ਸੰਚਾਰ ਮੰਤਰਾਲੇ ਦਾ ਦੂਰਸੰਚਾਰ ਵਿਭਾਗ (DoT), ਭਾਰਤ ਸਰਕਾਰ ਦੇ ਰਾਸ਼ਟਰੀ ਆਫ਼ਤ ਪ੍ਰਬੰਧਨ ਅਥਾਰਿਟੀ (NDMA) ਦੇ ਸਹਿਯੋਗ ਨਾਲ, ਦੇਸ਼ ਭਰ ਵਿੱਚ ਮੋਬਾਈਲ-ਅਧਾਰਿਤ ਆਫ਼ਤ ਸੰਚਾਰ ਪ੍ਰਣਾਲੀਆਂ ਨੂੰ ਮਜ਼ਬੂਤ ਕੀਤਾ ਜਾ ਰਿਹਾ ਹੈ ਤਾਂ ਜੋ ਨਾਗਰਿਕਾਂ ਨੂੰ ਸਮੇਂ ਸਿਰ ਮਹੱਤਵਪੂਰਨ ਜਾਣਕਾਰੀ ਪਹੁੰਚਾਈ ਜਾ ਸਕੇ।

NDMA ਨੇ ਸਫਲਤਾਪੂਰਵਕ ਏਕੀਕ੍ਰਿਤ ਅਲਰਟ ਸਿਸਟਮ (SACHET) ਨੂੰ ਲਾਗੂ ਕੀਤਾ ਹੈ, ਜਿਸ ਨੂੰ ਦੂਰਸੰਚਾਰ ਵਿਭਾਗ ਦੇ ਇੱਕ ਪ੍ਰਮੁੱਖ ਖੋਜ ਅਤੇ ਵਿਕਾਸ ਕੇਂਦਰ, ਸੈਂਟਰ ਫਾਰ ਡਿਵੈਲਪਮੈਂਟ ਆਫ਼ ਟੈਲੀਮੈਟਿਕਸ (C-DOT) ਦੁਆਰਾ ਵਿਕਸਿਤ ਕੀਤਾ ਗਿਆ ਹੈ। ਇਹ ਸਿਸਟਮ ਅੰਤਰਰਾਸ਼ਟਰੀ ਦੂਰਸੰਚਾਰ ਯੂਨੀਅਨ (ITU) ਦੁਆਰਾ ਸਿਫ਼ਾਰਸ਼ ਕੀਤੇ ਗਏ ਕੌਮਨ ਅਲਰਟਿੰਗ ਪ੍ਰੋਟੋਕੋਲ (CAP) 'ਤੇ ਅਧਾਰਿਤ ਹੈ। ਇਹ ਵਰਤਮਾਨ ਵਿੱਚ ਭਾਰਤ ਦੇ ਸਾਰੇ 36 ਰਾਜਾਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਵਿੱਚ ਕਾਰਜਸ਼ੀਲ ਹੈ ਅਤੇ ਭੂ-ਟੀਚਾਬੱਧ ਖੇਤਰਾਂ ਵਿੱਚ ਮੋਬਾਈਲ ਉਪਭੋਗਤਾਵਾਂ ਨੂੰ SMS ਰਾਹੀਂ ਆਫ਼ਤ ਅਤੇ ਐਮਰਜੈਂਸੀ ਚੇਤਾਵਨੀਆਂ ਪ੍ਰਦਾਨ ਕਰਦਾ ਹੈ।

