লাইরিক-লাইশু তম্বগী থবক ফগৎহন্নবা মখা তানা পায়খৎলিবা থবকশিংগী শরুক অমা ওইনা, ও.বি.সি, ই.বি.সি অমসুং দি.এন.তি মহৈরোয়শিংগীদমক সোসিএল জসতিষ্ট অমসুং ইম্পৱারমেন্ত দিপার্তমেন্তনা স্কিম কয়া পায়খৎলি। 

য়ুনিয়ন মিনিষ্টর দোক্তর বিরেন্দ্র কুমারনা হায়খি মদুদি পায়খৎলিবা থবকশিং অসিনা হায়রিবা কাংলুপশিং অসিগী মহৈরোয়শিংদা অফবা মগুন লৈবা লাইরিক-লাইশু তম্বা হেনগৎহনগনি অমসুং লাইরিক-লাইশু তম্বগী থবকশিংদা মতেং পাংগনি। থবকশিং অসিগী মখাদা, শেনবা চহি ২০২৫-২৬  মনুংদা লুপা করোর ২০৪২.০৮ গী শেনফম য়েন্থোকখ্রে।

ও.বি.সি ৱেলফিয়ার স্কিমগী মখাদা রেজিষ্টার তৌবা মশিং  শেনবা চহি ২০২৪-২ দগী শেনবা চহি ২০২৫-২৬ দা চাদা ৩৬.৯৬ হেনগৎলে। মসিদা মতি চারবা বেনিফিসরিশিংদা লাইরিক-লাইশু তম্বগী মতেং পাংবা অমসুং য়াইফ থৌরাংগী খুদোংচাবা ফংহনবগী মমি তারে।

স্কিম স্কিমগী ওইনা, প্রি-মেত্রিক স্কোলারশিপকী মখাদা ও.বি.সিশিং, ই.বি.সিশিং অমসুং দি.এন.তিশিংগীদমক চাদিং তৌবা চাদা ৫৯.১৩; পোষ্ট মেত্রিক স্কোলারশিপকী মখাদা চাদা ২৭.১৮; ও.বি.সিশিং, ই.বি.সিশিং অমসুং দি.এন.তিশিং স্কুলশিংগী তোপ ক্লাস ইজুকেসনগী মখাদা চাদা ১৫৪ অমসুং ও.বি.সিশিং, ই.বি.সিশিং অমসুং দি.এন.তিশিংগী কোলেজশিংগী তোপ ক্লাস ইজুকেসন্দা চাদা ১০৫.৮০, শেনবা চহি ২০২৪-২৫ গা চাংদম্নবদা হেনগৎলে।

স্কিমশিং অসিগী মখাদা চাদিং তৌবা হেনগৎহনবা অসিদা খুন্নাই অমসুং লাইরিক-লাইশুগী লমদা শোৎথরবা কাংলুপশিংদা মগুন লৈবা লাইরিক-লাইশু তম্বা অমসুং  লাইরিক-লাইশুগী থবক ফগৎহন্নবা ভারত সরকারনা মখা তানা থবকশিং পায়খৎলিবা অদুগী মমি তারে। খুদোংচাবা ফংবা য়ারবা মহৈরোয়শিংদা মতম চানা অমসুং ফজনা খুদোংচাবশিং ফংহনবা হেনগৎহন্নবা অমসুং খুদোংচাবা ফংবা হেনগৎহন্নবা দিপার্তমেন্তনা মীৎয়েং চঙলে।

***