زراعت اور کسانوں کی بہبود اور دیہی ترقی کے مرکزی وزیر جناب شیوراج سنگھ چوہان نے ہریانہ ، اتر پردیش اور کرناٹک میں ربیع26-2025 سیزن  کے دوران کم از کم امدادی قیمت (ایم ایس پی) پر دالوں اور تلہن کی ریکارڈ مقدار کی خریداری کے لیے ریاستی حکومتوں کی تجاویز کو منظوری دے دی ہے۔ اس سے لاکھوں کسانوں کو منافع بخش قیمتیں یقینی ہوں  گی۔یہ خریداری پرائس سپورٹ اسکیم (پی ایس ایس) کے تحت کی جائے گی اور اس سے کسانوں کو اپنی فصلیں کم قیمتوں پر فروخت کرنے کی پریشانی  سے نجات ملے گی ۔

وزیرِ اعظم جناب شِو راج سنگھ چوہان نے ہریانہ حکومت کی تجویز کو منظوری دیتے ہوئے ربیع 2026 کے سیزن کے لیے 13,082 میٹرک ٹن چنا اور 3,60,528 میٹرک ٹن سرسوں کی کم از کم امدادی قیمت (ایم ایس پی) پر خریداری کی اجازت دے دی ہے۔یہ خریداری پی ایس ایس (پبلک پروکیورمنٹ سسٹم) کے تحت کی جائے گی۔ ان منظوریوں کی مجموعی ایم ایس پی  مالیت 2,312.12 کروڑ روپے سے زیادہ ہوگی، جس سے ہریانہ کے چنا اور سرسوں پیدا کرنے والے کسانوں کو منافع بخش قیمتیں یقینی بنائی جائیں گی۔

اتر پردیش کے پی ایس ایس (PSS) تجویز کے تحت ربیع 2026 کے سیزن کے لیے 2,24,000 میٹرک ٹن چنے کی کم از کم امدادی قیمت (ایم ایس پی) پر خریداری کی منظوری دی گئی ہے، جس کی ایم ایس پی مالیت 1,316 کروڑ روپے ہے۔مسور کے لیے مکمل طلب (100 فیصد) یعنی 6,77,000 میٹرک ٹن کی منظوری دی گئی ہے، جس پر ایم ایس پی کی مجموعی مالیت 4,739 کروڑ روپے ہوگی، اور اس کی شرح 70,000 روپے فی میٹرک ٹن مقرر کی گئی ہے۔ جبکہ سرسوں کے لیے منظور شدہ مقدار 5,30,000 میٹرک ٹن ہے، جس کی ایم ایس پی مالیت 3,286 کروڑ روپے ہوگی، اور اس کی شرح 62,000 روپے فی میٹرک ٹن مقرر کی گئی ہے۔

 

کرناٹک: پی ایس ایس کے تحت کسم (سیف فلاور) کی خریداری

کرناٹک میں وزیرموصوف  جناب شیوراج سنگھ نے ربیع 26-2025 کے سیزن کے دوران کسم (سیف فلاور) کی فصل کے لیے پی ایس ایس تجویز کی منظوری دی ہے، جس کے تحت منظور شدہ 6,923 میٹرک ٹن پیداوار کو ایم ایس پی پر خریدا جائے گا۔ریاست کی جانب سے بھیجی گئی تجویز میں 25 فیصد مقدار (6,923 میٹرک ٹن) کی منظوری دی گئی ہے، اور 2025-26 کے لیے کسم کی ایم ایس پی 65,400 روپے فی میٹرک ٹن مقرر کی گئی ہے، جس کے مطابق مجموعی ایم ایس پی مالیت 45.27 کروڑ روپے بنتی ہے۔

 

تینوں ریاستوں کے کسانوں کو بڑا فائدہ

ہریانہ، اتر پردیش اور کرناٹک کے لیے منظور شدہ پی ایس ایس تجاویز کے ذریعے چنا، مسور، سرسوں اور کسم (ساف فلاور) جیسی اہم دالوں اور تلہن کی فصلوں کی سائنسی اور منظم انداز میں ایم ایس پی پر خریداری یقینی بنائی جائے گی۔

اس سے نہ صرف کسانوں کو ان کی پیداوار کی منصفانہ قیمت ملے گی بلکہ وزیر اعظم جناب نریندر مودی کی قیادت میں حکومت کے اس عزم کو بھی تقویت ملے گی کہ ملک میں غذائی و تغذیاتی تحفظ کو بہتر بنایا جائے، دالوں اور تلہن کی فصلوں کی پیداوار میں اضافہ کیا جائے اور زرعی شعبے کو مضبوط بنایا جائےگا۔اس کے ساتھ ساتھ چونکہ ریاستوں میں پی او ایس پر مبنی خریداری کا نظام پہلے ہی مضبوط ہے، اس لیے کسانوں کو شفاف اور بروقت ادائیگی کو یقینی بنایا جائے گا۔

 

****

 ش ح۔ ش ت۔ ج ا

U.No. 6068

(ریلیز آئی ڈی: 2253764) وزیٹر کاؤنٹر : 17