অৱাং নোংপোক লমদমগী কম্যুনিকেসন অমসুং দিবেলপমেন্তকি কেন্দ্রগী মন্ত্রী শ্রী জ্যোতিরাদিত্য এম. সিন্দিয়ানা এপ্রিল ২২ দা অৱাং নোংপোক লমদমগী চাওখৎ-থৌরাং মন্ত্রালয় (এম.দি.ও.এন.ই.আর.)গী মরুওইবা থৌরাং অমা ওইরিবা অস্তলক্ষ্মী দর্সন য়ুথ এক্সচেঞ্জ প্রোগ্রামগী মহৈরোয়শিংগা ভরচুএল ওইনা ৱারি শানখি। থৌরম অদুদা সেক্রেতরি, শঞ্জয় জাজু, জোইন্ত সেক্রেতরি নিরজ কুমার য়াওনা অতোপ্পা শক্নাইরবা মীওইশিং শরুক য়াখি।

প্রোগ্রাম অসিগী শরুক অমা ওইনা কেন্দ্র মন্ত্রী, এম. বেচশিং অসিদা মহৈরোয় ১০০ য়াওখি, মখোয়গী মনুংদা সত্তিসগর, ন্যু দিল্লী, মধ্য প্রদেশ, রাজস্থান অমসুং গোৱাদগী মহৈরোয় ২০ অমমম য়াওখি, মখোয়না ২০২৬কি মারচ ১৫দগী ২০২৬কি এপ্রিল ১০ ফাওবা শেম শাবা এক্সচেঞ্জ প্রোগ্রাম অদুদা শরুক য়াখি।

ইন্তরেক্সন প্রোগ্রাম অসি দোনের মন্ত্রালয়গী জোইন্ত সেক্রেতরি শ্রী নিরজ কুমারনা হৌদোকপগী ৱারোলশিংগা লোয়ননা হৌদোকখি, মদুগী মতুংদা কেন্দ্র মন্ত্রী, এম.দি.ও.এন.ই.আর. ইন্তরেক্তিব সেসন অসিগী মনুংদা মহৈরোয়শিংনা এক্সপোজর ভিজিৎকি মতাংদা মখোয়গী এক্সপরিয়েন্সশিং অমসুং রিফ্লেক্সনশিং সেয়র তৌখি:

সত্তিসগরগী দুর্গদগী শ্রীমতি রাগীনি শাহুনা তোঙান তোঙানবা মফমশিংদা চৎপা য়াওনা এন.ই.আর.গী অখন্নবা মশকশিং ফোঙদোকখি অমসুং অসিগুম্বা এক্সপোজর ভিজিৎশিং অসি য়াম্নাা মমল য়াম্মী অমসুং ভারত শিনবা থুংনা লৈরিবা মহৈরোয়শিংগীদমক্তা পুক্নিং থৌগৎকদবনি হায়না অকনবা ৱাফম থমখি।

সত্তিসগরদগী অতোপ্পা শরুক য়ারিবশিং শ্রী হরিশ কুমার শাহুনা সেয়র তৌখি মদুদি অৱাং নোংপোক লমদমদা চৎলবা মতুংদা লমদম অসিবু করিগীদমক্তা “অস্তলক্ষ্মী” হায়না কৌরিবনো হায়বশি মহাক্না তশেঙনা খঙখি, মসিনা মসিগী লন-থুম অমসুং তোপ তোপ্পা মশক তাকই।

মহাক্কি এক্সপরিয়েন্স অদু সেয়র তৌরদুনা, ন্যু দিল্লীগী জামীয়া মীলিয়া ইস্লামিয়াদগী শ্রীমতি ইফ্রাহ কাৱানা লমদম অসিগী নুংঙাইরবা মীনুংশি অদু থাগৎপা ফোঙদোকখি অমসুং এন.ই.আর.গী হোশ্পিতালিতি মেনেজমেন্ত অমসুং কলচরেল রিচনেসতাা মহাক্কি পুক্নিং চঙবাা ফোঙদোকখি।