ਆਫ਼ਤ ਪ੍ਰਬੰਧਨ ਅਧਿਕਾਰੀਆਂ ਦੁਆਰਾ ਇਸ ਪ੍ਰਣਾਲੀ ਦੀ ਵਰਤੋਂ ਵਿਆਪਕ ਤੌਰ 'ਤੇ ਕੀਤੀ ਗਈ ਹੈ, ਜਿਸ ਰਾਹੀਂ ਹੁਣ ਤੱਕ ਕੁਦਰਤੀ ਆਫ਼ਤਾਂ, ਮੌਸਮ ਚੇਤਾਵਨੀਆਂ ਅਤੇ ਚੱਕਰਵਾਤ ਘਟਨਾਵਾਂ ਦੌਰਾਨ 19 ਤੋਂ ਵੱਧ ਭਾਰਤੀ ਭਾਸ਼ਾਵਾਂ ਵਿੱਚ 134 ਬਿਲੀਅਨ ਤੋਂ ਵੱਧ SMS ਚੇਤਾਵਨੀਆਂ ਭੇਜੀਆਂ ਗਈਆਂ ਹਨ।

ਸਮੇਂ-ਸੰਵੇਦਨਸ਼ੀਲ ਐਮਰਜੈਂਸੀਆਂ ਜਿਵੇਂ ਕਿ ਸੁਨਾਮੀ, ਭੂਚਾਲ, ਬਿਜਲੀ ਡਿੱਗਣ, ਅਤੇ ਗੈਸ ਲੀਕ ਜਾਂ ਰਸਾਇਣਕ ਖਤਰਿਆਂ ਵਰਗੀਆਂ ਮਾਨਵ-ਨਿਰਮਿਤ ਆਫਤ ਸਥਿਤੀਆਂ ਵਿੱਚ ਚੇਤਾਵਨੀ ਪ੍ਰਣਾਲੀ ਨੂੰ ਹੋਰ ਮਜ਼ਬੂਤ ਕਰਨ ਲਈ, SMS ਦੇ ਨਾਲ-ਨਾਲ ਸੈੱਲ ਬ੍ਰੌਡਕਾਸਟ (CB) ਤਕਨਾਲੋਜੀ ਵੀ ਸ਼ੁਰੂ ਕੀਤੀ ਗਈ ਹੈ। ਸੈੱਲ ਬ੍ਰੌਡਕਾਸਟ ਸਿਸਟਮ ਵਿੱਚ, ਇੱਕ ਖਾਸ ਭੂਗੋਲਿਕ ਖੇਤਰ ਦੇ ਅੰਦਰ ਸਾਰੇ ਮੋਬਾਈਲ ਡਿਵਾਈਸਾਂ ਨੂੰ ਇੱਕੋ ਸਮੇਂ ਚੇਤਾਵਨੀਆਂ ਭੇਜੀਆਂ ਜਾਂਦੀਆਂ ਹਨ, ਜੋ ਲਗਭਗ ਅਸਲ-ਸਮੇਂ ਦੀ ਜਾਣਕਾਰੀ ਪ੍ਰਦਾਨ ਕਰਦੀਆਂ ਹਨ।

ਇਸ ਸੈੱਲ ਬ੍ਰੌਡਕਾਸਟ-ਅਧਾਰਿਤ ਜਨਤਕ ਐਮਰਜੈਂਸੀ ਚੇਤਾਵਨੀ ਪ੍ਰਣਾਲੀ ਨੂੰ ਸਵਦੇਸ਼ੀ ਤੌਰ 'ਤੇ ਵਿਕਸਿਤ ਕਰਨ ਅਤੇ ਲਾਗੂ ਕਰਨ ਦੀ ਜ਼ਿੰਮੇਵਾਰੀ C-DOT ਨੂੰ ਸੌਂਪੀ ਗਈ ਹੈ।

