کامرس اور صنعت کے مرکزی وزیر جناب پیوش گوئل نے اپنے ہم منصب عزت مآب جناب عبداللہ بن عادل فخرو، وزیر صنعت و تجارت، بحرین۔کے ساتھ ایک ورچوئل کال کی۔

بات چیت کے دوران، جناب گوئل نے خطے کے لیے اعلان کردہ جنگ بندی کا خیر مقدم کیا اور امید ظاہر کی کہ یہ پائیدار رہے گی۔ انہوں نے اس امید کا بھی اظہار کیا کہ بحرین سمیت خطے کے ممالک تنازعات کے آغاز کے بعد سے درپیش رکاوٹوں سے تیزی سے بازیافت کریں گے۔ انہوں نے خطے میں سمندری اور دیگر طریقوں سے متوقع تجارت کے بہاؤ کو یقینی بنانے کی ضرورت پر زور دیا۔

وزیر موصوف نے بحرین کے ساتھبھارت کی یکجہتی کا اظہار کیا، ملک میں اہم تنصیبات پر حالیہ حملوں کی مذمت کی اور سمندری حفاظت سمیت اس کی سلامتی اور استحکام کے لیے حمایت کا اعادہ کیا۔

جناب گوئل نے بھارتیہ کمیونٹی کو دی جانے والی حمایت کی تعریف کی اوربھارتیہ شہریوں کی فلاح و بہبود کو یقینی بنانے کی کوششوں کے لئے بحرینی حکام کا شکریہ ادا کیا۔

میٹنگ نے مسلسل تعاون اور قریبی مصروفیت کے ذریعے بھارت-بحرین اقتصادی شراکت داری کو مزید مضبوط کرنے کے مشترکہ عزم کی توثیق کی۔

***

(ش ح۔اص)

UR No 5710

(ریلیز آئی ڈی: 2251029) وزیٹر کاؤنٹر : 10