরবা প্রপোজেল অনি অসিনা গুজরাত্তা সেমিকন্দক্তর মেন্যুফেকচরিং ফেসিলিতীশিং লুপা করোর ৩,৯৩৬কী অপুনবা ইনভেস্তমেন্ত অমগা লোয়ননা লিংখৎকনি অমসুং স্কিল লৈরবা প্রোফেস্নেল ২২৩০গীদমক অপুনবা থবক ফংহল্লগনি হায়না পানরি।

অয়াবা পীরবা প্রপোজেল অনিগী অকুপ্পা ৱারোল মখাদা পীরি:

1. ক্রিস্তল মেত্রিক্স লিমিতেদ (সি.এম.এল.) না কম্পাউন্দ সেমিকন্দক্তর ফেব্রিক্সনগীদমক ইন্তিগ্রেতেদ ফেসিলিতী অমা অমসুং মিনি/মাইক্রো-এল.ই.দি. দিস্প্লে মোদ্যুলশিং শানবগীদমক গুজরাতকী ধোলেরাদা  এ.তি.এম.পি. লিংখৎকনি। ইন্তিগ্রেতেদ ফেসিলিতী অসিনা ৬” ৱেফরশিংদা ইপিতেক্সি য়াওনা জি.এ.এন. ফাউন্দ্রি সর্ভিসশিংসু ফংহল্লগনি। মিনি/মাইক্রো-এল.ই.দি. দিস্প্লে পেনেলশিংগী চহিগী ওইবা প্রোপোজ তৌরিবা প্রদক্সন কেপাসিতী অসি স্ক্বার মিতর ৭২,০০০নি, অমসুং মিনি-মাইক্রো-এল.ই.দি. জি.এ.এন. ইপিতেক্সি ৱেফরশিংগী ওইনা আর.জি.বি. ৱেফরশিংগী সেৎ ২৪,০০০নি। প্রপোজ তৌরিবা প্রদক্তশিং অসি তি.ভি.শিং অমসুং সিগ্নেজ/কমর্সিএল দিসপ্লেশিংগী অচৌবা দিস্প্লেশিং, তেব্লেৎশিং, স্মার্তফোনশিং, অমসুং কারগী দিস্প্লেশিংগী মেদিয়ম-সাইজ দিস্প্লেশিং, অমসুং এক্সতেন্দেদ রিএলিতী (এক্স.আর.) গ্লাসশিং অমসুং স্মার্ত ৱাৎচশিংগী মাইক্রো-দিস্প্লেশিংদা শীজিন্নগনি।
2. সুচি সেমিকোন প্রাইবেৎ লিমিতেদ (এস.এস.পি.এল.) না গুজরাতকী সুরত্তা দিস্ক্রিৎ সেমিকন্দক্তরশিং পুথোক্নবা আউতসোর্স সেমিকন্দক্তর এসেমব্লী অমসুং তেস্ত (ও.এস.এ.তি.) ফেসিলিতী অমা লিংখৎলগনি। সুচি সেমিকোনগী প্রপোজ তৌরিবা প্রদক্সন কেপাসিতী অসি চহিদা চিপ মিলিয়ন ১০৩৩.২০নি। পান্দম থম্লিবা এপ্লিকেসনশিংগী মনুংদা পাৱর ইলেক্ত্রোনিক্স, এনালোগ আই.সি.শিং অমসুং ইন্দস্ত্রিএল সিস্তেমশিং য়াওরি, অমসুং মখোয়না ওতোমোতিব, ইন্দস্ত্রিএল ওতোমেসন অমসুং কঞ্জ্যুমর ইলেক্ত্রোনিক্সকুম্বা এন্দ মার্কেৎশিংদা সর্ব তৌরিবশিং য়াওরি।

মসিগী অয়াবা অনি অসিগা লোয়ননা, ইন্দিয়া সেমি-কন্দক্তর মিসন (আই.এস.এম.) গী মখাদা অয়াবা পীরবা প্রোজেক্তশিংগী অপুনবা ইনভেস্তমেন্ত লুপা করোর লাখ ১.৬৪ রোমগা লোয়ননা মশিং অসি ১২ য়ৌদুনা লৈবাক অসিদা সেমি-কন্দক্তর ইকোসিস্তেমদা চাউনা মতেং পাংগনি।

মসিনা লৈবাক অসিদা মালেমগী থাক্তা চাউখৎলক্লিবা চিপ দিজাইন তৌবা ঙম্বগী মগুন অদু মপুং ফাহনগনি, মসি সরকারনা একাদমিক ইন্সতিত্যুসন ৩১৫ অমসুং স্তার্ত-অপ ১০৪দা দিজাইন ইনফ্রাস্ত্রকচর সপোর্ত ফংহন্দুনা শাহৌ পীখি।

ভারতকী সেমিকন্দক্তর ইকোসিস্তেমদা মোমেন্তম অসি মখা তানা হেনগৎলক্লি, অয়াবা পীরবা প্রোজেক্ত ১০ অসি হান্ননা থবক পায়খৎপগী তোঙান তোঙানবা তাঙ্ককশিংদা লৈরে। প্রোজেক্ত অনিগী হান্নদগী ভারত্তগী কম্মর্সিএল শিপমেন্ত হৌখ্রে অমসুং অতোপ্পা অনিসু অথুবা মতমদা কম্মর্সিএল শিপমেন্ত হৌরগনি হায়না পানরি।

***