ਦੇਸ਼ ਵਿਆਪੀ ਲਾਗੂਕਰਨ ਅਤੇ ਸੈੱਲ ਬ੍ਰੌਡਕਾਸਟ ਵਿਸ਼ੇਸ਼ਤਾ ਦੇ ਲਾਂਚ ਦੇ ਹਿੱਸੇ ਵਜੋਂ, ਰਸਮੀ ਲਾਂਚ ਤੋਂ ਪਹਿਲਾਂ ਇਸ ਦੀ ਕਾਰਜਸ਼ੀਲਤਾ ਅਤੇ ਭਰੋਸੇਯੋਗਤਾ ਦਾ ਮੁਲਾਂਕਣ ਕਰਨ ਲਈ ਵਿਆਪਕ ਟੈਸਟਿੰਗ ਅਤੇ ਟ੍ਰਾਇਲ ਕੀਤੇ ਜਾ ਰਹੇ ਹਨ। ਇਸ ਮਿਆਦ ਦੇ ਦੌਰਾਨ, ਲੋਕ ਆਪਣੇ ਮੋਬਾਈਲ ਫੋਨਾਂ 'ਤੇ ਅੰਗਰੇਜ਼ੀ, ਹਿੰਦੀ ਅਤੇ ਖੇਤਰੀ ਭਾਸ਼ਾਵਾਂ ਵਿੱਚ ਟੈਸਟ ਸੁਨੇਹੇ ਪ੍ਰਾਪਤ ਕਰ ਸਕਦੇ ਹਨ।

ਇਹ "ਟੈਸਟ ਸੁਨੇਹੇ" ਸਿਰਫ਼ ਉਨ੍ਹਾਂ ਹੀ ਮੋਬਾਈਲ ਡਿਵਾਈਸਾਂ 'ਤੇ ਪ੍ਰਾਪਤ ਕੀਤੇ ਜਾਣਗੇ ਜਿਨ੍ਹਾਂ ਵਿੱਚ ਸੈੱਲ ਬ੍ਰੌਡਕਾਸਟ ਟੈਸਟ ਚੈਨਲ ਸਮਰੱਥ ਹੈ (ਉਪਭੋਗਤਾ ਆਪਣੇ ਮੋਬਾਈਲ ਵਿੱਚ ਸੈਟਿੰਗਾਂ → ਸੁਰੱਖਿਆ ਅਤੇ ਐਮਰਜੈਂਸੀ → ਵਾਇਰਲੈੱਸ ਐਮਰਜੈਂਸੀ ਅਲਰਟ → ਟੈਸਟ ਅਲਰਟ ਦੁਆਰਾ ਇਨ੍ਹਾਂ ਨੂੰ ਬੰਦ ਜਾਂ ਸ਼ੁਰੂ ਕਰ ਸਕਦੇ ਹਨ।) ਟੈਸਟਿੰਗ ਦੌਰਾਨ ਨੈੱਟਵਰਕ ਦੀ ਪੂਰੀ ਕਾਰਜਸਮਰੱਥਾ ਨੂੰ ਯਕੀਨੀ ਕਰਨ ਲਈ, ਇੱਕ ਸਿੰਗਲ ਉਪਭੋਗਤਾ ਨੂੰ ਕਈ ਸੁਨੇਹੇ ਪ੍ਰਾਪਤ ਹੋ ਸਕਦੇ ਹਨ।

ਇਹ ਸੁਨੇਹੇ ਇੱਕ ਯੋਜਨਾਬੱਧ ਰਾਸ਼ਟਰੀ ਟੈਸਟਿੰਗ ਪ੍ਰਕਿਰਿਆ ਦਾ ਹਿੱਸਾ ਹਨ ਅਤੇ ਇਹਨਾਂ ਲਈ ਕਿਸੇ ਕਾਰਵਾਈ ਦੀ ਲੋੜ ਨਹੀਂ ਹੈ।

ਟੈਸਟ ਸੁਨੇਹੇ ਦਾ ਫਾਰਮੈੱਟ ਇਸ ਪ੍ਰਕਾਰ ਹੋਵੇਗਾ:

ਅੰਗਰੇਜ਼ੀ:

This is a TEST Cell Broadcast message sent by the National Disaster Management Authority in coordination with the Department of Telecommunications (DoT), Government of India, as part of testing the Cell Broadcast solution for disseminating alerts. During the testing of the Cell Broadcast solution, you may receive this message multiple times on your mobile handset. Please ignore these message(s); no action is required at your end.