মহাক্কি খোঙচৎ অদুগী মতাংদা ৱাখল তাহন্দুনা মধ্য প্রদেশকি বরকতুল্লা য়ুনিভর্সিতি, ভোপালদগী শ্রীমতি শৈলি তিৱারিনা মহাক্কি ইনাক খুললবা এক্সপরিয়েন্স অদু ফোঙদোকখি, মদুগী মনুংদা এয়র ফোর্স স্তেন্দা চৎপা, অসাম রাইফলশিংগী ওফিসিএলশিংগা ৱারি শানবা, অমসুং তেরেস ফার্মিং, বেম্বোক হাওস, অমসুং লমদম অসিগী তোপ তোপ্পা ত্রাইবেল কলচরশিংদা এক্সপোজ তৌবা য়াওরি।

মহাক্কি এক্সপরিয়েন্স অদু নিংশিংলদুনা রাজস্থানগী সেন্ত্রেল য়ুনিবর্সিতিদগী শ্রী বিকাস বলিনা অৱাং নোংপোক লমদমদা মহাক্কি খোঙচৎ অসি তশেঙনা ইনাক খুললবা খোঙচৎ অমনি হায়না ফোঙদোকখি। মহাক্না ফোঙদোকখি মদুদি এন.ই.আর. গী ফর্স্তহেন্দ অসিনা মঙোন্দা মহৌশাগী ফজবা, নাৎ-চৎনবী অমসুং খেন্নবগী ফজবা অসিগী মতাংদা হকচিন্না থাগৎলদুনা মীৎয়েং শান্নিংঙাই অমসুং নিংশিংনিংঙাই ওই হায়না ফোংদোকখি।

খ্বাইদগী নুংঙাইবা ইন্তরেক্সনশিংগী মনুংদা অমদি গোৱাগী গবরনমেন্ত হায়য়র সেকেন্দরি স্কুল ভলপোইদাগী শ্রীমতি দিক্স দি.গাওনকরনা মহাক্কি এক্সপরিয়েন্স অদু নিংশিংনিংঙাই ওই হায়না ফোঙদোকখি, মহাক্না এন.ই.আর.গী মহৌশাগী ফজবা, মীওইশিং অমসুং মফম অদুগী চাকচা-ইথকশিংবু থাগৎপা ফোঙদোকখি। মহাক্কা লোয়ননা গোৱাগী মরুপ মহৈরোয়শিংনা অসামগী  লোন্দা ইশৈ অমা শকখি, মদুদা কলচরেল এপ্রিসিএসন অমসুং লমদম অসিগা ইমোস্নেল কনেক্ত উৎখি।

কেন্দ্রগী মন্ত্রীনা মহৈরোয়শিংনা সেয়র তৌরকপা এক্সপরিয়েন্সশিং অদু থাগৎপা ফোঙদোকখি অমসুং মখোয় মশাগী রাজ্যশিংদা অৱাং নোংপোক লমদমগী এম্বেসেদর ওইনা থবক তৌনবা পুক্নিং থৌগৎখি। মহাক্না অসিগুম্বা এক্সচেঞ্জ প্রোগ্রামশিং অসি নেস্নেল ইন্তিগ্রেসন মপাঙ্গল কনখৎহনবদা, অমগা অমগা ইকায় খুম্নবা উৎপা, অমসুং লৈবাক অসিগী নহাশিংগী মরক্তা থৌদাং য়াবগী সেয়র তৌরবা ৱাখল্লোন অমা থম্বদা অকনবা ৱাফম থমখি।

মহাক্না অমুক হন্না হায়খি মদুদি অস্তলক্ষ্মী দর্সন য়ুথ এক্সচেঞ্জ প্রোগ্রামগী খুৎথাংদা ইকায় খুম্নজরবা প্রধান মন্ত্রীগী মীৎয়েং অসি মহৈরোয়শিংনা অৱাং নোংপোক ভারতকি অচুম্বা কলচর, মীয়াম, অমসুং চৎনবিশিং অদু খঙবা ঙমহনবনি অমসুং অপুনবা অমসুং অপুনবগী এমবেসেদর ওইনা হল্লকপা ঙমহনবনি।

