تعلیمی خودمختاری کی اپنی جاری کوششوں کے تحت، محکمہ سماجی انصاف اور تفویض اختیارات کے لیے دیگر پسماندہ طبقات (OBCs)، اقتصادی طور پر پسماندہ طبقات (EBCs)، اور غیر نوٹیفائیڈ، خانہ بدوش اور نیم خانہ بدوش قبائل (DNTs) سے تعلق رکھنے والے طلبہ کے لیے مختلف اسکیمیں نافذ کر رہا ہے۔

مرکزی وزیر ڈاکٹر ویرندر کمار نے کہا ہے کہ یہ مداخلتیں معیاری تعلیم تک رسائی کو بہتر بنانے اور ان کمیونٹیز کے طلبہ کی تعلیمی ترقی کی حمایت کے لیے کی گئی ہیں۔ انھوں نے کہا کہ مالی سال 2025-2026 کے دوران ان اقدامات کے تحت 2042.08 کروڑ روپے کی رقم تقسیم کی گئی ہے۔

او بی سی فلاحی اسکیموں کے تحت اخراجات مالی سال 2025-26 میں مالی سال 2024-25 کے مقابلے میں 36.96 فیصد کا نمایاں اضافہ ریکارڈ کیے گئے ہیں۔ یہ اس بات کا غماز ہے کہ اہل مستفیدین کے لیے تعلیمی امداد اور ہدفی فلاحی فراہمی پر مسلسل زور دیا جا رہا ہے۔

اسکیم کے لحاظ سے، OBCs، EBCs اور DNTs کے لیے پری میٹرک اسکالرشپ کے تحت اخراجات میں مالی سال 2024-25 کے مقابلے میں 59.13 فیصد ؛ پوسٹ میٹرک اسکالرشپ کے تحت 27.18 فیصد؛ او بی سی، ای بی سی اور ڈی این ٹی کے اسکولوں میں ٹاپ کلاس ایجوکیشن کے تحت 154 فیصد؛ اور OBCs، EBCs اور DNTs کے لیے کالجز میں ٹاپ کلاس ایجوکیشن کے تحت 105.80 فیصد، اضافہ ہوا ہے

ان اسکیموں کے تحت اخراجات میں اضافہ بھارت سرکار کی سماجی اور تعلیمی طور پر پسماندہ کمیونٹیز کے طلبہ کے لیے تعلیمی مواقع بڑھانے کے مسلسل عزم کا غماز ہے۔ محکمہ فراہمی کو مضبوط بنانے، رسائی کو بہتر بنانے اور یہ یقینی بنانے پر مرکوز ہے کہ مطلوبہ فوائد بروقت اور مؤثر طریقے سے اہل طلبہ تک پہنچیں۔

***

(ش ح – ع ا)

U. No. 6469

(ریلیز آئی ڈی: 2256735) وزیٹر کاؤنٹر : 13