ਹਿੰਦੀ :

यह एक टेस्ट सेल ब्रॉडकास्ट संदेश है, जिसे राष्ट्रीय आपदा प्रबंधन प्राधिकरण (NDMA) ने दूरसंचार विभाग (DoT), भारत सरकार के साथ मिलकर सेल ब्रॉडकास्ट समाधान के परीक्षण के तहत भेजा है। परीक्षण के दौरान आपको यह संदेश अपने मोबाइल पर कई बार प्राप्त हो सकता है। कृपया इन संदेशों को अनदेखा करें, आपकी ओर से कोई कार्रवाई करने की आवश्यकता नहीं है।

ਸਫਲ ਟੈਸਟਿੰਗ ਅਤੇ ਪੂਰੀ ਤਰ੍ਹਾਂ ਨਾਲ ਲਾਗੂ ਹੋਣ ਤੋਂ ਬਾਅਦ, ਇਹ ਸਿਸਟਮ ਸਾਰੇ ਮੋਬਾਈਲ ਹੈਂਡਸੈੱਟਾਂ ‘ਤੇ ਟੈਸਟ ਚੈਨਲ ਸੈਟਿੰਗਾਂ ਦੀ ਪਰਵਾਹ ਕੀਤੇ ਬਿਨਾ ਕਈ ਭਾਰਤੀ ਭਾਸ਼ਾਵਾਂ ਵਿੱਚ ਚੇਤਾਵਨੀ ਪ੍ਰਸਾਰਿਤ ਕਰੇਗੀ – ਜਿਸ ਨਾਲ ਅਸਲ ਐਮਰਜੈਂਸੀ ਵਿੱਚ ਸਥਿਤੀਆਂ ਵਿੱਚ ਵਿਆਪਕ ਅਤੇ ਸਮਾਵੇਸ਼ੀ ਪਹੁੰਚ ਯਕੀਨੀ ਹੋਵੇਗੀ।

ਦੂਰਸੰਚਾਰ ਵਿਭਾਗ ਨੇ ਇਸ ਮਹੱਤਵਪੂਰਨ ਟੈਸਟਿੰਗ ਪੜਾਅ ਦੌਰਾਨ ਆਮ ਲੋਕਾਂ ਨੂੰ ਸਹਿਯੋਗ ਦੀ ਅਪੀਲ ਕੀਤੀ ਹੈ ਅਤੇ ਸਪਸ਼ਟ ਕੀਤਾ ਹੈ ਕਿ ਇਸ ਸਮੇਂ ਦੌਰਾਨ ਸਾਰੇ ਟੈਸਟ ਸੁਨੇਹੇ ਸਿਰਫ ਸਿਸਟਮ ਟੈਸਟਿੰਗ ਲਈ ਹਨ ਜਿਨ੍ਹਾਂ ‘ਤੇ ਕਿਸੇ ਵੀ ਤਰ੍ਹਾਂ ਦੀ ਕਾਰਵਾਈ ਦੀ ਕੋਈ ਲੋੜ ਨਹੀਂ ਹੈ।

ਵਧੇਰੇ ਜਾਣਕਾਰੀ ਲਈ DoT ਦੇ ਸੋਸ਼ਲ ਮੀਡੀਆ ਹੈਂਡਲ ਨੂੰ ਫਾਲੋ ਕਰੋ: 

ਐਕਸ- https://x.com/DoT_India

ਇੰਸਟਾ-https://www.instagram.com/department_of_telecom?igsh=MXUxbHFjd3llZTU0YQ==

ਫੇਸਬੁੱਕ- https://www.facebook.com/DoTIndia

ਯੂਟਿਊਬ : https://youtube.com/@departmentoftelecom?si=DALnhYkt89U5jAaa

****

ਐੱਨਜੇ/ਏਆਰਜੇ/ਐੱਸਜੇ