ભારતના ચૂંટણી પંચે (ECI) તમિલનાડુ અને પશ્ચિમ બંગાળ (તબક્કો-I) ની વિધાનસભાઓની સામાન્ય ચૂંટણીઓ માટે મતદાર માહિતી કાપલી (VIS) ના વિતરણની શરૂઆત કરી છે, જ્યાં 23મી એપ્રિલ, 2026 (ગુરુવાર) ના રોજ મતદાન થવાનું છે.

VIS માં મતદારની વિગતો, મતદાન મથકનું સ્થાન, મતદાનની તારીખ અને સમય તથા મતદાનના દિવસે મતદારોને માર્ગદર્શન આપવા માટે 'શું કરવું અને શું ન કરવું' (Do’s and Don’ts) ની યાદી સાથે મતદાન મથકના નકશાનો સ્નેપશોટ હોય છે. એક QR કોડ પણ મતદારોને મતદાર વિગતો ઝડપથી શોધવા/મેળવવામાં મદદ કરે છે. VIS મતદાન મથકો પર ભીડ ઘટાડવામાં પણ મદદ કરે છે અને ઝડપી મતદાનમાં સહાયરૂપ થાય છે.

યાદ રહે કે પંચે, તેની એક પહેલના ભાગરૂપે, મતદારોની સુવિધા માટે VIS ને વધુ વાંચવા યોગ્ય અને સુલભ બનાવવા માટે સૂચનાઓ જાહેર કરી હતી. તે મુજબ, ઓળખ અને ઉપયોગમાં સરળતા રહે તે માટે VIS પર મતદારનો ભાગ નંબર (part number) અને ક્રમ નંબર (serial number) સ્પષ્ટપણે વાંચી શકાય તેવા બનાવવામાં આવ્યા છે.

VIS સંબંધિત BLO (બી.એલ.ઓ.) દ્વારા વ્યક્તિગત રીતે મતદારોને ઘરે-ઘરે જઈને વિતરીત કરવામાં આવે છે. આ પ્રક્રિયા તમામ નોંધાયેલા મતદારો માટે મતદાનના દિવસના ઓછામાં ઓછા 5 દિવસ પહેલા પૂર્ણ કરવાની હોય છે.

VIS ને સુલભ અને મતદાર-મૈત્રીપૂર્ણ બનાવવા માટે, પંચે એવી સૂચનાઓ પણ જાહેર કરી છે કે તે માત્ર તે જ ભાષાઓમાં હોવી જોઈએ જેમાં તે વિધાનસભા મતવિસ્તારની મતદાર યાદી (Electoral Roll) પ્રકાશિત કરવામાં આવે છે.

ચૂંટણી પ્રક્રિયામાં દિવ્યાંગ વ્યક્તિઓની (PwDs) સંપૂર્ણ રચનાત્મક ભાગીદારી અને સક્રિય જોડાણ સુનિશ્ચિત કરવા માટે, દ્રષ્ટિહીન અથવા અંધ વ્યક્તિઓને નિયમિત VIS ઉપરાંત બ્રેઈલ સુવિધાઓ ધરાવતી 'એક્સેસિબલ વોટર ઇન્ફોર્મેશન સ્લિપ્સ' (AVIS) આપવા માટે નિર્દેશ આપવામાં આવ્યો છે.

VIS ના વિતરણ દરમિયાન BLA/ઉમેદવાર અથવા તેમના એજન્ટો BLO ની સાથે રહી શકે છે.

VIS (ચૂંટણી સામગ્રી) નું કોઈપણ અનધિકૃત વિતરણ/કબજો RP એક્ટ, 1951 અને BNS ની સંબંધિત જોગવાઈઓનું ઉલ્લંઘન ગણાશે અને તે જેલની સજા અથવા દંડ અથવા બંનેને શિક્ષાપાત્ર છે.

મતદાનમાં મત આપવાના હેતુ માટે મતદાર માહિતી કાપલીને મતદાર દ્વારા એકમાત્ર ઓળખ દસ્તાવેજ તરીકે સ્વીકારવામાં આવશે નહીં. મતદારો તેમના મતાધિકારનો ઉપયોગ કરવા માટે EPIC (ચૂંટણી કાર્ડ) ઉપરાંત 12 અધિકૃત ઓળખ પુરાવાઓમાંથી કોઈપણ એકનો ઉપયોગ કરી શકે છે.

SM/DK/JD