કોલસા મંત્રાલય 17 એપ્રિલ 2026ના રોજ કોમર્શિયલ કોલસાની ખાણની હરાજીના 15મા રાઉન્ડના લોન્ચિંગ સાથે "આત્મનિર્ભર ભારત: ઊર્જા સુરક્ષા માટે કોલસો" (Atmanirbhar Bharat: Coal for Energy Security) પર સ્ટેકહોલ્ડર પરામર્શનું આયોજન કરવા માટે તૈયાર છે. આ કાર્યક્રમ મુંબઈમાં યોજાશે અને તેમાં કોલસા મંત્રાલયના સચિવ શ્રી વિક્રમ દેવ દત્ત મુખ્ય અતિથિ તરીકે ઉપસ્થિત રહેશે. આ પહેલ ભારતની વધતી જતી ઊર્જા જરૂરિયાતોને સમર્થન આપવા અને આત્મનિર્ભર રાષ્ટ્રના વિઝનને આગળ વધારવા માટે મંત્રાલયની સતત પ્રતિબદ્ધતાને પ્રતિબિંબિત કરે છે.

કોમર્શિયલ કોલસાની ખાણની હરાજીની શાનદાર સફળતાને આધારે, કોલસા મંત્રાલય વિકાસ, કાર્યક્ષમતા અને આત્મનિર્ભરતા પર નવેસરથી ધ્યાન કેન્દ્રિત કરીને ભારતના ઊર્જા પરિદ્રશ્યને મજબૂત કરવાનું ચાલુ રાખે છે. પ્રધાનમંત્રી શ્રી નરેન્દ્ર મોદીના નેતૃત્વમાં 2020 માં કોમર્શિયલ કોલસાના ખનનની શરૂઆત થઈ ત્યારથી, આ પહેલે સ્થાનિક કોલસાની ઉપલબ્ધતામાં નોંધપાત્ર વધારો કર્યો છે અને રાષ્ટ્રની ઊર્જા સુરક્ષાને વધુ મજબૂત બનાવી છે.

આગામી 15મો રાઉન્ડ આ પ્રગતિશીલ યાત્રાને ચાલુ રાખે છે, જે વ્યવસાય કરવાની સરળતા (ease of doing business) ને પ્રોત્સાહન આપવા, વિવિધ રોકાણો આકર્ષવા અને ઉદ્યોગોની વ્યાપક ભાગીદારીને પ્રોત્સાહિત કરવા માટે અત્યંત ઉદાર શરતો હેઠળ કોલસાની ખાણો ઓફર કરે છે. આ રાઉન્ડ સંપૂર્ણ રીતે શોધાયેલા (fully explored) અને આંશિક રીતે શોધાયેલા (partially explored) કોલસાના બ્લોક્સનો નવો સેટ ઓફર કરશે, જે અનુભવી ખાણિયાઓ, નવા પ્રવેશનારાઓ અને ટેકનોલોજી-સંચાલિત સાહસોને સમાન રીતે ભાગ લેવા માટે આમંત્રિત કરશે. તે રોકાણોમાં વધારો, રોજગાર નિર્માણ અને એકંદર ક્ષેત્રીય વૃદ્ધિનો માર્ગ મોકળો કરવાની સાથે એક ગતિશીલ અને સ્પર્ધાત્મક ઇકોસિસ્ટમને પ્રોત્સાહન આપીને કોલસા ક્ષેત્રને વધુ ઊર્જાવાન બનાવશે તેવી અપેક્ષા છે.

કોમર્શિયલ કોલસાની ખાણ હરાજી માળખાએ પારદર્શિતા લાવીને, સ્પર્ધાને પ્રોત્સાહન આપીને અને તમામ સહભાગીઓ માટે સમાન તકો ઊભી કરીને કોલસા ક્ષેત્રમાં પરિવર્તન આણ્યું છે. તેણે સ્થાનિક ઉદ્યોગો માટે કોલસાની ઉપલબ્ધતામાં નોંધપાત્ર વધારો કર્યો છે, જેનાથી આયાત પરની નિર્ભરતામાં ઘટાડો થયો છે અને આત્મનિર્ભર ભારતના વિઝનને ટેકો મળ્યો છે.

કોમર્શિયલ કોલસાનું ખનન આર્થિક પ્રગતિના મુખ્ય સંચાલક તરીકે પણ ઉભરી આવ્યું છે, જે કોલસાના ઉત્પાદનમાં વધારો કરવામાં અને દેશભરના ઉદ્યોગો માટે સ્થિર અને વિશ્વસનીય પુરવઠો સુનિશ્ચિત કરવામાં ફાળો આપે છે. આગામી રાઉન્ડ આ મજબૂત પાયા પર નિર્મિત છે, જે આ ક્ષેત્રમાં વિશ્વાસ અને તેની ભાવિ ક્ષમતાને વધુ મજબૂત બનાવે છે.

કોલસા મંત્રાલય ક્ષેત્રમાં ટકાઉ વિકાસ, નવીનતા અને લાંબા ગાળાની સ્થિતિસ્થાપકતાને પ્રોત્સાહન આપવાની સાથે રાષ્ટ્ર માટે વિશ્વસનીય અને સસ્તું ઊર્જા સુનિશ્ચિત કરવા માટે પ્રતિબદ્ધ છે.

SM/DK/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com