ইন্তরেক্সন অসি দোনর মন্ত্রালয়গী সেক্রেতরি শ্রী শঞ্জয় জাজুনা ৱা ঙাঙবগা লোয়ননা লোয়শিনখি, মসিদা শরুক য়ারিবা মহৈরোয় খুদিংমক, পার্তনর ইন্সতিত্যুসনশিং, অমসুং শ্তেকহোলদরশিংবু থৌরাং অসিবু মায় পাকাহনবগীদমক মহাক্কি থম্মোয় শেঙনা থাগৎপা ফোঙদোকখি। মহাক্না ফোঙদোকখি মদুদি প্রোগ্রাম অসি মায় পাক্না লোয়শিনবনা নেস্নেল ইনতিগ্রেসনগী হেনগৎলক্লিবা ৱাখল্লোন অমসুং নহাশিংগা শম্নহনবগী ৱাখল্লোন অদু উৎলি। সেক্রেতরি, মহৈরোয় খুদিংমকপু মখোয়গী তুংগী হোৎনরিবশিংগীদমক য়াইফ-পাওজেল পিখি, প্রোগ্রাম অসিগী মনুংদা তমখিবশিং অমসুং এক্সপরিয়েন্সশিং অদু মাংলোমদা পুখৎনবা অমসুং লৈবাক শিনবা থুংনা অৱাং নোংপোক লমদমগী এম্বেসেদর ওইনা থবক তৌনবা পুক্নিং থৌগৎখি।

অস্তলক্ষ্মী দর্সন – য়ুথ এক্সচেঞ্জ প্রোগ্রাম

অৱাং নোংপোক লমদমগী চাওখৎ-থৌরাং মন্ত্রালয় (এম.দি.ও.এন.ই.আর.)না হন্দক্তা ইকায় খুম্নজরবা প্রধান মন্ত্রীগী মীৎয়েং শানবা লুচিংবগী মখাদা “অস্তলক্ষ্মী দর্সন – য়ুথ এক্সচেঞ্জ প্রোগ্রাম” হায়না মিংথোনবা ফ্লেগশিপ ইনিসিয়েতিব অমা হৌদোকখ্রে। নোর্থ ইস্তর্ন কাউন্সিল (এন.ই.সি.)না ইমপ্লিমেন্ত তৌবা প্রোগ্রাম অসিনা ইমোস্নেল ইন্তিগ্রেসন য়োকখৎপা, মীগা মীগা মরি লৈনবা কনেক্সন চেৎশিলহনবা, নোর্থ ইস্তর্ন রিজন (এন.ই.আর.)গী মতাংদা লৌশিং হেনগৎহনবা, অমসুং সেয়র তৌরবা থৌদাংশিংগী হেন্না কনখৎপা ৱাখল্লোন অমা শেমগৎনবা পান্দম থম্লি। মসিনা রাজ্য অমসুং য়ুনিয়ন তেরিতোরি ২৮দগী শরুক য়াবা, নুমিৎ ১৪নিগী ইমরসিব এক্সপোজর ভিজিৎশিং, একাদেমিক সেসনশিং, হেরিতেজ তুরশিং অমশুং লোকেল কম্ম্যুনিতি ইন্তরেক্সনশিংগী খুত্থাংদা অর্থ লৈবা নহাশিংগা নহাশিংগা লোয়ননা এঙ্গেজমেন্ত, কলচরেল এপ্রিসিএসন অমশুং অমগা অমগা লোয়ননা চৎমিন্নবা হেনগৎহন্নবা থৌরাং তৌরি।

প্রোগ্রাম অসি ২০২৫গী নবেম্বর ১দা ফোর্মেল ওইনা হৌদোকখিবনি, প্রোগ্রাম অসি য়াম্না মায় পাক্লে, এফ.ৱাই.২০২৫–২৬কি মনুংদা বেচ ১৫গি মনুংদা মহৈরোয় ৫৩০না শরুক য়াখি, অৱাং নোংপোক্কি রাজ্য ৮দা চৎখি অমসুং য়ুনিভর্সিতি অমসুং ইন্সতিত্যুসন ১১গা লোয়ননা ৱারি শানখি।

***