প্রধানমন্ত্রীগী লোইশঙ
বিহারগী মুখ্য মন্ত্রী ওইনা ৱাশক লৌখিবদা প্রধান মন্ত্রীনা শ্রী সমরত চৌধরীবু থাগৎপা ফোংদোকখ্রে
বিহারগী উপ-মুখ্য মন্ত্রী ওইনা ৱাশক লৌখিবদা শ্রী বিজয় কুমার চৌধরী অমসুং শ্রী বিজেন্দ্র প্রসাদ য়াদবপু প্রধান মন্ত্রীনা নুংঙাইবা ফোংদোকখ্রে
থাগৎখিবা:
15 APR 2026 2:41PM by PIB Imphal
প্রধান মন্ত্রী, শ্রী নরেন্দ্র মোদীনা শ্রী সম্রাত চৌধরীবু বিহারগী মুখ্য মন্ত্রী ওইনা ৱাশক লৌখিবদা নুংঙাইবা ফোংদোকখ্রে।
প্রধান মন্ত্রীনা হায়খি মদুদি শ্রী সম্রাত চৌধরীগী ইনর্জী, মীয়ামগী সেবাদা পুক্নিং চিংশিনবা অমসুং গ্রাসরুত এক্সপরিয়েন্সনা রাজ্য অসিগীদমক্তা য়াম্না কান্নবা ওইহল্লগনি। মহাক্না থাজবা থমখি মদুদি মহাক্কী হৈথোই-শিংথোইবা লুচিং মখাদা বিহারনা মীয়ামগী অপাম্বা মপুং ফাহনদুনা চাউখৎপগী অনৌবা থাক্তা চঙশিনগনি।
বিহারগী উপ-মুখ্য মন্ত্রী ওইনা শ্রী বিজয় কুমার চৌধরী অমসুং শ্রী বিজেন্দ্র প্রসাদ য়াদবনা ৱাশক লৌখিবগীদমক প্রধান মন্ত্রীনা মখোয় অনিবু থাগৎপা ফোংদোকখি।
মীয়ামগী য়াইফ-থৌরাংগীদমক মখোয়গী গ্রাসরুত এক্সপরিয়েন্স অমসুং কম্মিতমেন্তনা বিহারগী চাউখৎ-থৌরাংদা অনৌবা মায়কৈ অমসুং ইথিল পীরগনি অমসুং রাজ্য অসিনা অফবা লৈঙাক, ত্রান্সপরেন্সী অমসুং মীয়ামগী য়াইফ-থৌরাংগী অনৌবা বেঞ্চমার্কশিং শেমগনি হায়না মহাক্না থাজবা থমখি।
প্রধান মন্ত্রীনা Xতা ইখি;
“বিহারগী মুখ্য মন্ত্রী ওইনা ৱাশক লৌখিবদা সম্রাত চৌধরীজীবু নুংঙাইবা ফোংদোকচরি অমসুং য়াইফ-পাউজেল পীজরি। মহাক্কী ইনর্জী, মীয়ামগী সেবাদা পীবা ঙম্বা অমসুং লমদম অসিগী ওইবা এক্সপিরিএন্সনা রাজ্য অসিগীদমক্তা য়াম্না কান্নবা ওইগনি। মহাক্কী হৈথোই-শিংথোইরবা লুচিং মখাদা মীয়ামগী অপাম্বশিং মপুং ফাহনদুনা বিহারনা চাউখৎপগী অনৌবা অৱাংবা থাকশিং ফংগনি হায়না ঐহাক্না থাজবা থম্লি।
@samrat4bjp”
“বিহারগী উপ মুখ্য মন্ত্রী ওইনা ৱাশক লৌখ্রবা বিজয় কুমার চৌধরীজী অমসুং বিজেন্দ্র প্রসাদ য়াদবজীদা নুংঙাইবা ফোংদোকচরি অমসুং য়াইফ-পাউজেল পীজরি। মখোয়গী তঙাই ফদবা অমসুং মীয়ামগী য়াইফনবা হোৎনবগী থৌনা অসিনা বিহারগী চাউখৎ-থৌরাংবু অনৌবা মাইকৈ অমসুং খোঙজেল পীগনি হায়না ঐহাক্না থাজবা থম্লি। মসিগা লোইননা রাজ্য অসিনা অফবা লৈঙাক, স্বচ্ছতা অমসুং মীয়ামগী য়াইফনবা অনৌবা থাকশিং শেমগনি।
@VijayKChy”
***
(রিলিজ আই.দি.: 2252506)
ভিজিতর কাউন্তর : 5
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Telugu
,
Kannada
,
Malayalam