آیوش کی وزارت نے نئی دہلی کے وگیان بھون میں ایک شاندار افتتاحی تقریب کے ساتھ "پائیدار صحت کے لیے ہومیوپیتھی" کے موضوع پر ہومیوپیتھی کا عالمی دن 2026 منایا ، جس میں ملک بھر کے پالیسی سازوں ، محققین ، معالجین ، ماہرین تعلیم اور طلباء کو یکجا کیا گیا ۔  اس تقریب میں ڈاکٹر سیموئیل ہانیمن کا یوم پیدائش منایا گیا اور جامع اور پائیدار حفظان صحت کو آگے بڑھانے میں ہومیوپیتھی کے بڑھتے ہوئے کردار پر زور دیا گیا ۔

اجتماع سے خطاب کرتے ہوئے آیوش کی وزارت کے مرکزی وزیر مملکت (آزادانہ چارج) اور صحت و خاندانی بہبود کے وزیر مملکت جناب پرتاپ راؤ جادھو نے کہا  کہ"گذشتہ برسوں کے دوران ، ہندوستان نے ایک جامع اور توسیع پذیر ہومیوپیتھی افرادی قوت تیار کی ہے ، جسے مضبوط اداروں اور تحقیقی اداروں کی حمایت حاصل ہے ۔  سی سی آر ایچ ، این سی ایچ اور این آئی ایچ جیسی تنظیمیں تحقیق ، تعلیم اور معیاری حفظان صحت کی فراہمی کے ذریعے ہومیوپیتھی میں سائنسی بنیاد ، انضباطی فریم ورک اور عوامی اعتماد کو مسلسل مضبوط کر رہی ہیں،  اس طرح ملک بھر میں قابل رسائی اور کفایتی  حفظان صحت خدمات میں معنی خیز تعاون کر رہی ہیں ۔

جناب جادھو نے زور دے کر کہا کہ ہومیوپیتھی کو ایک قابل اعتماد اور عالمی سطح پر متعلقہ نظام طب کے طور پر مزید مضبوط کرنے کے لیے ثبوت پر مبنی ترقی ، بین ضابطہ جاتی  تعاون اور مستقل تحقیق ضروری ہے ۔  انہوں نے اعلی معیار کی مریضوں پر مرکوز حفظان صحت خدمات کو یقینی بنانے کے لیے سائنسی مطالعات کو بڑھانے ، تعلیم کے معیار کو بہتر بنانے اور معالجین، محققین اور پالیسی سازوں کے درمیان مضبوط تال میل کو فروغ دینے کی اہمیت کو اجاگر کیا۔   انہوں نے قومی ترجیحات اور عالمی صحت کے اہداف کے مطابق ایک جامع اور پائیدار صحت کی دیکھ بھال کے ماڈل کو فروغ دینے کے لیے حکومت کے عزم کا اعادہ کیا ۔

وزارت آیوش کے سکریٹری ویدیا راجیش کوٹیچا نے کہا کہ حکومت بنیادی ڈھانچے میں سرمایہ کاری ، خدمات کی توسیع ، اور آیوش گرڈ اور ایچ ایم آئی ایس جیسے ڈیجیٹل پلیٹ فارم کے ذریعے آیوش ایکو نظام کو مضبوط کر رہی ہے ۔  انہوں نے ہنر مند اور مستقبل کے لیے تیار افرادی قوت کی تعمیر کے لیے تعلیمی اور تربیتی نظام کو جدید بنانے کی کوششوں پر بھی روشنی ڈالی ۔

جناب کوٹیچا نے مزید اس بات پر زور دیا کہ ہندوستان ہومیوپیتھی میں ایک عالمی رہنما کے طور پر ابھرا ہے ، جسے مضبوط ادارہ جاتی نیٹ ورک اور تحقیق اور معیار پر بڑھتے ہوئے زور کی حمایت حاصل ہے ، جو قابل رسائی اور پائیدار حٖفظان صحت میں اپنا تعاون دے رہا ہے ۔

آیوش کی وزارت کی جوائنٹ سکریٹری محترمہ الارمل منگائی ڈی نے اس بات کو اجاگر کیا کہ ہومیوپیتھی ہندوستان کے حفظان صحت کے نظام میں اہم کردار ادا کرتی ہے ، جس میں ادارہ جاتی ترقی ، معیار اور عالمی رسائی پر زور دیا جاتا ہے ۔  انہوں نے کہا کہ ہومیو پیتھی معالجین  کے لئے  قومی رجسٹر جیسے اقدامات شفافیت کو بڑھا رہے ہیں اور پیشہ ورانہ ایکو نظام کو مضبوط کر رہے ہیں ، جبکہ تعلیمی اداروں اور معالجوں کا بڑھتا ہوا نیٹ ورک ہومیو پیتھی نظام  طب کی بڑھتی ہوئی مقبولیت کی عکاسی کرتا ہے ۔  انہوں نے محفوظ ، قابل اعتماد اور مریضوں کی مؤثر دیکھ بھال کو یقینی بنانے کے لیے طبی تربیت اور دواسازی کے معیار میں، اعلی معیار برقرار رکھنے کے ساتھ اس توسیع کو ہم آہنگ کرنے کی ضرورت پر مزید زور دیا ۔

