یہ ایک اہم پیش رفت ہے جو بھارت میں منی لانڈرنگ اور مالی جرائم کے خلاف جدوجہد کو مزید مضبوط بنانے کے لیے کی گئی ہے۔ اس مفاہمت نامے کا مقصد دونوں اداروں کے درمیان معلومات کے تبادلے اور رابطہ کاری کو بہتر بنانا ہے۔

اس ایم او یو پر دستخط ایف آئی یو-آئی این ڈی کےڈائریکٹر جناب امت موہن گوول اور ایس  ای بی آئی کے کل وقتی رکن جناب سندیپ پردھان نے کیے، جو بھارت میں مالی جرائم کے خلاف جنگ میں پیش پیش دونوں اداروں کے درمیان تعاون اور انٹیلیجنس شیئرنگ کے ایک نئے دور کی نشاندہی کرتا ہے۔

اس تعاون کے تحت دونوں ادارے اپنے اپنے ڈیٹا بیس میں موجود متعلقہ معلومات اور انٹیلیجنس کا تبادلہ کریں گےاور پی ایم ا یل ضوابط کے تحت ریگولیٹڈ اداروں اور رپورٹنگ اداروں کی جانب سے ایف آئی یو-آئی این ڈی کو رپورٹنگ کے طریقہ کار اور اصول وضع کیے جائیں گے۔ یہ مفاہمت نامہ ایگمونٹ اصولوں کے مطابق غیر ملکی ایف آئی یو کے ساتھ معلومات کے تبادلے میں بھی معاون ہوگا۔

اس ایم او یو کا مقصد دونوں اداروں کو ریگولیٹڈ/رپورٹنگ اداروں کے لیے آگاہی اور تربیتی پروگرام منعقد کرنے کے قابل بنانا ہے، تاکہ ایس  ای بی آئی کے زیرِ نگرانی اداروں میں اینٹی منی لانڈرنگ (اے ایم ایل) اور دہشت گردی کی مالی معاونت کے خلاف (سی ایف ٹی) صلاحیتوں کو بہتر بنایا جا سکے۔ مزید برآں، دونوں فریقین بین الاقوامی معیار کے مطابق ہم آہنگی کو یقینی بنائیں گے اور باہمی دلچسپی کے امور پر تبادلہ خیال کے لیے ہر تین ماہ بعد اجلاس منعقد کریں گے۔

یہ تعاون منی لانڈرنگ اور دہشت گردی کی مالی معاونت (ایم ایل/ٹی ایف) سے متعلق خطرات اور کمزوریوں کا جائزہ لینے، مشکوک لین دین کے لیے انتباہی اشاروں کی نشاندہی اور ان کی ترسیل، اور پی ایم ا یل اے، پی ایم ایل ضوابط اور ایس  ای بی آئی رہنما خطوط کے تحت رپورٹنگ اداروں کی تعمیل کی نگرانی اور جانچ کو بھی شامل کرے گا۔

فنانشل انٹیلیجنس یونٹ-انڈیا (ایف آئی یو-آئی این ڈی) کے بارے میں:

ایف آئی یو-آئی این ڈی ایک مرکزی قومی ادارہ ہے جو مشکوک مالی لین دین سے متعلق معلومات حاصل کرنے، اس پر کارروائی کرنے، تجزیہ کرنے اور اسے متعلقہ اداروں تک پہنچانے کے ساتھ ساتھ منی لانڈرنگ اور دہشت گردی کی مالی معاونت کے خلاف کوششوں کو مربوط کرنے کا ذمہ دار ہے۔

سیکیورٹیز اینڈ ایکسچینج بورڈ آف انڈیا (ایس  ای بی آئی) کے بارے میں:

ایس  ای بی آئی ایک قانونی انضباطی ادارہ ہے جو ایس  ای بی آئی ایکٹ 1992 کے تحت قائم کیا گیا، جس کا کام بھارت کی سیکورٹیز مارکیٹ کو منظم اور نگرانی کرنا اور سرمایہ کاروں کے مفادات کا تحفظ کرنا ہے۔ یہ مارکیٹ کے شفاف، منظم اور دیانتدارانہ نظام کو یقینی بنانے کے لیے ایک جامع انضباطی ڈھانچہ فراہم کرتا ہے۔

***

Urdu-5899

(ش ح۔ع ح ۔ ف ر)