1. بھارتی انتخابی کمیشن نے آج نئی دہلی میں تمل ناڈو اور مغربی بنگال کی قانون ساز اسمبلیوں کے لیے جاری عام انتخابات کے لیے انٹرنیشنل الیکشن وزیٹرس پروگرام (آئی ای وی پی) 2026 کے دوسرے مرحلے کا آغاز کیا۔

2. چیف الیکشن کمشنر جناب گیانیش کمار نے آج انڈیا انٹرنیشنل انسٹی ٹیوٹ آف ڈیموکریسی اینڈ الیکشن مینجمنٹ (آئی آئی آئی ڈی ای ایم) میں پروگرام کا افتتاح کیا۔

3. 17 ممالک کے 34 مندوبین بشمول دہلی میں ان کے غیر ملکی مشن کے نمائندے اور انٹرنیشنل آئی ڈی ای اے کے نمائندے پروگرام کے دوسرے مرحلے میں شرکت کریں گے۔

4. شرکاء 22 اپریل سے 23 اپریل 2026 تک تمل ناڈو اور مغربی بنگال کا دورہ کریں گے۔ پہلے مرحلے میں، پروگرام کے مندوبین نے 8 اپریل سے 9 اپریل 2026 تک آسام، کیرالہ اور پڈوچیری کا دورہ کیا تھا۔

5. مندوبین کو آج آئی آئی آئی ڈی ای ایم میں ای وی ایم کا مظاہرہ کرایا گیا اور انہوں نے ووٹنگ کے عمل کا تجربہ حاصل کرنے کے لیے الیکٹرانک ووٹنگ مشینوں (ای وی ایم) کا استعمال کرتے ہوئے مشقی رائے شماری میں حصہ لیا۔

6. مندوبین نے بھارت میں انتخابی عمل میں تکنیکی اقدامات اور انتظامی تحفظات میں گہری دلچسپی ظاہر کی۔ مندوبین نے ماہرین کے ساتھ ایک باہم اثر پذیر اجلاس کا اہتمام کیا اور اپنے شکوک و شبہات کو دور کیا۔

7. مندوبین 22 اپریل 2026 کو مغربی بنگال اور تمل ناڈو کا سفر کریں گے۔ وہ ترسیل اور تقسیم کے مراکز اور دیگر سہولیات بشمول ڈسٹرکٹ کنٹرول رومز اور میڈیا نگرانی مراکز کا دورہ کریں گے۔ وہ 23 اپریل 2026 کی صبح اصل پولنگ کا بھی مشاہدہ کریں گے۔

8. آئی ای وی پی دیگر ممالک اور بین الاقوامی تنظیموں کی الیکشن مینجمنٹ باڈیز (ای ایم بی) کے ساتھ بین الاقوامی تعاون اور مشغولیت کے لیے بھارتی انتخابی کمیشن کا ایک فلیگ شپ پروگرام ہے۔

9. آئی ای وی پی غیر ملکی ای ایم بی مندوبین کو انتخابی انتظام میں بہترین طریقوں اور اختراعات سے آشنا کرتے ہوئے، ہندوستان کے انتخابی فریم ورک، ادارہ جاتی میکانزم، اور آپریشنل فن تعمیر کا ایک جامع جائزہ فراہم کرتا ہے۔

10. آئی ای وی پی بھارت کے انتخابی نظام کی طاقتوں کو بین الاقوامی برادری کے سامنے ظاہر کرتا ہے اور انتخابات کے انعقاد کے لیے دنیا کی سب سے بڑی جمہوریت میں اپنائے گئے بہترین طریقوں کا اشتراک کرتا ہے۔

**********

 (ش ح –ا ب ن)

U.No:6135