آیوش کی وزارت کی مشیر (ہومیوپیتھی) ڈاکٹر پریتھا کزاکوٹل نے کہا کہ ہومیوپیتھی صحت کی دیکھ بھال کے لیے مریضوں پر مرکوز اور کفایتی نقطہ  نظر پیش کرتا ہے ، جس میں امراض کی روک تھام اور مہلک بیماری کے انتظام میں نمایاں صلاحیت موجود ہے ۔  انہوں نے کہا کہ وزارت کے تحت جاری اقدامات رسائی اور انضمام کو بہتر بنا رہے ہیں ، جبکہ تعلیم ، تحقیق اور اخلاقی عمل پر مسلسل توجہ ہومیو پیتھی نظام  طب کی ساکھ اور رسائی کو مضبوط کر رہی ہے۔

پروگرام کا آغاز،  ہومیوپیتھی میں  تحقیق کے مرکزی کونسل  (سی سی آر ایچ) کے ڈائریکٹر جنرل  ڈاکٹر سبھاش کوشک  کے استقبالیہ خطاب سے ہوا ، انہوں نے کہا کہ " ہومیوپیتھی کا عالمی دن ایک اہم قومی اور بین الاقوامی پلیٹ فارم کے طور پر ابھراہے،  جو ہومیوپیتھی کی بڑھتی ہوئی پہچان کی عکاسی کرتا ہے ۔  یہ فورم بات چیت ، اختراع اور تعاون کو فروغ دینے کے لیے محققین ، معالجین ، اساتذہ اور پالیسی سازوں کو یکجا کرتا ہے ۔  آج ہماری توجہ تحقیق ، پالیسی اور عمل کے درمیان تعلق کو مضبوط کرنے پر مرکوز ہے،  تاکہ سائنسی علم، صحت عامہ کے بامعنی نتائج میں تبدیل ہو سکے ۔

ہومیو پیتھی کے  قومی کمیشن  (این سی ایچ) کے چیئر پرسن ڈاکٹر تارکیشور جین نے زور دے کر کہا کہ "آج ہندوستان میں ہومیوپیتھی محض ایک متبادل نہیں ہے،  بلکہ طب کے مرکزی دھارے کے نظام کے طور پر قائم ہے ، جسے 3 لاکھ  45 ہزار  سے زیادہ رجسٹرڈ معالجین اور 291 تعلیمی اداروں کی حمایت حاصل ہے ۔  ہومیوپیتھی کے قومی کمیشن کے ذریعے ہم ہومیوپیتھی نظام کی ساکھ اور افادیت کو مزید بڑھانے کے لیے شفافیت ، تعلیم میں معیار اور اخلاقی معیارات کو مضبوط کر رہے ہیں ۔

اس موقع پر ، متعدد اہم اشاعتوں اور علمی وسائل کا اجراء عمل میں آیا ، جس میں سی سی آر ایچ کا نیا سرکاری لوگو اور تقریب کا سووینیر شامل ہے ۔  جن کلیدی اشاعتوں کا اجراء عمل میں آیا، ان میں "سی سی آر ایچ جرنی: پبلکیشن آؤٹ ریچ اینڈ نالج ڈسی مینیشن"،  ایکورس کیلامس پر ایک مونوگراف ، اور "سائنٹفک  پرسپیکٹوز آف ہومیوپیتھک میڈیسنز : ایک پریکٹیشنرز گائیڈ" شامل ہیں ۔  سی سی آر ایچ کا نیا نیوز لیٹر اور انڈین جرنل آف ریسرچ ان ہومیوپیتھی (آئی جے آر ایچ) جلد 20 کے شمارے 1 کے تازہ شمارے کے ساتھ ساتھ ہومیوپیتھی کے قومی کمیشن (این سی ایچ) کے قانون ، قواعد وضوابط کے جلد 2 کو بھی جاری کیا گیا ۔

ڈیجیٹل محاذ پر ، کلیدی اقدامات میں آیوش گرڈ پورٹل پر ایک سرٹی فیکیشن کورس ، اے آئی سے چلنے والا معلومات کی تشہیر کا مواد ، آئی آر آئی این ایس انٹیگریشن ، ایک ہندی شبدکوش ویب سائٹ ، اور ہومیو پیتھک بیداری ہفتہ (یکم سے7 اپریل 2026) کے دوران منعقد کی جانے والی ملک گیر سرگرمیوں کا آڈیو ویژول مجموعہ شامل ہیں ۔

اس تقریب نے ہومیوپیتھی کو حفظان صحت کے ثبوت پر مبنی ، قابل رسائی اور مریض پر مرکوز نظام کے طور پر مضبوط کرنے کے لیے حکومت ہند کے عزم کا اعادہ کیا ۔  تحقیق ، تعلیم ، ڈیجیٹل انضمام اور عوامی رسائی پر مسلسل توجہ دینے کے ساتھ ، آیوش کی وزارت کا مقصد معاشرے کے تمام طبقات کو سستی اور جامع حفظان صحت کی خدمات فراہم کرنے میں ہومیوپیتھی کے کردار کو مزید بڑھانا ہے ۔

****

) ش ح –م ع  -ق ر)

U.No. 5683