সরকারনা এভিয়েসন তর্বাইন ফ্যুএল (ATF) (রেগুলেসন ওফ মার্কেতিং) ওর্দর, 2001 (ATF কন্ত্রোল ওর্দর)দা এপ্রিল 17, 2026কী নোতিফিকেসনগী খুত্থাংদা এমেন্দমেন্ত অমা নোতিফাই তৌখ্রে। ATFগী কন্ত্রোল ওর্দরগী মখাদা সস্তেনেবল এভিয়েসন তর্বাইন ফ্যুএল (SAF)গা পুনশিন্নবা এভিয়েসন তর্বাইন ফ্যুএল অসি এদমিনিস্ত্রেতিবকী পাম্বৈ  অমা ওইনা এমেন্দমেন্ত অসি থোকখ্রে।

SAF অসি অখন্ননা প্রোসেস তৌরবা এভিয়েসন গ্রেদ হায়দ্রোকার্বোনশিংনি, মখোয়শিং অসি কেমিকেল্লি ATFগা মান্নৈ অমসুং এয়রক্রাফ ইঞ্জিনশিংগা মপুং ফানা চান্নৈ। SAFনা এভিয়েসন ফ্যুএলগী ফন্দামেন্তেল নেচর, সেফতী, নৎত্রগা পর্ফোর্মেন্স হোংদে। এভিয়েসনদা শিজিন্ননবা SAF য়াওহনবদা ইন্তরনেস্নেল সিভিল এভিয়েসন ওর্গনাইজেসন (ICAO)না ASTM ইন্তরনেস্নেলগী মতুং ইন্না এভিয়েসন ইঞ্জিনশিংগীদমক য়াম্না চেকশিন্না চাংয়েং তৌবগী থৌওং য়াওরি অমসুং অসিগুম্বা পাক চাউবা থৌওং অসিগী মতুংদা খক্তদা SAF অসি এভিয়েসন শিজিন্ননবা অয়াবা পীরি।

ICAOনা শকখঙলবা মতুং ইন্না, SAF অসি মহৈ-মরোংশিং, বায়োজেনিক রেসিদ্যুশিং, অমসুং ৱেস্ত মেতরিয়েলশিংগুম্বা অতোপ্পা ফীদস্তোকশিংদগী ফংবা রিন্যুৱেবল ফ্যুএল অমনি, মসিনা GHG এমিসনদা য়াম্না হেন্না হন্থৈ। ICAOনা CORSIA (কার্বোন ওফসেত্তিংৎ অমসুং রিদক্সন স্কিম ফোর ইন্তর্নেস্নেল এভিয়েসন) অসি ইন্তর্নেস্নেল ফ্লাইতশিংদগী থোকপা ইমিসন লাকশিন্নবা ইমপ্লিমেন্ত তৌরি। CORSIAগী মেন্দেতরী ফেজ অসি 2027দগী হৌরগনি, মসিনা ইন্তর্নেস্নেল ফ্লাইতশিংদা বেসলাইন লেভেলদগী হেনবা ইমিসনশিং ওফসেত তৌবগী মথৌ তাগনি। SAF শীজিন্নবনা হায়রিবা ওফসেতকী মথৌ তাবশিং অসি হন্থহনবদা মতেং পাংগনি। মালেমগী ওইবা মথৌ তাবা অসি খঙলদুনা, সরকারনা ইন্তর্নেস্নেল ফ্লাইতশিংগীদমক ATFতা SAFগী ইন্দিকেতিব ব্লেন্দিং তার্গেত 2027তা 1%, 2028দা 2% অমসুং 2030দা 5% ওইনবা হান্ননা লাউথোকখ্রে।

মমাংদা, ATF অসি BISগী স্পেসিফিকেসনগা চুনবা পেত্রোলিয়মদা য়ুম্ফম ওইবা ফ্যুএল অমখক্তমক ওইনা ৱাহন্থোক পীখি। এমেন্দমেন্ত অসিনা হায়রিবা দিফিনিসন অসিদা পেত্রোলিয়ম রিফাইনরীশিংদা IS 1571গী মতুং ইন্না ATFগা লোয়ননা কো-প্রোসেস তৌরবা SAF অমসুং IS 1571গী থাক য়ৌনবা IS 17081গী মতুং ইন্না ATFগা ব্লেন্দ তৌরবা SAF য়াওরি। SAFকী মালেমগী সপ্লাই চেনগা লোয়ননা লেপমিন্নবগীদমক এমেন্দমেন্ত অসি তঙাই ফদবনি।

CORSIAগী মখাদা মথৌ তাবা SAFনা হৌজিক লৈরিবা BISগী অকনবা স্পেসিফিকেসন (মসি মালেমগী ওইবা স্পেসিফিকেসনগা চুনবা)গী মতুং ইন্না য়াম্না চেকশিনবা ক্বালিতী স্পেসিফিকেসনশিং ফংবতা নত্তনা CORSIA-ইলিজিবল ফ্যুএল (CEF) ওইনা ক্বালিফাই তৌনবগীদমক্তা CORSIAগী সস্তেনেবিলিতী ক্রাইতেরিয়াশিংসু ফংগদবনি। ATFগী কন্ত্রোল ওর্দরদা শেমদোকপা অসি মরম অসিনা হায়রিবা পান্দমশিং অসি থবক ওইনা পাংথোক্নবা য়াহল্লিবা প্রোভিজন অমনি।

মালেমগী ওইনা, অতোপ্পা লৈবাকশিংনা মান্নবা খোঙথাংশিং লৌখৎলি। য়ুরোপিয়ন য়ুনিয়ন অমসুং য়ুনাইতেদ কিংদমনা SAF ব্লেন্দিং মেন্দেতশিং হৌদোকখ্রে। EUদা, SAF ব্লেন্দিং তৌবগী মেন্দেত অসি 2025দা 2%, 2030দা 6% অমসুং 2050 ফাওবদা 70% ওইগনি। UKদা, মেন্দেত অসি 2025দা 2%, 2030দা 10% অমসুং 20৪0দা 22% ওইগনি। য়ুনাইতেদ স্তেতসনা প্রদক্সন ইন্সেন্তিবশিংগী খুত্থাংদা SAF প্রমোত তৌরি। 2030 ফাওবদা জাপান্না SAFগী 10%গী মেন্দেত লৈরে। সিঙ্গাপুরদা, ইন্তরনেস্নেল ফ্লাইতশিংদা 2026দগী SAFগী 1% শিজিন্নবা মথৌ তাগনি অমসুং 2030 ফাওবদা পান্দম অসি 3-5%দা হেনগৎলগনি।

ভারতনা গ্রীন ফ্যুএল ত্রাঞ্জিসনগীদমক লেপ্লি। মসিগীদমক কার্বন থাদোকপা হন্থহনবা, SAFগুম্বা সস্তেনেবল ফ্যুএলশিং প্রমোত তৌবা, দোমেস্তিক প্রদক্সন কেপাসিতীশিং মপাঙ্গল কনখৎহনবা অমসুং লৈবাক অসিবু মালেমগী ক্লিন ইনর্জী ইকোসিস্তেমদা মরুওইবা প্লেয়র অমা ওইহন্নবা মীৎয়েং থম্লি।

***