કેન્દ્રીય વાણિજ્ય અને ઉદ્યોગ મંત્રી શ્રી પીયૂષ ગોયલે તેમના કુવૈતી સમકક્ષ મહામહિમ શ્રી ઓસામા ખાલેદ બુદાઈ સાથે વર્ચ્યુઅલ સંવાદ કર્યો હતો.

બેઠક દરમિયાન, શ્રી ગોયલે સંઘર્ષ દરમિયાન કુવૈતમાં થયેલા નુકસાન અને ક્ષતિ અંગે નિંદા વ્યક્ત કરી હતી.

તેમણે ભારતના વલણનો પુનરોચ્ચાર કર્યો હતો કે આ પ્રદેશમાં કાયમી શાંતિ સમગ્ર વિશ્વ માટે અત્યંત મહત્વની છે.

ચર્ચાઓ ભારત-કુવૈત વ્યૂહાત્મક ભાગીદારીને ગાઢ બનાવવા માટે વેપાર અને વાણિજ્યમાં ઉપલબ્ધ તકોનો લાભ લેવા પર કેન્દ્રિત હતી. મંત્રીએ રેખાંકિત કર્યું હતું કે મજબૂત દ્વિપક્ષીય સંબંધો વધુ આર્થિક સહયોગ અને સહિયારી સમૃદ્ધિ લાવવા માટેની ચાવી છે. તેમણે કુવૈતમાં ભારતીય સમુદાયની સુખાકારી અને સલામતી સુનિશ્ચિત કરવા માટે કુવૈતી નેતૃત્વના પ્રયાસોની પણ પ્રશંસા કરી હતી.

બંને મંત્રીઓ સંમત થયા હતા કે સંવાદ અને મુત્સદ્દીગીરીને પ્રાથમિકતા આપવી જોઈએ અને ઉર્જા પુરવઠા તથા વેપાર પ્રવાહમાં આવતા વિક્ષેપોને વહેલામાં વહેલી તકે પુનઃસ્થાપિત કરવા જોઈએ.

મંત્રીએ જણાવ્યું હતું કે એક વિશ્વાસપાત્ર અને ભરોસાપાત્ર ભાગીદાર તરીકે, ભારત ખાસ કરીને કુવૈતની ખાદ્ય સુરક્ષા સાથે સંબંધિત કોઈપણ સપ્લાય ચેઈન મુદ્દાઓને ઉકેલવા માટે સહાય આપવા તૈયાર છે.

SM/BS/JD

(રીલીઝ આઈડી: 2250997) મુલાકાતી સંખ્યા : 13