ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) એ આજે "ભારતમાં પબ્લિક વાઇ-ફાઇ નેટવર્કનો પ્રસાર" (Proliferation of Public Wi-Fi Networks in India) વિષય પર પરામર્શ પત્ર બહાર પાડ્યો છે.

આ પરામર્શ પત્ર હાલના નિયમનકારી માળખાની સમીક્ષા કરે છે, પબ્લિક વાઇ-ફાઇ નેટવર્કના પ્રસારને અસર કરતા પડકારોને ઓળખે છે અને દેશભરમાં પબ્લિક વાઇ-ફાઇ ઇન્ફ્રાસ્ટ્રક્ચરની વૃદ્ધિને વેગ આપવા માટેના પગલાં અંગે હિતધારકો પાસેથી મંતવ્યો મંગાવે છે. પરામર્શ પત્રમાં નીચેના મુખ્ય ક્ષેત્રો આવરી લેવામાં આવ્યા છે:

• અન્ય દેશોમાં પબ્લિક વાઇ-ફાઇ ઇકોસિસ્ટમની ઝાંખી અને આંતરરાષ્ટ્રીય અનુભવો તથા વૈશ્વિક શ્રેષ્ઠ પદ્ધતિઓમાંથી મુખ્ય તારણો.
• ભારતમાં પબ્લિક વાઇ-ફાઇની વર્તમાન સ્થિતિનું મૂલ્યાંકન, જેમાં તેના સ્થાપનાના વલણો અને માંગની પેટર્નનો સમાવેશ થાય છે.
• દેશમાં પબ્લિક વાઇ-ફાઇના પ્રસારને અસર કરતા મુખ્ય મુદ્દાઓ અને પડકારોની ઓળખ.
• ગ્રામીણ વિસ્તારો, શહેરી કેન્દ્રો અને વધુ અવરજવર ધરાવતા સ્થળોએ વ્યવહારુ પબ્લિક વાઇ-ફાઇ મોડલ વિકસાવવા માટે કેન્દ્ર અને રાજ્ય સરકારો, સ્થાનિક સંસ્થાઓ, TSPs/ISPs અને ખાનગી સંસ્થાઓ જેવી મુખ્ય હિતધારકોની ભૂમિકાઓની તપાસ.
• ભારતીય પબ્લિક વાઇ-ફાઇ ઇકોસિસ્ટમમાં ઓથોરાઇઝેશન, ઓથેન્ટિકેશન, રોમિંગ અને બિલિંગ સિસ્ટમ સંબંધિત મુદ્દાઓની તપાસ.
• ભારતીય સંદર્ભમાં પબ્લિક વાઇ-ફાઇની ટકાઉપણું સુનિશ્ચિત કરવા માટે યોગ્ય સંભવિત પ્રત્યક્ષ અને પરોક્ષ મહેસૂલ મોડલ્સનું વિશ્લેષણ.

આ પરામર્શ પત્ર TRAI ની વેબસાઇટ www.trai.gov.in પર મૂકવામાં આવ્યો છે. પરામર્શ પત્ર પર હિતધારકો પાસેથી લેખિત મંતવ્યો 25 મે 2026 સુધીમાં અને વળતા મંતવ્યો, જો કોઈ હોય તો, 8 જૂન 2026 સુધીમાં મંગાવવામાં આવ્યા છે.

મંતવ્યો ઇલેક્ટ્રોનિક સ્વરૂપે advbbpa@trai.gov.in પર મોકલી શકાય છે અને તેની એક નકલ jtadvbbpa-1@trai.gov.in પર મોકલવાની રહેશે. કોઈપણ સ્પષ્ટતા/માહિતી માટે, ડો. અબ્દુલ કાયુમ, એડવાઈઝર (બ્રોડબેન્ડ એન્ડ પોલિસી એનાલિસિસ), TRAI નો ટેલિફોન નંબર +91-11 20907757 પર સંપર્ક કરી શકાય છે.

IJ/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com